ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಜಧಾನಿ ಬೆಂಗಳೂರಿನಲ್ಲಿರುವ ಶ್ವಾನ ಪ್ರಿಯರಿಗೆ ಬಿಬಿಎಂಪಿ ನಾಯಿ ಸಾಕಲು ನೂತನ ರೂಲ್ಸ್ ಜಾರಿಗೆ ಮುಂದಾಗಿದೆ.
ಈ ಹೊಸ ನಿಯಮಗಳನ್ನು ಬಿಬಿಎಂಪಿ ಸರ್ಕಾರದ ಮುಂದಿಟ್ಟಿದ್ದು, ಶೀಘ್ರದಲ್ಲೇ ಅನುಷ್ಠಾನವಾಗುವ ಸಾಧ್ಯತೆ ಇದೆ. ಒಬ್ಬಂಟಿ ಮನೆಗಳಲ್ಲಿ, ಶ್ವಾನಗಳ ಮೇಲಿನ ಪ್ರೀತಿಗೆ ಮನೆಯಲ್ಲಿ ಮೂರು ನಾಲ್ಕು ನಾಯಿ ಸಾಕುವವರೂ ಇದ್ದಾರೆ. ಆದರೆ ಇದಕ್ಕೆ ಸದ್ಯದಲ್ಲೇ ಕಡಿವಾಣ ಬೀಳಲಿದೆ.
ಬಿಬಿಎಂಪಿ ಹೊಸ ನಿಯಮಗಳು ಇಂತಿವೆ..
- ನಾಯಿ ಸಾಕಣೆ, ಮಾರಾಟ ಮಾಡುವುದಾದರೆ ಲೈಸೆನ್ಸ್ ಕಡ್ಡಾಯವಾಗಿದೆ.
- ಮನೆಯಲ್ಲಿ ಒಂದಕ್ಕಿಂತ ಹೆಚ್ಚು ನಾಯಿಯನ್ನು ಸಾಕುವಂತಿಲ್ಲ.
- ಇನ್ನು ಸಾಕಿದ ನಾಯಿಗಳು ಮಾಲೀಕರಿಲ್ಲದೆ ಬೀದಿಯಲ್ಲಿ ತಿರುಗುವಂತಿಲ್ಲ.
- ಮನೆಯಲ್ಲಿ ಮತ್ತು ಮಾರಾಟ ಕೇಂದ್ರಗಳಲ್ಲಿ ಶ್ವಾನಗಳಿಗೆ ರೇಬೀಸ್ ಲಸಿಕೆ ಕಡ್ಡಾಯವಾಗಿದೆ.
- ಇನ್ನು ಪ್ರತೀ ತಿಂಗಳು ನಾಯಿಗಳ ಚೆಕಪ್ ಹಾಗೂ ಸುರಕ್ಷತೆ ದೃಷ್ಟಿಯಿಂದ ಲಸಿಕೆ ಹಾಕಿಸಬೇಕಿದೆ.
