ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಆನ್ಲೈನ್ ಫುಡ್ ಡೆಲಿವರಿ ಫ್ಲಾಟ್ಫಾರ್ಮ್ ಜೋಮಾಟೋ ಭಾರತದಲ್ಲಿ ಮೊದಲ ಬಾರಿಗೆ ಲಾರ್ಜ್ ಆರ್ಡರ್ ಫ್ಲೀಟ್ ಅನ್ನು ಆರಂಭಿಸಿದೆ.
ಇದರಿಂದ 50 ಜನರಿರುವ ಬರ್ತ್ಡೇ ಪಾರ್ಟಿಗಳು, ಗ್ರೂಪ್ ಇವೆಂಟ್ಗಳಿಗೆ ಆರ್ಡರ್ಗಳನ್ನು ಈ ಮೂಲಕ ತಲುಪಿಸಲಾಗುತ್ತದೆ. ಅದೇ ರೀತಿಯಲ್ಲಿ ಲಾರ್ಜ್ ಆರ್ಡರ್ ಫ್ಲೀಟ್ಅನ್ನು ಆರಂಭಿಸಲಾಗಿದೆ ಎಂದು ಕಂಪನಿ ಘೋಷಣೆ ಮಾಡಿದೆ.
ಕಂಪನಿಯ ಸಿಇಒ ದೀಪಿಂದರ್ ಗೋಯಲ್ ಅವರು ಮೈಕ್ರೋಬ್ಲಾಗಿಂಗ್ ಸೈಟ್ ಎಕ್ಸ್ನಲ್ಲಿ ಈ ಕುರಿತಾಗಿ ಸರಣಿ ಟ್ವೀಟ್ಗಳನ್ನು ಮಾಡುವ ಮೂಲಕ ಕಂಪನಿಯ ಹೊಸ ಸೇವೆಯ ಬಗ್ಗೆ ಮಾಹಿತಿ ನೀಡಿದ್ದಾರೆ. ಆಲ್ ಎಲೆಕ್ಟ್ರಿಕ್ ಫ್ಲೀಟ್ಅನ್ನು ಸಂಪೂರ್ಣವಾಗಿ ದೊಡ್ಡ ಆರ್ಡರ್ಗಳನ್ನು ಡೆಲಿವರಿ ಮಾಡಲು ಬಳಸಿಕೊಳ್ಳಲಾಗುವುದು. ಈ ಹಿಂದೆ ದೊಡ್ಡ ಆರ್ಡರ್ಗಳನ್ನು ತಲುಪಿಸಲು ಬೇರೆ ಬೇರೆ ಫ್ಲೀಟ್ ಡೆಲಿವರಿ ಪಾರ್ಟ್ನರ್ ಗಳನ್ನು ಬಳಸಿಕೊಳ್ಳಲಾಗುತ್ತಿತ್ತು. ಈ ಹಂತದಲ್ಲಿ ನಮ್ಮ ಗ್ರಾಹಕರ ಅನುಭವಗಳು ನಮಗೆ ಸಿಗುತ್ತಿರಲಿಲ್ಲ ಎಂದು ಬರೆದುಕೊಂಡಿದ್ದಾರೆ.
“ಇಂದು, ನಿಮ್ಮ ಎಲ್ಲಾ ದೊಡ್ಡ (ಗ್ರೂಪ್/ಪಾರ್ಟಿ/ಈವೆಂಟ್) ಆರ್ಡರ್ಗಳನ್ನು ಸುಲಭವಾಗಿ ನಿರ್ವಹಿಸಲು ವಿನ್ಯಾಸಗೊಳಿಸಲಾದ ಭಾರತದ ಮೊದಲ ಲಾರ್ಜ್ ಆರ್ಡರ್ ಫ್ಲೀಟ್ ಅನ್ನು ಪರಿಚಯಿಸಲು ನಾವು ಉತ್ಸುಕರಾಗಿದ್ದೇವೆ. ಇದು ಎಲ್ಲಾ ಎಲೆಕ್ಟ್ರಿಕ್ ಫ್ಲೀಟ್ ಆಗಿದ್ದು, ವಿಶೇಷವಾಗಿ 50 ಜನರ ಸಂತೋಷಕೂಟಕ್ಕಾಗಿ ಆರ್ಡರ್ಗಳನ್ನು ಪೂರೈಸಲು ವಿನ್ಯಾಸಗೊಳಿಸಲಾಗಿದೆ ಎಂದು ಬರೆದುಕೊಂಡಿದ್ದಾರೆ.
Today, we are excited to introduce India's first large order fleet, designed to handle all your large (group/party/event) orders with ease. This is an all electric fleet, designed specifically to serve orders for a gathering of upto 50 people. pic.twitter.com/RCH6v0kxfn
— Deepinder Goyal (@deepigoyal) April 16, 2024
“ಇಂತಹ ದೊಡ್ಡ ಆರ್ಡರ್ಗಳನ್ನು ಈ ಹಿಂದೆ ಬಹು ನಿಯಮಿತ ಫ್ಲೀಟ್ ವಿತರಣಾ ಪಾಲುದಾರರಿಗೆ ನೀಡಲಾಗುತ್ತಿತ್ತು. ಆದರೆ, ಗಾಹಕರ ನೈಜ ಅನುಭವ ನಮಗೆ ಸಿಗುತ್ತಿರಲಿಲ್ಲ. ಈ ಹೊಸ ವಾಹನಗಳು Zomato ನಲ್ಲಿ ದೊಡ್ಡ ಆರ್ಡರ್ಗಳನ್ನು ನೀಡುವಾಗ ನಮ್ಮ ಗ್ರಾಹಕರು ಎದುರಿಸುವ ಹೆಚ್ಚಿನ ಸಮಸ್ಯೆಗಳನ್ನು ಪರಿಹರಿಸಬೇಕು” ಎಂದು ಗೋಯಲ್ ಹೇಳಿದ್ದಾರೆ.
“ಕೂಲಿಂಗ್ ಕಂಪಾರ್ಟ್ಮೆಂಟ್ಗಳು ಮತ್ತು ತಾಪಮಾನ ನಿಯಂತ್ರಣದೊಂದಿಗೆ ಹಾಟ್ ಬಾಕ್ಸ್ಗಳನ್ನು ಇದರಲ್ಲಿ ಸೇರಿಸಲಾಗುತ್ತದೆ. ನೀವು ಆರ್ಡರ್ ಮಾಡಿದ ಫುಡ್, ನಮಗೆ ಬಿಸಿಬಿಸಿಯಾಗಿಯೇ ಬರುವಂತೆ ವಿನ್ಯಾಸ ಮಾಡಲಾಗುತ್ತಿದೆ ಎಂದಿದ್ದಾರೆ.