ಹೊಸ ದಿಗಂತ ಡಿಜಿಟಲ್ ಡೆಸ್ಕ್
2023ರ ಬಹುನಿರೀಕ್ಷಿತ ಚಿತ್ರ ‘ಚಂದ್ರಮುಖಿ 2’ ಇಂದು ತೆರೆ ಕಂಡಿದ್ದು, ಖ್ಯಾತ ನಿರ್ದೇಶಕ, ನಟ ಹಾಗೂ ಸ್ಟಾರ್ ಕೊರಿಯೋಗ್ರಾಫರ್ ರಾಘವ ಲಾರೆನ್ಸ್ ಮತ್ತು ಬಾಲಿವುಡ್ ನಟಿ ಕಂಗನಾ ರಣಾವತ್ ನಟನೆಗೆ ಪ್ರೇಕ್ಷಕರು ಫಿದಾ ಆಗಿದ್ದರೆ.
✨Release🍿
Make way for the Queen on her grand re-entry to the south! #KanganaRanaut
#Chandramukhi2 getting ravishing opening as filled with family audience for First Day First Show 🍿 pic.twitter.com/w7wOh9SiR0
— KollyWorld (@KollyWorld14) September 28, 2023
ಹಿರಿಯ ನಿರ್ದೇಶಕ ಪಿ. ವಾಸು ನಿರ್ದೇಶನದಲ್ಲಿ ಮೂಡಿಬಂದ ಈ ಹಾರರ್ ಕಾಮಿಡಿ ಸಿನಿಮಾಗೆ ಉತ್ತಮ ಬೆಂಬಲ ಸಿಕ್ಕಿದೆ. ಈಗಾಗಲೇ ಚಿತ್ರ ವೀಕ್ಷಿಸಿದ ಪ್ರೇಕ್ಷಕರು ಸೋಷಿಯಲ್ ಮೀಡಿಯಾದಲ್ಲಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.
ಪ್ರೇಕ್ಷಕರು ಹೇಳಿದ್ದೇನು?: ಫಸ್ಟ್ ಶೋ ನೋಡಿದ ಕೆಲವರು ಸಿನಿಮಾ ಡೀಸೆಂಟ್ ಆಗಿದೆ ಎಂದಿದ್ದಾರೆ. ಹಾರರ್ ದೃಶ್ಯಗಳು ಹಾಗೂ ದ್ವಿತಿಯಾರ್ಧ ತುಂಬಾ ಚೆನ್ನಾಗಿದೆ. ಅದರಲ್ಲೂ ನಟಿ ಕಂಗನಾ ರಣಾವತ್ ಅಭಿನಯ ಅದ್ಭುತವಾಗಿದೆ ಎಂದು ನೆಟ್ಟಿಗರು ಎಕ್ಸ್ನಲ್ಲಿ ಬರೆದುಕೊಂಡಿದ್ದಾರೆ. ಸಿನಿಮಾ ನೋಡಿದ ಮತ್ತೊಬ್ಬರು ಮೊದಲಾರ್ಧ ತುಂಬಾ ಮನರಂಜನೆಯಿಂದ ಕೂಡಿತ್ತು. ಹಾಸ್ಯ ನಟ ವಡಿವೇಲು ಅವರ ಹಾಸ್ಯ ನಗು ತರಿಸಿತು ಎಂದಿದ್ದಾರೆ.
Honest Review ! I watched the film today in gold cinema – still felt Super hyped
Second half – was extremely engaging as it took me into the Chandramukhi WORLD pure goosebumps moments. Kangana stole the show 🔥🔥
Kudos to the team specially kangana
⭐⭐⭐⭐⭐
#chandramukhi2 pic.twitter.com/R474A0k2hR— deepak (@DeepakK36442700) September 28, 2023
ಚಂದ್ರಮುಖಿ 2 ಕಥೆಯೇನು?: ಚಂದ್ರಮುಖಿ 2 ವರ್ತಮಾನ ಮತ್ತು ಭೂತಕಾಲದ ಸನ್ನಿವೇಶಗಳ ಕಥಾ ಹಂದರ ಹೊಂದಿದೆ. ಕುಟುಂಬವೊಂದು ಅರಮನೆಯೊಳಗೆ ಪ್ರವೇಶಿಸುತ್ತದೆ. ಅಲ್ಲಿ ಚಂದ್ರಮುಖಿಯ ಆತ್ಮ ನೆಲೆಸಿದೆ. ಚಂದ್ರಮುಖಿ ರಾಜ ವೆಟ್ಟಿಯಾನ್‌ನ ಮೆಚ್ಚಿನ ನರ್ತಕಿ. ಸಿನಿಮಾಗೂ ಮುಂಚೆ ಬಿಡುಗಡೆಯಾಗಿರುವ ಟ್ರೇಲರ್ನಲ್ಲಿ ಇಂಥ ಕುತೂಹಲಕಾರಿ ಅಂಶಗಳನ್ನು ಕಾಣಬಹುದು. ಸೇಡು ತೀರಿಸಿಕೊಳ್ಳುವ ಚಂದ್ರಮುಖಿಯ ಆತ್ಮದಿಂದ ಮುಂದೇನಾಗುತ್ತದೆ ಎಂಬುದೇ ಚಿತ್ರದ ತಿರುಳು. ನಿರ್ದೇಶಕ ಪಿ.ವಾಸು ಆಯಕ್ಷನ್ ಕಟ್ ಹೇಳಿರುವ ಈ ಸಿನಿಮಾ ಭೂಲ್ ಭುಲೈಯ್ಯಾ ಚಿತ್ರವನ್ನು ನೆನಪಿಸುವಂತಿದೆ. ಆದಾಗ್ಯೂ, ಹಳೇ ಸಿನಿಮಾಗಳಿಗಿಂತ ಹೆಚ್ಚು ವಿಶೇಷತೆಗಳನ್ನು ಚಂದ್ರಮುಖಿ 2 ಒಳಗೊಂಡಿದೆ.
ಐದು ಭಾಷೆಗಳಲ್ಲಿ ಬಿಡುಗಡೆ: 2005 ರಲ್ಲಿ ಚಂದ್ರಮುಖಿ ಸಿನಿಮಾ ಬಿಡುಗಡೆಯಾಗಿತ್ತು. ಈ ಸಿನಿಮಾ ಪ್ರೇಕ್ಷರನ್ನು ಸೆಳೆಯುವಲ್ಲಿಯೂ ಸಫಲವಾಗಿತ್ತು. ಮೊದಲ ಭಾಗ ತೆರೆಕಂಡು 18 ವರ್ಷಗಳ ಬಿಡುವಿನ ಬಳಿಕ ಇದೀಗ ಚಂದ್ರಮುಖಿ 2 ಬಂದಿದೆ. ಇಂದು ಕನ್ನಡ, ತೆಲುಗು, ತಮಿಳು, ಹಿಂದಿ, ಮತ್ತು ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆ ಆಗಿದೆ.
