ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಗೋ ಫಸ್ಟ್ ಏರ್ಲೈನ್ ತನ್ನ ವಿಮಾನ ಸೇವೆ ರದ್ದತಿಯನ್ನು ಮೇ 9, 2023 ರವರೆಗೆ ವಿಸ್ತರಿಸಿದೆ. ರದ್ದಾದ ವಿಮಾನಗಳಲ್ಲಿ ಟಿಕೆಟ್‌ಗಳನ್ನು ಕಾಯ್ದಿರಿಸಿದ ಪ್ರಯಾಣಿಕರಿಗೆ ನಿಯಮಗಳ ಪ್ರಕಾರ ಅನುಮತಿಸಲಾದ ಅವಧಿಯೊಳಗೆ ಮರುಪಾವತಿಯನ್ನು ನೀಡುವಂತೆ ನಾಗರಿಕ ವಿಮಾನಯಾನ ನಿರ್ದೇಶನಾಲಯ (ಡಿಜಿಸಿಎ) ಮುಖ್ಯಸ್ಥ ವಿಕ್ರಮ್ ದೇವ್ ದತ್ ಗುರುವಾರ ಆದೇಶಿಸಿದ್ದಾರೆ.
ಮಂಗಳವಾರ ಸ್ವಯಂಪ್ರೇರಿತ ದಿವಾಳಿತನಕ್ಕಾಗಿ ಅರ್ಜಿ ಸಲ್ಲಿಸುವಾಗ, ಏರ್ಲೈನ್ ಮೇ 3 ಮತ್ತು 4 ಕ್ಕೆ ರದ್ದುಗೊಳಿಸುವುದಾಗಿ ಘೋಷಿಸಿತ್ತು. ಇದೀಗ ಮೇ 9, 2023 ರವರೆಗೆ ವಿಸ್ತರಿಸಿದೆ.
ಮೊದಲು ಮೇ 5 ರವರೆಗೆ ವಿಮಾನ ಕ್ಯಾನ್ಸಲ್‌ ಮಾಡಿತ್ತು ಮತ್ತು ಈಗ ಮುಂದಿನ ಮಂಗಳವಾರದವರೆಗೆ ವಿಸ್ತರಣೆ ಮಾಡಲಾಗಿದೆ. ಇನ್ನು, ಈ ವಿಮಾನಯಾನ ಸಂಸ್ಥೆಯು ಮೇ 15 ರವರೆಗೆ ವಿಮಾನಗಳಿಗಾಗಿ ತಾಜಾ ಟಿಕೆಟ್ ಮಾರಾಟವನ್ನು ಸಹ ನಿಲ್ಲಿಸಿದೆ.
ಈ ಆಳವಾದ ಬಿಕ್ಕಟ್ಟಿನ ಮಧ್ಯೆ, ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ (ಡಿಜಿಸಿಎ) ಮುಖ್ಯಸ್ಥ ವಿಕ್ರಮ್ ದೇವ್ ದತ್ ಅವರು ನಿಯಮಗಳ ಮೂಲಕ ಅನುಮತಿಸಲಾದ ಕಾಲಮಿತಿಯೊಳಗೆ ಏರ್‌ಲೈನ್‌ನ ರದ್ದಾದ ವಿಮಾನಗಳಲ್ಲಿ ಟಿಕೆಟ್‌ಗಳನ್ನು ಕಾಯ್ದಿರಿಸಿದ ಪ್ರಯಾಣಿಕರಿಗೆ ಮರುಪಾವತಿಯನ್ನು ನೀಡಲು ಗೋ ಫಸ್ಟ್‌ಗೆ ಗುರುವಾರ ಆದೇಶಿಸಿದ್ದಾರೆ.
ಇನ್ನು, ಈ ಸಂಬಂಧ ಪ್ರತಿಕ್ರಿಯೆ ನೀಡಿದ ಗೋ ಫಸ್ಟ್ “(ಏರ್ಲೈನ್) ತಮ್ಮೊಂದಿಗೆ ಪ್ರಯಾಣಿಸಲು ಈಗಾಗಲೇ ಕಾಯ್ದಿರಿಸಿದ ಪ್ರಯಾಣಿಕರಿಗೆ ಭವಿಷ್ಯದ ದಿನಾಂಕಗಳನ್ನು ಮರುಪಾವತಿಸಲು ಅಥವಾ ಮರುಹೊಂದಿಸಲು ಕೆಲಸ ಮಾಡುತ್ತಿದೆ” ಎಂದು ಹೇಳಿದೆ. ಹಣದ ಕೊರತೆಯ ನಂತರ ಮತ್ತು ಸ್ವಯಂಪ್ರೇರಿತ ದಿವಾಳಿತನಕ್ಕೆ ಅರ್ಜಿ ಸಲ್ಲಿಸಿದ ನಂತರ ಯಾವುದೇ ಪೂರ್ವ ಸೂಚನೆಯಿಲ್ಲದೆ ವಿಮಾನಗಳನ್ನು ರದ್ದುಗೊಳಿಸಿದ್ದಕ್ಕಾಗಿ ಮೇ 2 ರಂದು ನೀಡಲಾದ ಡಿಜಿಸಿಎ ಶೋಕಾಸ್ ನೋಟಿಸ್‌ಗೆ ಪ್ರತಿಕ್ರಿಯೆಯಾಗಿ ಗೋ ಫಸ್ಟ್ ಈ ಉತ್ತರ ನೀಡಿದೆ.
