ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಎಂಟರ್‌ಟೈನ್‌ಮೆಂಟ್ ದೈತ್ಯ ಡಿಸ್ನಿಯು ದೊಡ್ಡ ಉದ್ಯೋಗ ಕಡಿತಕ್ಕೆ ಮುಂದಾಗಿದ್ದು ಏಪ್ರಿಲ್ ತಿಂಗಳಿನಲ್ಲಿ 4 ಸಾವಿರ ಉದ್ಯೋಗಳನ್ನು ಹೊರ ಹಾಕಲು ಚಿಂತಿಸುತ್ತಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿ ಬಿಸಿನೆಸ್ ಇನ್ಸೈಡರ್ ವರದಿ ಮಾಡಿದೆ.
ಆರ್ಥಿಕ ಕುಸಿತದ ಹಿನ್ನೆಲೆಯಲ್ಲಿ ಬಜೆಟ್‌ ಕಡಿತಕ್ಕೆ ಡಿಸ್ನಿ ಮುಂದಾಗಿದ್ದು ಮುಂಬರುವ ವಾರಗಳಲ್ಲಿ ವಜಾಗೊಳ್ಳುವ ಉದ್ಯೋಗಿಗಳ ಪಟ್ಟಿಗಳನ್ನು ಸಿದ್ಧಪಡಿಸುವಂತೆ ವ್ಯವಸ್ಥಾಪಕರಿಗೆ ನಿರ್ದೇಶಿಸಿದೆ ಎನ್ನಲಾಗಿದೆ. ಡಿಸ್ನಿಯು ಸಣ್ಣ ಬ್ಯಾಚ್‌ಗಳಲ್ಲಿ ಉದ್ಯೋಗಿಗಳನ್ನು ವಜಾಗೊಳಿಸಲು ಪ್ರಾರಂಭಿಸುತ್ತದೆಯೇ ಅಥವಾ ಸಾವಿರಾರು ಜನರನ್ನು ಏಕಕಾಲದಲ್ಲಿ ವಜಾಗೊಳಿಸುತ್ತದೆಯೇ ಎಂಬುದು ಸ್ಪಷ್ಟವಾಗಿಲ್ಲ, ಆದರೆ ಕನಿಷ್ಠ 4,000 ಪ್ರಸ್ತುತ ಉದ್ಯೋಗಿಗಳನ್ನು ಏಪ್ರಿಲ್‌ನಲ್ಲಿ ವಜಾಗೊಳಿಸಲು ಯೋಜಿಸಿದೆ ಎನ್ನಲಾಗಿದೆ.
ಏಪ್ರಿಲ್ 3 ರಂದು ಡಿಸ್ನಿಯ ವಾರ್ಷಿಕ ಸಭೆಗೆ ಮುಂಚಿತವಾಗಿ ಯೋಜಿತ ಉದ್ಯೋಗ ಕಡಿತವನ್ನು ಘೋಷಿಸಲಾಗಿದೆ.
