ಚಿಕ್ಕ ಮಕ್ಕಳನ್ನು ಬೇಕಾದರೂ ಸಂಭಾಳಿಸಬಹುದು ಆದರೆ ಟೀನೇಜರ‍್ಸ್ ಸಂಭಾಳಿಸೋದು ಕಷ್ಟದ ಕೆಲಸ. ಎಲ್ಲ ಗೊತ್ತು ಎನ್ನುವ ವಯಸ್ಸಲ್ಲ, ಹಾಗಂತ ಏನೂ ಗೊತ್ತಿಲ್ಲ ಎನ್ನಲೂ ಆಗುವುದಿಲ್ಲ. ಇವರು ದಾರಿ ತಪ್ಪುವುದು ಇದೇ ವಯಸ್ಸಿನಲ್ಲಿ. ಇವರ ಸ್ನೇಹಿತರಾಗಿದ್ದರೆ ಮಾತ್ರ ಏನೂ ಸಮಸ್ಯೆ ಇಲ್ಲದೆ ಈ ವಯಸ್ಸು ದಾಟಬಹುದು.. ಹೇಗಿರಬೇಕು ನೋಡಿ..
- ನೀವು ಪೋಷಕರು ಹೌದು, ಆದರೆ ಅವರ ಸ್ನೇಹಿತರೂ ಹೌದು, ಬೇರೆಯವರ ಬಳಿ ಹೇಳಿಕೊಳ್ಳಲು ಆಗದ್ದನ್ನು ನಿಮ್ಮ ಬಳಿ ಅವರು ಶೇರ್ ಮಾಡಬೇಕು. ಹಾಗೆ ನಡೆದುಕೊಳ್ಳಿ.
- ನಿಮ್ಮ ಟೀನೇಜ್ ನೆನಪು ಮಾಡಿಕೊಳ್ಳಿ. ಆಗ ನಿಮಗೆ ಯಾವ ರೀತಿ ಮಾರ್ಗದರ್ಶನ ಬೇಕಿತ್ತು? ಇವರಿಗೆ ಅದೇ ರೀತಿ ಮಾರ್ಗದರ್ಶನ ನೀಡಿ.
- ಒಟ್ಟಾಗಿ ಹೆಚ್ಚು ಕಾಲ ಕಳೆಯಿರಿ. ಟೀನೇಜರ‍್ಸ್ ಮೊಬೈಲ್ ಹಾಗೂ ಫ್ರೆಂಡ್ಸ್‌ನ್ನು ನಿಮಗಿಂತ ಹೆಚ್ಚು ಇಷ್ಟಪಡುತ್ತಾರೆ. ಅದರ ಜೊತೆ ಕಡಿಮೆ ಸಮಯ ನಿಮ್ಮ ಜೊತೆ ಹೆಚ್ಚು ಸಮಯ ಕಳೆಯಲು ಏನಾದರೂ ಐಡಿಯಾ ಮಾಡಿ.
- ಅವರಿಗೆ ಹೆಚ್ಚು ಫ್ರೀಡಂ ಬೇಕು. ಖಾಸಗಿತನಕ್ಕೆ ಹಪಹಪಿಸುತ್ತಾರೆ. ಅದನ್ನು ತಕ್ಕಮಟ್ಟಿಗೆ ನೀಡಿ, ಸದಾ ಒಂದು ಕಣ್ಣಿಟ್ಟಿರಿ.
- ಮಕ್ಕಳ ಎಲ್ಲ ಆಕ್ಟಿವಿಟಿ ಮೇಲೆ ಗಮನ ಇರಲಿ. ಧೂಮಪಾನ, ಮದ್ಯಪಾನ, ಡ್ರಗ್ಸ್, ಸೆಕ್ಸ್ ಎಲ್ಲ ತೊಂದರೆಗಳು ಇಲ್ಲಿಂದಲೇ ಆರಂಭ. ಅವರ ದಿನಚರಿ ಮೇಲೆ ನಿಗಾ ಇಡಿ.
- ಎಷ್ಟೇ ಬ್ಯುಸಿಯಾಗಿರಲಿ. ಒಟ್ಟಿಗೇ ಊಟ ತಿಂಡಿ ಮಾಡಿ, ಮಾತನಾಡಿ, ತಮಾಷೆ ಮಾಡಿ, ಬಾಂಧವ್ಯ ಗಟ್ಟಿ ಮಾಡಿ.
- ಯಾವಾಗಲೂ ಮಾತುಕತೆ ಜಾರಿಯಿರಲಿ. ಕಾಲೇಜಿನಲ್ಲಿ ಏನಾಯ್ತು? ಟ್ಯೂಷನ್‌ನಲ್ಲಿ ಏನಾಯ್ತು? ಅವರ ಸ್ನೇಹಿತರು ಯಾರು? ಅವರ ಬಗ್ಗೆ ವಿಚಾರಿಸಿ. ಹೀಗೆ ಎಲ್ಲ ಮಾಹಿತಿ ನಿಮ್ಮಲ್ಲಿರಲಿ.
- ಅವರು ಏನೇ ಮಾಡಿದರೂ ಎನ್‌ಕರೇಜ್ ಮಾಡಿ, ಅವರಿಗೆ ಆಸಕ್ತಿ ಇರುವ ವಿಷಯಕ್ಕೆ ಒತ್ತು ನೀಡಿ. ಒತ್ತಡ ಹಾಕಬೇಡಿ.
- ಮಕ್ಕಳ ಫೋನ್, ಲ್ಯಾಪ್‌ಟಾಪ್ ಪಾಸ್‌ವರ್ಡ್ ನಿಮಗೂ ತಿಳಿದಿರಲಿ.
- ಗ್ರೌಂಡ್ ರೂಲ್ಸ್ ಸೆಟ್ ಮಾಡಿ, ಇದಕ್ಕೆ ಮಕ್ಕಳ ಸಹಾಯ ತೆಗೆದುಕೊಳ್ಳಿ. ತಪ್ಪು ಮಾಡಿದರೆ ಏನು ಶಿಕ್ಷೆ ಕೊಡಬಹುದು ಎಂದು ಅವರನ್ನೇ ಕೇಳಿ.
