ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಪುತ್ತೂರು-ಸುಳ್ಯದ ಗಡಿಪ್ರದೇಶದಲ್ಲಿ ಮಹಿಳೆಯೊಬ್ಬರು ಭಾರೀ ಗಾತ್ರದ ಹೆಬ್ಬಾವೊಂದನ್ನು ಹಿಡಿದ ವೀಡಿಯೋ ಭಾರೀ ವೈರಲ್ ಆಗಿದೆ. ಹೆಬ್ಬಾವನ್ನು ಧರ್ಯದಿಂದ ಅನಾಯಸವಾಗಿ ಹಿಡಿದ ಮಹಿಳೆಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
ಈ ಹೆಬ್ಬಾವಿಗೆ ‘ಇಂಡಿಯನ್ ರಾಕ್ ಪೈತಾನ್’ ಎಂದು ಎಂದು ಕರೆಯಲಾಗುತ್ತದೆ. ಕರಾವಳಿ ಭಾಗದಲ್ಲಿ ಈ ಹೆಬ್ಬಾವಿಗೆ ‘ಕೋಳಿ ಮರ್ಲೆ’ ಎಂಬ ತುಳು ಪದವನ್ನು ಬಳಸಲಾಗುತ್ತೆ. ಶೋಭ ಅವರು ಹೆಬ್ಬಾವನ್ನ ಹಿಡಿಯುವ ಸಂದರ್ಭ ಯಾವುದೇ ಭಯವಿಲ್ಲದೆ ನಾಜೂಕಾಗಿ ಹಿಡಿದು ಗೋಣಿ ಚೀಲಕ್ಕೆ ತುಂಬಿಸುವ ಸಾಹಸಿ ವೀಡಿಯೋ ಇದೀಗ ಕರಾವಳಿ ಭಾಗದಲ್ಲಿ ಭಾರೀ ವೈರಲ್ ಆಗಿದೆ.
ಹೆಬ್ಬಾವನ್ನು ನೋಡಲು ಬಂದಿದ್ದ ಅಷ್ಟೂ ಮಂದಿ ಅಂಜಿ ಹಿಂದಕ್ಕೆ ಸರಿದಿದ್ದಾರೆ. ಅಲ್ಲೇ ಇದ್ದ ಮುಸ್ಲಿಂ ಸಹೋದರ ಬಶೀರ್ ಎಂಬವರಲ್ಲಿ ‘ಗೋಣಿ ಹಿಡಿಯಿರಿ…’ ಎಂದು ತುಳು ಭಾಷೆಯಲ್ಲಿ ಶೋಭಕ್ಕ ಹೇಳಿದಾಗ ಸಹಾಯಕ್ಕೆ ಬಂದಿದ್ದಾರೆ. ಆದರೆ, ಬಶೀರ್ ಅವರೂ ಕೂಡ ಹೆಬ್ಬಾವನ್ನು ಮುಟ್ಟಲು ಧೈರ್ಯವಿಲ್ಲದೆ ಹಿಂದೆ ಸರಿದಿದ್ದಾರೆ. ಕೊನೆಗೆ ಶೋಭಾ ಅವರು ಹೆಬ್ಬಾವನ್ನು ಸುರಕ್ಷಿತವಾಗಿ ಹಿಡಿದು ಗೋಣಿ ಚೀಲಗೆ ತುಂಬಿಸಿ ಕಾಡಿಗೆ ಬಿಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.
