ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕರೋನಾದಿಂದಾಗಿ ಎರಡು ವಾರಗಳ ಹೋಂ ಕ್ವಾರಂಟೈನ್ನಲ್ಲಿ ಕಳೆದ ನಂತರ ಯುಎಸ್ ಅಧ್ಯಕ್ಷ ಜೋ ಬಿಡೆನ್ ಪ್ರವಾಹ ಸಂತ್ರಸ್ತರನ್ನು ಭೇಟಿ ಮಾಡಲು ತೆರಳಿದ ವೇಳೆ ಕೋಟು ಹಾಕಿಕೊಳ್ಳಲಾಗದೆ ಒದ್ದಾಡಿರುವ ವಿಡಿಯೋವೊಂದು ಇದೀಗ ಸಖತ್ ವೈರಲ್ ಆಗುತ್ತಿದೆ. ಈ ಸಂದರ್ಭದಲ್ಲಿ ಸಂತ್ರಸ್ತರಿಗೆ ಉತ್ತೇಜನ ನೀಡಿದ್ದಲ್ಲದೆ ಹಲವು ಭರವಸೆಗಳನ್ನೂ ನೀಡಿದರು. ಎಲ್ಲರ ಕಾಳಜಿ ವಹಿಸಲಾಗುವುದು ಎಂದು ಆಶಾಭಾವನೆ ಮೂಡಿಸಿದರು.
ಭೇಟಿ ಬಳಿಕ ಕೆಂಟುಕಿ ವಿಮಾನ ನಿಲ್ದಾಣದಲ್ಲಿ ಹೆಲಿಕಾಪ್ಟರ್ನಿಂದ ಕೆಳಗಿಳಿದಾಗ ಬಿಡೆನ್ ಕೋಟ್ ಹಾಕಿಕೊಳ್ಳಲು ಶತ ಪ್ರಯತ್ನಿಸಿದರು. ಜೋರಾದ ಗಾಳಿಯಿಂದಾಗಿ ಕೋಟ್ ನ ಒಂದು ತೋಳು ಹಾರಾಡುತ್ತಿತ್ತು. ಎಷ್ಟೇ ಪ್ರಯತ್ನಿಸಿದರೂ ಕೈಗೆ ಸಿಗದೆ ಬಿಡೆನ್ ಸವರನ್ನು ಕೆಲ ಕ್ಷಣ ಆಟವಾಡಿಸಿತು. ಬಳಿಕ ತಮ್ಮ ಪತ್ನಿಯ ಸಹಾಯದಿಂದ ಕೋಟ್ ಹಾಕಿಕೊಂಡಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
What's going on here? pic.twitter.com/ICzLGFH0bn
— RNC Research (@RNCResearch) August 8, 2022