ತೂಕ ಇಳಿಸಿಕೊಳ್ಳಬೇಕು ಅನ್ನೋ ಆಸೆ ಅನೇಕರಿಗೆ ಇರುತ್ತದೆ. ಆದರೆ ಸರಿಯಾದ ಆಹಾರ ನಿಯಂತ್ರಣ ಇಲ್ಲದೆ ವ್ಯಾಯಾಮ ಮಾತ್ರ ಸಾಕಾಗುವುದಿಲ್ಲ. ನಮ್ಮ ದಿನನಿತ್ಯದ ಆಹಾರದಲ್ಲಿರುವ ಅನ್ನ ಮತ್ತು ಚಪಾತಿ ಹೆಚ್ಚು ಕಾರ್ಬೋಹೈಡ್ರೇಟ್ ಹೊಂದಿರುವುದರಿಂದ, ಅವುಗಳನ್ನು ಅತಿಯಾಗಿ ಸೇವಿಸಿದರೆ ಬೊಜ್ಜು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಹೀಗಾಗಿ ತೂಕ ಇಳಿಕೆಗೆ ಆಹಾರದಲ್ಲೇ ಮೊದಲ ಬದಲಾವಣೆ ಮಾಡಬೇಕಾಗುತ್ತದೆ.
ಕಾರ್ಬೋಹೈಡ್ರೇಟ್ ನಿಯಂತ್ರಣ ಮುಖ್ಯ: ತೂಕ ಕಡಿಮೆ ಮಾಡಲು ದಿನಕ್ಕೆ ಸುಮಾರು 1800 ರಿಂದ 2000 ಕ್ಯಾಲೊರಿ ಮಾತ್ರ ಸೇವಿಸಬೇಕು. ಇದರಲ್ಲಿ ಕಾರ್ಬೋಹೈಡ್ರೇಟ್ ಪ್ರಮಾಣ 225 ರಿಂದ 325 ಕ್ಯಾಲೊರಿಗಳೊಳಗೇ ಇರಬೇಕು.
ಒಂದು ಸಣ್ಣ ಚಪಾತಿಯಲ್ಲಿ ಸರಿಸುಮಾರು 15 ಗ್ರಾಂ ಕಾರ್ಬೋಹೈಡ್ರೇಟ್ ಮತ್ತು 70 ಕ್ಯಾಲೊರಿಗಳು ಇರುತ್ತವೆ. ಹೀಗಾಗಿ ದಿನದ ಒಟ್ಟು ಆಹಾರದಿಂದ ಸುಮಾರು 150 ಗ್ರಾಂ ಕಾರ್ಬೋಹೈಡ್ರೇಟ್ ಕಡಿಮೆ ಮಾಡುವುದು ಉತ್ತಮ.
ಮಹಿಳೆ–ಪುರುಷರಿಗೆ ಎಷ್ಟು ಚಪಾತಿ?: ತೂಕ ಇಳಿಕೆಗೆ ಮಹಿಳೆಯರು ದಿನಕ್ಕೆ 3–4 ಸಣ್ಣ ಚಪಾತಿ, ಪುರುಷರು 5–6 ಚಪಾತಿ ಸೇವಿಸಿದರೆ ಉತ್ತಮ ಫಲಿತಾಂಶ ಕಾಣಬಹುದು. ಮುಖ್ಯವಾಗಿ ಮಧ್ಯಾಹ್ನದ ಊಟಕ್ಕೆ ಚಪಾತಿ ತಿನ್ನುವುದು ಅತ್ಯುತ್ತಮ.
ಹಸಿವಾಗದಂತೆ ಏನು ಮಾಡಬೇಕು?: ಚಪಾತಿ ಮತ್ತು ಅನ್ನ ಕಡಿಮೆ ಮಾಡಿದಾಗ ಸಲಾಡ್, ಹಸಿರು ತರಕಾರಿಗಳು ಮತ್ತು ದ್ರವ ಆಹಾರಗಳನ್ನು ಹೆಚ್ಚು ಸೇರಿಸಬೇಕು. ಊಟದ ನಂತರ ಅರ್ಧ ಗಂಟೆ ನಡೆದುಕೊಂಡರೆ ತೂಕ ವೇಗವಾಗಿ ಇಳಿಯಲು ಸಹಾಯವಾಗುತ್ತದೆ.
ಸರಿಯಾದ ಪ್ರಮಾಣದ ಆಹಾರ, ನಿಯಮಿತ ಚಟುವಟಿಕೆ ಮತ್ತು ಸಹನೆ ಇದ್ದರೆ ಆರೋಗ್ಯಕರವಾಗಿ ತೂಕ ಇಳಿಸಿಕೊಳ್ಳುವುದು ಸಾಧ್ಯ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
