ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕಾಂತಾರ ಪ್ರೀಕ್ವೆಲ್ಗೆ ಕಲಾವಿದರು ಬೇಕು ಎಂದು ರಿಷಬ್ ಶೆಟ್ಟಿ ಹೇಳಿದ್ದಾರೆ. ಆಡಿಷನ್ ನೀಡಿ ತಂಡಕ್ಕೆ ಸೇರಿ ಎಂದೂ ಹೇಳಿದ್ದಾರೆ.
ಕಾಂತಾರ ಟೀಂ ಸೇರೋಕೆ ಬಹುಭಾಷಾ ನಟಿಯೊಬ್ಬರು ತುಂಬಾನೇ ಉತ್ಸುಕರಾಗಿದ್ದಾರೆ. ಹಿಂದಿ, ಪಂಜಾಬಿ, ತೆಲುಗು, ತಮಿಳು ಹಾಗೂ ಕನ್ನಡ ಸಿನಿಮಾಗಳಲ್ಲಿಯೂ ನಟನೆ ಮಾಡಿರುವ ಪಾಯಲ್ ರಜಪೂತ್ಗೆ ಕಾಂತಾರ ಟೀಂ ಸೇರುವ ಆಸೆಯಂತೆ.
ಕಾಂತಾರ ಚಾಪ್ಟರ್ 1ಗೆ ಆಡಿಷನ್ಸ್ ಇದೆ ಅಂತ ಗೊತ್ತಾಯ್ತು, ಈ ಪ್ರಾಜೆಕ್ಟ್ನ ಭಾಗವಾಗೋಕೆ ತುಂಬಾ ಇಷ್ಟವಿದೆ. ನನ್ನ ರೀಸೆಂಟ್ ಸಿನಿಮಾ ಮಂಗಲವಾರಂ ನೋಡಿ, ಈ ಸಿನಿಮಾದಲ್ಲಿ ನನ್ನ ನಟನೆಯನ್ನು ದೇಶವೇ ಒಪ್ಪಿದೆ. ಸ್ವಲ್ಪ ಬಿಡುವು ಮಾಡಿಕೊಂಡು ನನ್ನ ಸಿನಿಮಾ ನೋಡಿ, ಆಡಿಷನ್ ನೀಡಿ ಎಂದು ಪಾಯಲ್ ಟ್ವೀಟ್ ಮಾಡಿದ್ದಾರೆ.
ಹೀರೋಯಿನ್ ಆದರೂ ಸ್ವಲ್ಪವೂ ಧಿಮಾಕು ಮಾಡದೆ ಬಹಿರಂಗವಾಗಿ ಚಾನ್ಸ್ ಕೇಳಿದ್ದಾರೆ ಎಂದು ಫ್ಯಾನ್ಸ್ ಖುಷಿ ಪಟ್ಟಿದ್ದಾರೆ.