ಐಪಿಎಲ್ ಮೆಗಾ ಹರಾಜಿಗೆ ಸಿದ್ಧವಾಯಿತು ಆಟಗಾರರ ಅಂತಿಮ ಪಟ್ಟಿ!

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಐಪಿಎಲ್ 2022ರ ಆವೃತ್ತಿಯ ಮೆಗಾ ಹರಾಜಿಗೆ ಆಟಗಾರರ ಅಂತಿಮ ಪಟ್ಟಿ ಸಿದ್ದವಾಗಿದ್ದು, ಒಟ್ಟು 590 ಆಟಗಾರರ ಈ ಪಟ್ಟಿಯಲ್ಲಿ ಸೇರಿಕೊಂಡಿದ್ದಾರೆ.
ಮಂಗಳವಾರ ಐಪಿಎಲ್ ಮಂಡಳಿ ಈ ಕುರಿತ ಪಟ್ಟಿ ಬಿಡುಗಡೆ ಮಾಡಿದ್ದು, ಹರಾಜಿಗೆ ನೋಂದಣಿ ಮಾಡಿಕೊಂಡಿದ್ದ 1200ಕ್ಕೂ ಹೆಚ್ಚು ಆಟಗಾರರಲ್ಲಿ 590 ಆಟಗಾರರನ್ನು ಅಂತಿಮಗೊಳಿಸಿದೆ.
ಭಾರತದಿಂದ ಶ್ರೇಯಸ್​ ಅಯ್ಯರ್​, ಶಿಖರ್ ಧವನ್​, ಆರ್​ ಅಶ್ವಿನ್​, ಮೊಹಮ್ಮದ್​ ಶಮಿ, ಇಶಾನ್ ಕಿಶನ್​, ಅಜಿಂಕ್ಯ ರಹಾನೆ, ಸುರೇಶ್ ರೈನಾ, ಯುಜ್ವೇಂದ್ರ ಚಹಲ್​, ಸೇರಿದಂತೆ ಹಲವಾರು ಭಾರತೀಯ ತಾರೆಗಳು ಹರಾಜಿನಲ್ಲಿದ್ದಾರೆ.
ಇನ್ನು ಬಿಡ್​​ನಲ್ಲಿ 48 ಆಟಗಾರರು 2 ಕೋಟಿ ರೂ.ಗಳನ್ನು ತಮ್ಮ ಮೂಲ ಬೆಲೆಯನ್ನಾಗಿ ಘೋಷಿಸಿಕೊಂಡಿದ್ದು, 20 ಆಟಗಾರರು 1.15 ಕೋಟಿ ರೂ.ಗಳನ್ನು, 34 ಆಟಗಾರರು 1 ಕೋಟಿ ರೂಪಾಯಿಗಳನ್ನು ಮೂಲಬೆಲೆಯನ್ನಾಗಿ ಘೋಷಿಸಿಕೊಂಡಿದ್ದಾರೆ.
ಒಟ್ಟು 590 ಆಟಗಾರರಲ್ಲಿ 370 ಭಾರತೀಯ ಆಟಗಾರರು ಮತ್ತು 220 ವಿದೇಶಿ ಆಟಗಾರರು 2022ರ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ. ಆಟಗಾರರನ್ನು ಪ್ರತಿ ಫ್ರಾಂಚೈಸಿ ಗರಿಷ್ಠ 25 ಆಟಗಾರನ್ನು ಹೊಂದಲು ಅವಕಾಶವಿದೆ. ಹರಾಜಿನಲ್ಲಿ 70 ವಿದೇಶಿ ಆಟಗಾರರನ್ನು ಖರೀದಿಸಬಹುದಾಗಿದೆ.
ಫೆಬ್ರವರಿ 12 ಮತ್ತು 13ರಂದು ಬೆಂಗಳೂರಿನಲ್ಲಿ ಮೆಗಾ ಹರಾಜು ಪ್ರಕ್ರಿಯೆಯಲ್ಲಿ ನಡೆಯಲಿದೆ.
ಹರಾಜಿನಲ್ಲಿರುವ ವಿದೇಶಿ ಆಟಗಾರರ ಪಟ್ಟಿ
ಆಫ್ಘಾನಿಸ್ತಾನ 17, ಆಸ್ಟ್ರೇಲಿಯಾ 47, ಬಾಂಗ್ಲಾದೇಶ 5, ಇಂಗ್ಲೆಂಡ್​ 24, ನ್ಯೂಜಿಲ್ಯಾಂಡ್​ 24, ದಕ್ಷಿಣ ಆಫ್ರಿಕಾ 33, ಶ್ರೀಲಂಕಾ 23, ವೆಸ್ಟ್ ಇಂಡೀಸ್​ 34, ನೇಪಾಳ 1, ಐರ್ಲೆಂಡ್ 5, ಜಿಂಬಾಬ್ವೆ1, ನಮೀಬಿಯಾ 3, ಅಮೆರಿಕ 1, ಸ್ಕಾಟ್ಲೆಂಡ್​ 2.