ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತದ ಆರ್ಥಿಕ ತಜ್ಞ, ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅಮರ್ತ್ಯ ಸೇನ್ (89) ಅವರು ನಿಧನರಾಗಿದ್ದಾರೆಂದು ಎಲ್ಲೆಡೆ ಸುದ್ದಿ ಹರಿದಾಡಿದ್ದು, ಇದೀಗ ಸಾವಿನ ಕುರಿತಾಗಿ ಹರಡಿದ ಸುದ್ದಿಯನ್ನು ಅಮರ್ತ್ಯರ ಪುತ್ರಿ, ನಟಿ ನಂದನಾ ದೇವ್ ಸೇನ್ ಅವರು ನಿರಾಕರಿಸಿದ್ದಾರೆ.
ಪುತ್ರಿ ನಂದನಾ ಅವರು ತಮ್ಮ ಎಕ್ಸ್ ಖಾತೆಯಲ್ಲಿ ಈ ಕುರಿತು ಚಿತ್ರ ಸಹಿತವಾಗಿ ಸ್ಪಷ್ಟನೆ ನೀಡಿದ್ದಾರೆ.
https://twitter.com/nandanadevsen/status/1711716130144841880/photo/1
ಸ್ನೇಹಿತರೇ, ನೀವು ತೋರಿದ ಕಾಳಜಿಗಾಗಿ ಧನ್ಯವಾದಗಳು. ಆದರೆ ಅದೊಂದು ಫೇಕ್ ಸುದ್ದಿ. ತಂದೆಯವರು ಕ್ಷೇಮವಾಗಿದ್ದಾರೆ. ಕೇಂಬ್ರಿಜ್‌ನಲ್ಲಿ ನಾವು ಈಗಷ್ಟೇ ಕುಟುಂಬಿಕರು ಅತ್ಯುತ್ತಮ ವಾರವನ್ನು ಕಳೆದಿದ್ದೇವೆ. ನಿನ್ನೆ ನಾವು ಅವರಿಗೆ ‘ಬೈ’ ಹೇಳಿದಾಗ ಎಂದಿನಷ್ಟೇ ಬಲವಾದ ಅಪ್ಪುಗೆ ಸಿಕ್ಕಿತ್ತು. ಅವರು ಹಾರ್ವರ್ಡ್‌ನಲ್ಲಿ ವಾರಕ್ಕೆರಡು ಕೋರ್ಸುಗಳನ್ನು ಬೋಧಿಸುತ್ತಿದ್ದಾರೆ ಎಂದು ನಂದನಾ ಅವರು ವಿವರಣೆ ನೀಡಿದ್ದಾರೆ.
