ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅದ್ವಿತೀಯ ಕೆಲಸ ಮಾಡಿದ್ದಾರೆ. ಅದ್ವಿತೀಯ ಎನಿಸುವ ಶಿಕ್ಷಣ ವ್ಯವಸ್ಥೆ ಮತ್ತು ಮೂಲಸೌಕರ್ಯವನ್ನು ರೂಪಿಸಿದ್ದಾರೆ ಎಂದು ಅಮೆರಿಕದ ಬ್ಯಾಂಕಿಂಗ್ ಸಂಸ್ಥೆ ಜೆಪಿ ಮಾರ್ಗನ್ ಚೇಸ್ನ ಸಿಇಒ ಜೇಮೀ ಡಿಮೋನ್ (Jamie dimon) ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರ ಸಾಧನೆಗಳ ಗುಣಗಾನ ಮಾಡಿದ್ದಾರೆ.
ಅಮೆರಿಕದ ನ್ಯೂಯಾರ್ಕ್ ನಗರದಲ್ಲಿ ಎಕನಾಮಿಕ್ ಕ್ಲಬ್ ಆಯೋಜಿಸಿದ ಕಾರ್ಯಕ್ರಮದಲ್ಲಿ ಮಾತನಾಡಿದ ಜೆಪಿ ಮಾರ್ಗನ್ ಚೇಸ್ನ ಸಿಇಒ, ‘ನರೇಂದ್ರ ಮೋದಿ ಭಾರತದಲ್ಲಿ 40 ಕೋಟಿ ಜನರನ್ನು ಬಡತನದಿಂದ ಹೊರಗೆ ತಂದಿದ್ದಾರೆ. 40 ಕೋಟಿ ಜನರಿಗೆ ಶೌಚಾಲಯ ಕೊಟ್ಟಿದ್ದಾರೆ. 70 ಕೋಟಿ ಜನರು ಬ್ಯಾಂಕ್ ಖಾತೆ ತೆರೆಯುವಂತೆ ಮಾಡಿದ್ದಾರೆ. ನಾವು ಅವರಿಗೆ ಆ ಕೆಲಸ ಮಾಡಿ ಈ ಕೆಲಸ ಮಾಡಿ ಎಂದು ಭೋಧಿಸಲು ಹೋಗುತ್ತಿದ್ದೇವೆ. ಇಂಥ ಗಟ್ಟಿತನ ಅಮೆರಿಕಕ್ಕೆ ಸ್ವಲ್ಪವಾದರೂ ಬೇಕಿತ್ತು ಎಂದು ಹೇಳಿದ್ದಾರೆ.
ಈ ಒಬ್ಬ ಮನುಷ್ಯ ಗಟ್ಟಿಯಾಗಿರುವುದರಿಂದ ಇಡೀ ದೇಶ ಮೇಲೇಳುತ್ತಿದೆ. ಹಳೆಯ ಆಡಳಿತಶಾಹಿ ವ್ಯವಸ್ಥೆಯನ್ನು ಮುರಿಯುವ ಗಟ್ಟಿತನ ಮೋದಿ ತೋರಿದ್ದಾರೆ. ಅಮೆರಿಕಕ್ಕೆ ಇದರಲ್ಲಿ ಸ್ವಲ್ಪವಾದರೂ ಬರಬೇಕುಎಂದು ಸಿಇಒ ಜೇಮೀ ದಿಮೋನ್ ತಿಳಿಸಿದ್ದಾರೆ.
ಭಾರತದ ಡಿಜಿಟಲ್ ಇನ್ಫ್ರಾಸ್ಟ್ರಕ್ಚರ್ ವ್ಯವಸ್ಥೆಯನ್ನೂ ಕೊಂಡಾಡಿದ ಅವರು,‘ಪ್ರತಿಯೊಬ್ಬ ನಾಗರಿಕನನ್ನು ಕೈಯಿಂದಾಗಲೀ, ಕಣ್ಣಿಂದಾಗಲೀ ಅಥವಾ ಬೆರಳಿಂದಾಗಲೀ ಗುರುತಿಸಲಾಗುತ್ತಿದೆ. 70 ಕೋಟಿ ಜನರು ಬ್ಯಾಂಕ್ ಖಾತೆ ತೆರೆದಿದ್ದಾರೆ. ಅವರು ಆನ್ಲೈನ್ನಲ್ಲಿ ಸುಲಭವಾಗಿ ಹಣ ಪಾವತಿಸಬಲ್ಲುರು ಎಂದು ಅಮೆರಿಕದ ಅತಿದೊಡ್ಡ ಬ್ಯಾಂಕಿಂಗ್ ಸಂಸ್ಥೆಯಾದ ಜೆಪಿ ಮಾರ್ಗನ್ ಚೇಸ್ನ ಸಿಇಒ ಅಭಿಪ್ರಾಯಪಟ್ಟಿದ್ದಾರೆ.