ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತ ಮತ್ತು ಅಮೆರಿಕ ನಡುವಿನ ಸುಂಕ ಸಮರದ ಮಧ್ಯೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕರೆ ಮಾಡಿ ಪ್ರದಾನಿ ನರೇಂದ್ರ ಮೋದಿ ಅವರೊಂದಿಗೆ ಮಾತನಾಡಿದ್ದಾರೆ.
ಈ ಕುರಿತು ಸೆರ್ಗಿಯೊ ಗೋರ್ ಅವರು ಎಕ್ಸ್ ಪೋಸ್ಟ್’ನಲ್ಲಿ ಇಬ್ಬರು ನಾಯಕರ ಛಾಯಾಚಿತ್ರವನ್ನು ಹಂಚಿಕೊಂಡು ಮಾಹಿತಿ ನೀಡಿದ್ದಾರೆ. ಇಬ್ಬರು ನಾಯಕರು ಯಾವ ವಿಚಾರದ ಬಗ್ಗೆ ಮಾತುಕತೆ ನಡೆಸಿದರು ಎನ್ನುವ ವಿವರ ಬಹಿರಂಗಪಡಿಸಿಲ್ಲ.
ಭಾರತ ಮತ್ತು ಅಮೆರಿಕ ನಡುವಿನ ಸಂಭಾವ್ಯ ವ್ಯಾಪಾರ ಒಪ್ಪಂದ ಘೋಷಣೆಯ ಊಹಾಪೋಹಗಳ ನಡುವೆ, ಟ್ರಂಪ್ ಅವರ ಭಾರತೀಯ ರಫ್ತಿನ ಮೇಲಿನ ತೀವ್ರ ಸುಂಕಗಳು ಸೃಷ್ಟಿಸಿದ ಸಂಬಂಧಗಳಲ್ಲಿ ಅನಿಶ್ಚಿತತೆಯ ಹೊರತಾಗಿಯೂ, ಅಮೆರಿಕದ ರಾಯಭಾರಿಯ ಪೋಸ್ಟ್ ಬಂದಿದೆ.
ಇದಕ್ಕೂ ಮುನ್ನ ಕೆಲ ಗಂಟೆ ಹಿಂದೆ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ತಮ್ಮ ಸಾಮಾಜಿಕ ಮಾಧ್ಯಮ ವೇದಿಕೆ ಟ್ರೂತ್ ಸೋಶಿಯಲ್ನಲ್ಲಿ, ದೆಹಲಿಯಲ್ಲಿರುವ ಇಂಡಿಯಾ ಗೇಟ್ ಅನ್ನು ‘ಭಾರತದ ಸುಂದರ ವಿಜಯೋತ್ಸವ ಕಮಾನು’ ಎಂದು ಬಣ್ಣಿಸಿದ್ದು, ಅಮೆರಿಕದಲ್ಲಿ ಇದೇ ರೀತಿಯ ಸ್ಮಾರಕವು ‘ಎಲ್ಲವುಗಳಿಗಿಂತ ಶ್ರೇಷ್ಠ’ ಎಂದು ಹೇಳಿದ್ದರು.
ಇದಾದ ಕೆಲವೇ ಹೊತ್ತಿನಲ್ಲಿ ಟ್ರಂಪ್ ಪ್ರಧಾನಿ ಮೋದಿಗೆ ಕರೆ ಮಾಡಿ ಮಾತುಕತೆ ನಡೆಸಿದ್ದಾರೆ.
