ವಯಸ್ಸು ಹೆಚ್ಚಾದಂತೆ ದೇಹ ಮಾತ್ರವಲ್ಲ, ಮೆದುಳಿಗೂ ವಿಶೇಷ ಕಾಳಜಿ ಬೇಕಾಗುತ್ತದೆ. ವಯಸ್ಸಾದಾಗ ‘ಮರೆತು ಹೋಗೋದು ಸಾಮಾನ್ಯ’ ಅಂತ ಹಲವರು ಹೇಳ್ತಾರೆ. ಆದರೆ ಸರಿಯಾದ ಆಹಾರ ಪದ್ಧತಿ ಇದ್ದರೆ ವಯಸ್ಸಾದ ಮೇಲೂ ಮೆಮೊರಿ ಪವರ್ ಚೆನ್ನಾಗಿ ಕಾಪಾಡಿಕೊಳ್ಳಬಹುದು. ನಾವು ದಿನವೂ ತಿನ್ನುವ ಆಹಾರದಲ್ಲೇ ಮೆದುಳಿಗೆ ಬೇಕಾದ ಪೋಷಕಾಂಶಗಳು ಸಿಗುತ್ತವೆ. ಕೆಲವು ಆಹಾರಗಳು ನೆನಪು ಶಕ್ತಿ, ಏಕಾಗ್ರತೆ ಮತ್ತು ಬ್ರೇನ್ ಫಂಕ್ಷನ್ ಉತ್ತಮವಾಗಿಡಲು ಸಹಾಯ ಮಾಡುತ್ತವೆ.
ಮೊದಲು ಬಾದಾಮಿ ಮತ್ತು ಅಕ್ರೋಟ್ ತುಂಬಾ ಮುಖ್ಯ. ಇವುಗಳಲ್ಲಿ ಒಮೆಗಾ-3 ಫ್ಯಾಟಿ ಆಸಿಡ್, ವಿಟಮಿನ್ E ಮತ್ತು ಆಂಟಿ ಆಕ್ಸಿಡೆಂಟ್ಸ್ ಇರುತ್ತವೆ. ಇವು ಮೆದುಳಿನ ನರಗಳನ್ನು ಬಲಪಡಿಸಿ ನೆನಪು ಶಕ್ತಿಯನ್ನು ಹೆಚ್ಚಿಸುತ್ತವೆ. ಬೆಳಗ್ಗೆ 4-5 ಬಾದಾಮಿ ನೆನೆಸಿ ತಿನ್ನುವುದು ಒಳ್ಳೆಯದು.
ಮುಂದೆ ಹಸಿರು ಸೊಪ್ಪುಗಳು – ಪಾಲಕ್, ಮೆಂತೆ, ಬ್ರೋಕಲಿ ತರಹದ ಆಹಾರಗಳು ಫೋಲೇಟ್ ಮತ್ತು ಐರನ್ ನೀಡುತ್ತವೆ. ಇವು ಮೆದುಳಿಗೆ ಆಮ್ಲಜನಕ ಸರಿಯಾಗಿ ತಲುಪಲು ಸಹಾಯ ಮಾಡುತ್ತವೆ.
ಇದನ್ನೂ ಓದಿ:
ಹಣ್ಣುಗಳಲ್ಲಿ ಬ್ಲೂಬೆರಿ, ದ್ರಾಕ್ಷಿ, ಸೇಬು ಮತ್ತು ಬಾಳೆಹಣ್ಣು ಉತ್ತಮ ಆಯ್ಕೆ. ಇವು ಬ್ರೇನ್ ಸೆಲ್ಗಳನ್ನು ರಕ್ಷಿಸಿ ಏಕಾಗ್ರತೆಯನ್ನು ಹೆಚ್ಚಿಸುತ್ತವೆ.
ನೀವು ಸಸ್ಯಾಹಾರಿಯಾಗಿದ್ದರೆ ಹಾಲು, ಮೊಸರು, ಪನೀರ್ ಮತ್ತು ಬೀಜಗಳು ಕೂಡ ಸೇರಿಸಬಹುದು. ವಿಶೇಷವಾಗಿ ಕುಂಬಳಕಾಯಿ ಬೀಜ ಮತ್ತು flax seeds ಮೆದುಳಿಗೆ ಬಹಳ ಉಪಯುಕ್ತ.
ದಿನನಿತ್ಯ ಸರಿಯಾದ ಆಹಾರ, ಉತ್ತಮ ನಿದ್ರೆ ಮತ್ತು ಸ್ವಲ್ಪ ವ್ಯಾಯಾಮ ಇದ್ದರೆ ವಯಸ್ಸಾದರೂ ನಿಮ್ಮ ಮೆಮೊರಿ ಪವರ್ ಉತ್ತಮವಾಗಿರುತ್ತದೆ.
