Wednesday, November 30, 2022

Latest Posts

140ಕೋಟಿ ರೂ. ವಂಚಿಸಿದ ಆ್ಯಪಲ್ ಮಾಜಿ ಉದ್ಯೋಗಿ: ತಪ್ಪಿತಸ್ಥರಾದರೆ 20 ವರ್ಷ ಜೈಲು ಶಿಕ್ಷೆ!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ಭಾರತೀಯ ಮೂಲದ ಮಾಜಿ ಆ್ಯಪಲ್ ಉದ್ಯೋಗಿ ಧೀರೇಂದ್ರ ಪ್ರಸಾದ್ ಅವರು ಕಂಪನಿಗೆ $20 ಮಿಲಿಯನ್ ಗೂ ಹೆಚ್ಚು ವಂಚನೆ ಮಾಡಿದ ಆರೋಪದಲ್ಲಿ ತಪ್ಪೊಪ್ಪಿಕೊಂಡಿದ್ದಾರೆ. ಕ್ಯುಪರ್ಟಿನೊ ಮೂಲದ ಕಂಪನಿ ಆಪಲ್‌ನೊಂದಿಗೆ 10 ವರ್ಷಗಳಿಗೂ ಹೆಚ್ಚು ಕಾಲ ಸಂಬಂಧ ಹೊಂದಿರುವ ಧೀರೇಂದ್ರ ಪ್ರಸಾದ್,ಆರೋಪ ಸಾಬೀತಾದರೆ 20 ವರ್ಷಗಳ ಜೈಲು ಶಿಕ್ಷೆ ಅನುಭವಿಸಲಿದ್ದಾರೆ. ಕಿಕ್‌ಬ್ಯಾಕ್ ಆರೋಪ, ಇನ್‌ವಾಯ್ಸ್‌ಗಳನ್ನು ಹೆಚ್ಚಳ, ಆ್ಯಪಲ್ ಸರಬರಾಜು ಮಾಡದ ಬಿಡಿ ಭಾಗಗಳ ಕಳವು, ಸೇವೆಗಳಿಗೂ ಹಣ ವಸೂಲಿ ಮಾಡಿರುವುದು ತನಿಖೆಯಿಂದ ಬೆಳಕಿಗೆ ಬಂದಿದೆ. ಆಪಲ್ ಕಂಪನಿಗೆ ಮೋಸ ಮಾಡಿದವರು ಪ್ರಸಾದ್ ಒಬ್ಬರೇ ಅಲ್ಲ. ಅವರ ಜೊತೆ ಮತ್ತಿಬ್ಬರಿದ್ದು, ಅವರೂ ಸಹ ಆಪಲ್‌ನಿಂದ ಹಣವನ್ನು ಕದಿಯಲು ಸಂಚು ರೂಪಿಸಿದ್ದರು. ಲಿಖಿತ ಮನವಿ ಒಪ್ಪಂದದಲ್ಲಿ, 52 ವರ್ಷದ ಪ್ರಸಾದ್ ಅವರು ಆಪಲ್‌ನೊಂದಿಗೆ 2008 ರಿಂದ 2018 ರವರೆಗೆ ಕೆಲಸ ಮಾಡಿದ್ದರು.

ಆ ಸಮಯದಲ್ಲಿ ಆಪಲ್‌ನ ಜಾಗತಿಕ ಸೇವಾ ಪೂರೈಕೆ ಸರಪಳಿಯಲ್ಲಿ ಖರೀದಿದಾರರಾಗಿ ಕೆಲಸ ಮಾಡಿದ್ದು, ಆಪಲ್‌ನಿಂದ ಬಿಡಿಭಾಗಗಳು ಮತ್ತು ಸೇವೆಗಳನ್ನು ಪಡೆದುಕೊಳ್ಳುವಲ್ಲಿ ಪ್ರಸಾದ್ ಪ್ರಮುಖ ಪಾತ್ರ ವಹಿಸಿದ್ದರು. 2011ರಿಂದ ಕಂಪನಿಗೆ ಮೋಸ ಮಾಡಲು ಆರಂಭಿಸಿದ್ದಾಗಿ ಪ್ರಸಾದ್ ಬಹಿರಂಗಪಡಿಸಿದ್ದಾರೆ. 2018ರವರೆಗೂ ಕಂಪನಿಗೆ ವಂಚನೆ ಮಾಡುತ್ತಲೇ ಇದ್ದ. ಆ ವರ್ಷಗಳಲ್ಲಿ, ಆಪಲ್ ಸುಮಾರು 17 ಮಿಲಿಯನ್ ಡಾಲರ್ಗಳನ್ನು ಕಳೆದುಕೊಂಡಿತು. ಆಪಲ್ 17 ಮಿಲಿಯನ್ ಡಾಲರ್ (140 ಕೋಟಿ ರೂಪಾಯಿ) ದೋಚಿದ್ದು ಧೀರೇಂದರ್ ಮಾತ್ರವಲ್ಲ, ಅವರಿಗೆ ರಾಬರ್ಟ್ ಗ್ಯಾರಿ ಹ್ಯಾನ್ಸೆನ್ ಮತ್ತು ಡಾನ್ ಎಂ. ಬೇಕರ್ ಎಂಬ ಇಬ್ಬರು ಸಹಾಯ ಮಾಡಿದರು. ಪ್ರಸಾದ್ ಅವರು ಆಪಲ್‌ನ ದಾಸ್ತಾನುಗಳಿಂದ ಡಾನ್ ಎಂ ಬೇಕರ್‌ನ ಕಂಪನಿ ಸಿಟಿರೆಂಡ್‌ಗಳಿಗೆ ಮದರ್‌ಬೋರ್ಡ್‌ಗಳನ್ನು ರವಾನಿಸಿದ್ದಾರೆ ಎಂದು ಬಹಿರಂಗಪಡಿಸಿದರು.

ಆಪಲ್ ನಕಲಿ ಬಿಲ್‌ಗಳನ್ನು ಬಿಲ್‌ಗಳನ್ನು ಪಾಸ್ ಮಾಡುವ ಮೂಲಕ ಹೆಚ್ಚುವರಿ ಹಣವನ್ನು ಹಂಚಿಕೊಂಡರು. ಅಷ್ಟೇ ಅಲ್ಲ, ಪ್ರಸಾದ್ ಆಪಲ್ ಪ್ಯಾಕೇಜಿಂಗ್ ನಿಂದ ಬಿಡಿಭಾಗಗಳನ್ನು ತೆಗೆದು ಹೊಸ ಬಾಕ್ಸ್ ಗಳಲ್ಲಿ ಹಾಕಿ ಮತ್ತೆ ಆಪಲ್ ಸ್ಟೋರ್ ಗೆ ಕಳುಹಿಸುತ್ತಿದ್ದರು. ಈ ಯೋಜನೆಯು 2018 ರವರೆಗೆ ಮುಂದುವರೆಯಿತು. ಆಪಲ್ ಅಂತಿಮವಾಗಿ $ 17 ಮಿಲಿಯನ್‌ಗಿಂತಲೂ ಹೆಚ್ಚು ಕಳೆದುಕೊಂಡಿದೆ ಎಂದು ಪ್ರಸಾದ್ ವಿಚಾರಣೆಯಲ್ಲಿ ಒಪ್ಪಿಕೊಂಡರುವುದಾಗಿ ಪ್ರಾಸಿಕ್ಯೂಟರ್‌ಗಳು ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಪ್ರಸಾದ್ ಅವರಿಂದ 5 ಮಿಲಿಯನ್ ಡಾಲರ್‌ಗೂ ಹೆಚ್ಚು ಮೌಲ್ಯದ ಆಸ್ತಿಯನ್ನು ಅಮೆರಿಕ ಸರ್ಕಾರ ಮುಟ್ಟುಗೋಲು ಹಾಕಿಕೊಂಡಿದೆ. ಈ ಪ್ರಕರಣದ ವಿಚಾರಣೆಯು ಮಾರ್ಚ್ 14, 2023 ರಂದು ನಡೆಯಲಿದೆ. ಆರೋಪ ಸಾಬೀತಾದರೆ ಪ್ರಸಾದ್ 20 ವರ್ಷ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!