ಪ್ರತಿ ಮುಂಜಾನೆ ಅಲಾರಾಂ ಹೊಡೆದಾಗ “ಇನ್ನೊಂದು ಐದು ನಿಮಿಷ” ಎಂದು ಮಲಗುವ ನಮಗೆ, ಕೆಲಸಕ್ಕೆ ಹೋಗುವುದು ಎಂದರೆ ದೊಡ್ಡ ಯುದ್ಧ ಗೆದ್ದಂತೆ! ಪ್ರತಿದಿನ ಒಂದೇ ರೀತಿಯ ಕೆಲಸ ಮಾಡಿ ಬೋರ್ ಹೊಡೆದರೂ, ಬೆಳಗ್ಗೆ ಎದ್ದು ಆಫೀಸ್ ಕಡೆ ಓಡಲೇಬೇಕು. ಏಕೆ ಗೊತ್ತಾ?
ಮನಸ್ಸಿಗೆ ಎಷ್ಟೇ ಬೇಜಾರಿದ್ದರೂ, ನಮಗೆ ಪ್ರತಿದಿನ ಕೆಲಸ ಮಾಡುವಂತೆ ಪ್ರೇರೇಪಿಸುವ ಏಕೈಕ ರಹಸ್ಯ ಎಂದರೆ ತಿಂಗಳ ಕೊನೆಯಲ್ಲಿ ಬರುವ ‘ಸ್ಯಾಲರಿ’. ಮನೆ ಬಾಡಿಗೆ, ಕರೆಂಟ್ ಬಿಲ್, ಮತ್ತು ಸಾಲದ EMI ನೆನಪಾದ ತಕ್ಷಣ ಎಂತಹುದೇ ಬೋರಿಂಗ್ ಕೆಲಸವೂ ತಕ್ಷಣವೇ ಇಂಟರೆಸ್ಟಿಂಗ್ ಆಗಿ ಕಾಣಲು ಶುರುವಾಗುತ್ತದೆ!
ಆಫೀಸ್ ಒಳಗೆ ಕಾಲಿಡುತ್ತಿದ್ದಂತೆ ಅಥವಾ ಮನೆಯಲ್ಲಿ ಲಾಗ್ಇನ್ ಆಗುತ್ತಿದ್ದಂತೆ ಮುಖದ ಮೇಲೆ ಒಂದು ನಗು ಮೂಡುತ್ತದೆ. “ಹೌದು, ನಾನು ಈ ಕೆಲಸವನ್ನು ತುಂಬಾ ಪ್ರೀತಿಸುತ್ತೇನೆ” ಎಂದು ನಮ್ಮನ್ನು ನಾವೇ ಏಮಾರಿಸಿಕೊಳ್ಳುವುದು ದೈನಂದಿನ ಅಭ್ಯಾಸ. ನಡುವೆ ಬರುವ ಚಹಾ-ಕಾಫಿ ವಿರಾಮ ಒಂದೇ ಜೀವನಕ್ಕೆ ನಿಜವಾದ ನೆಮ್ಮದಿ ನೀಡುವ ಸಮಯ!
ನಿಜ ಹೇಳಬೇಕೆಂದರೆ, ಕೆಲಸ ಎಷ್ಟೇ ಬೋರ್ ಅನಿಸಿದರೂ ನಮ್ಮನ್ನು ಮುನ್ನಡೆಸುವುದು ಒಂದೇ ಒಂದು ವಿಷಯ ತಿಂಗಳ ಕೊನೆಯಲ್ಲಿ ಬರುವ ಸ್ಯಾಲರಿ ಮೆಸೇಜ್! ಆ ಮೆಸೇಜ್ ನೋಡಿದ ತಕ್ಷಣ ಅನುಭವಿಸಿದ ಎಲ್ಲಾ ನೋವುಗಳು ಕರಗಿ ಹೋಗುತ್ತವೆ. ಮತ್ತೆ ಹೊಸ ಹುರುಪಿನಿಂದ ಮುಂದಿನ ತಿಂಗಳ ‘ಆಪರೇಷನ್ ಸ್ಯಾಲರಿ’ಗೆ ನಾವೆಲ್ಲರೂ ಸಿದ್ಧರಾಗುತ್ತೇವೆ.
ಕೆಲಸ ಬೇಸರ ತಂದರೂ, ಕೆಲಸವಿಲ್ಲದೆ ಖಾಲಿ ಕೂರುವುದು ಅದಕ್ಕಿಂತ ದೊಡ್ಡ ಬೇಸರ. ಆದ್ದರಿಂದ ನಗುತ್ತಾ, ಚಹಾ-ಕಾಫಿ ಕುಡಿಯುತ್ತಾ ಕೆಲಸ ಮಾಡುವುದೇ ಜೀವನದ ಅಸಲಿ ಸೂತ್ರ. ಕಷ್ಟಪಟ್ಟು ಕೆಲಸ ಮಾಡಿ, ವಾರಾಂತ್ಯದಲ್ಲಿ ಅಥವಾ ಆಫ್ ಡೇಸ್ ಅಲ್ಲಿ ಎಂಜಾಯ್ ಮಾಡಿ!!
