ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಇಂದು ಕೋಲ್ಕತಾ ನೈಟ್‌ ರೈಡರ್ಸ್‌ (KKR) ಹಾಗೂ ಪಂಜಾಬ್ ಕಿಂಗ್ಸ್‌ (PBKS) ನಡುವಣ ಪಂದ್ಯಕ್ಕೆ ಮಳೆರಾಯನ ಆತಂಕ ಎದುರಾಗಿದೆ. ಭಾನುವಾರ ಇಡನ್‌ ಗಾರ್ಡನ್ಸ್‌ ನಲ್ಲಿ ಬಿದ್ದ ಮಳೆಯ ಕಾರಣ ಮೈದಾನದಲ್ಲಿ ಹೊದಿಕೆ ಹಾಕಲಾಗಿತ್ತು. ಹವಾಮಾನ ಇಲಾಖೆ ಸೋಮವಾರವೂ ಮಳೆಯ ಮುನ್ಸೂಚನೆ ನೀಡಿದ್ದು, ಪಂದ್ಯಕ್ಕೆ ಯಾವ ರೀತಿಯ ಪ್ರಭಾವ ಬೀರುತ್ತದೆ ಎಂಬುದು ಪ್ರಶ್ನಾರ್ಥಕವಾಗಿದೆ.
ಪಂಜಾಬ್ ಕಿಂಗ್ಸ್‌ ಬಲಿಷ್ಠ ತಂಡವಾಗಿದ್ದು, ಎರಡು ಪಂದ್ಯಗಳಲ್ಲಿ ತೀವ್ರ ಸಂಘಟಿತ ಪ್ರದರ್ಶನ ತೋರಿಸಿದೆ. ಶ್ರೇಯಸ್ ಅಯ್ಯರ್, ಪ್ರಭ್‌ಸಿಮ್ರನ್ ಸಿಂಗ್ ಮತ್ತು ಕೂಪರ್ ಕಾನೊಲಿ ಅವರ ಆಟ ತಂಡಕ್ಕೆ ಪ್ರಮುಖ ಬೆಂಬಲ ನೀಡುತ್ತಿದೆ. ಬೌಲಿಂಗ್‌ನಲ್ಲಿ ವೈಶಾಕ್ ವಿಜಯ್‌ಕುಮಾರ್ ಮತ್ತು ಅರ್ಶದೀಪ್ ಸಿಂಗ್ ಉತ್ತಮ ಲಯದಲ್ಲಿದ್ದಾರೆ.
ಇದನ್ನೂ ಓದಿ:
ಕೆಕೆಆರ್‌ ಬ್ಯಾಟಿಂಗ್ ಉತ್ತಮವಾದರೂ, ಬೌಲಿಂಗ್ ದುರ್ಬಲವಾಗಿದ್ದು, ಸುನಿಲ್ ನರೇನ್ ಹಾಗೂ ವರುಣ್ ಚಕ್ರವರ್ತಿ ತಂಡಕ್ಕೆ ತಲೆನೋವು ತಂದಿದ್ದಾರೆ. ವೇಗ ಬೌಲರ್ಸ್ ಕೊರತೆಯು ಬ್ಯಾಟರ್ಸ್‌ ಮೇಲೆ ಒತ್ತಡ ಹೆಚ್ಚಿಸುತ್ತಿದೆ.
ಇಂದಿನ ಪಂದ್ಯದ ನೇರ ಪ್ರಸಾರ ಸ್ಟಾರ್‌ ಸ್ಪೋರ್ಟ್ಸ್‌ ಮತ್ತು ಜಿಯೋ ಹಾಟ್‌ಸ್ಟಾರ್‌ನಲ್ಲಿ ಸಂಜೆ 7.30ಕ್ಕೆ ವೀಕ್ಷಿಸಬಹುದು.
