ಗುಜರಾತ್​ ಬೌಲಿಂಗ್​ ದಾಳಿಗೆ ಮಂಕಾದ ಪಂಜಾಬ್​​: ಗೆಲುವಿಗೆ 154 ರನ್​ ಟಾರ್ಗೆಟ್

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌ :

ಗುಜರಾತ್​ ಟೈಟನ್ಸ್​ ಬೌಲಿಂಗ್​ ದಾಳಿಗೆ ಪರದಾಡಿದ ಪಂಜಾಬ್​​ ಕಿಂಗ್ಸ್​ 153 ರನ್​ ಗಳಿಸಿ ಸವಾಲೊಡ್ಡಿದೆ.
ಪಂಜಾಬ್​ ಪರ ಮ್ಯಾಥ್ಯೂ ಶಾರ್ಟ್‌ 36 ರನ್​ ಬಾರಿಸಿದರು. ಉಳಿದ ಯಾವ ಬ್ಯಾಟರ್​ಗಳಿಂದಲೂ ನಿರೀಕ್ಷಿತ ಪ್ರದರ್ಶನ ಕಂಡು ಬರಲಿಲ್ಲ.

ಟಾಸ್​ ಸೋತು ಬ್ಯಾಟಿಂಗ್​ಗೆಇಳಿದ ಪಂಜಾಬ್​ ಕಿಂಗ್ಸ್​ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 153 ರನ್​ ಬಾರಿಸಿತು. ಎದುರಾಳಿ ಗುಜರಾತ್​ ಗೆಲುವಿಗೆ 154 ರನ್​ ಬಾರಿಸಬೇಕಿದೆ.

ಮೊಹಮ್ಮದ್​ ಶಮಿ ಖಾತೆ ತೆರೆಯುವ ಮೊದಲೇ ಪ್ರಭ್​ಶಿಮ್ರಾನ್​ ಸಿಂಗ್​ ವಿಕೆಟ್​ ಬೇಟೆಯಾಡಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ಕಳೆದ ಮೂರು ಪಂದ್ಯಗಳಲ್ಲಿ ಉತ್ತಮ ಬ್ಯಾಟಿಂಗ್​ ಮೂಲಕ ತಂಡಕ್ಕೆ ಆಸರೆಯಾಗಿದ್ದ ನಾಯಕ ಶಿಖರ್​ ಧವನ್​ ಅವರು ಈ ಪಂದ್ಯದಲ್ಲಿ ಕೇವಲ 8 ರನ್​ಗೆ ಔಟಾದರು.

ಮ್ಯಾಥ್ಯೂ ಶಾರ್ಟ್‌ ವಿಕೆಟ್​ ಪತನದ ಬಳಿಕ ತಂಡದ ಮೊತ್ತವೂ ಕುಂಡಿತವಾಗಿ ಸಾಗಿತು. ಜಿತೇಶ್​ 25 ರನ್​ ಗಳಿಸಿ ಮೋಹಿತ್​ ಶರ್ಮ ಅವರಿಗೆ ವಿಕೆಟ್​ ಒಪ್ಪಿಸಿದರು.ಆಲ್​ರೌಂಡರ್​ ಸ್ಯಾಮ್​ ಕರನ್​ 22, ಭನುಕಾ ರಾಜಪಕ್ಸೆ 20 ರನ್​ ಬಾರಿಸಿದರು. ಅಂತಿಮ ಹಂತದಲ್ಲಿ ಶಾರುಖ್​ ಖಾನ್​ ಅವರು ಸಿಡಿದು ನಿಂತ ಪರಿಣಾಮ ತಂಡ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತು. ಅವರು 9 ಎಸೆತಕ್ಕೆ 22 ರನ್​ ಗಳಿಸಿ ರನೌಟ್​ ಸಂಕಟಕ್ಕೆ ಸಿಲುಕಿದರು.

ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ

LEAVE A REPLY

Please enter your comment!
Please enter your name here

error: Content is protected !!