ಹೊಸದಿಗಂತ ಡಿಜಿಟಲ್ ಡೆಸ್ಕ್:
ವಿಮಾನ ಪ್ರಯಾಣವನ್ನು ಸುಗಮಗೊಳಿಸುವ ಸಲುವಾಗಿ ಬ್ಯೂರೋ ಆಫ್ ಸಿವಿಲ್ ಏವಿಯೇಷನ್ ಸೆಕ್ಯುರಿಟಿ (BCAS) ವಿಮಾನಗಳಲ್ಲಿ (Flight) ಹೊಸ ಕ್ರಮವನ್ನು ಜಾರಿಗೊಳಿಸಲಿದೆ.
ಮುಂದಿನ ತಿಂಗಳಿನಿಂದ, ದೇಶೀಯ ಮತ್ತು ಅಂತಾರಾಷ್ಟ್ರೀಯ ಪ್ರಯಾಣಗಳಲ್ಲಿ, ಪ್ರಯಾಣಿಕರು ವಿಮಾನದಲ್ಲಿ ಒಂದಕ್ಕಿಂತ ಹೆಚ್ಚ ಕ್ಯಾಬಿನ್ ಬ್ಯಾಗ್ ಅಥವಾ ಕೈಚೀಲವನ್ನು ಕೊಂಡೊಯ್ಯುವುದನ್ನು (Flight luggage rules) ನಿರ್ಬಂಧಿಸಲಾಗುತ್ತದೆ.
ಇದು ವಿಮಾನ ನಿಲ್ದಾಣಗಳಲ್ಲಿ ನಿರಂತರವಾಗಿ ಹೆಚ್ಚುತ್ತಿರುವ ಪ್ರಯಾಣಿಕರ ಸಂಖ್ಯೆಯನ್ನು ನಿರ್ವಹಿಸುವಲ್ಲಿ ಮತ್ತು ಕಾರ್ಯಾಚರಣೆಯ ದಕ್ಷತೆಯನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಲಿದೆ ಎಂದು ಬಿಸಿಎಎಸ್‌ ತಿಳಿಸಿದೆ.
ಹೊಸ ಬ್ಯಾಗೇಜ್ ನಿರ್ಬಂಧಗಳ ಪ್ರಮುಖ ವಿವರಗಳು
ಒಂದು ಹ್ಯಾಂಡ್‌ ಬ್ಯಾಗ್ ಮಿತಿ : ಹೊಸ ನಿಯಮದ ಪ್ರಕಾರ ಪ್ರತಿ ಪ್ರಯಾಣಿಕರು 7 ಕೆಜಿಗಿಂತ ಹೆಚ್ಚು ತೂಕದ ಒಂದು ಕೈಚೀಲ ಅಥವಾ ಕ್ಯಾಬಿನ್ ಬ್ಯಾಗ್ ಅನ್ನು ಮಾತ್ರ ಸಾಗಿಸಲು ಅನುಮತಿಸಲಾಗಿದೆ.
ಕ್ಯಾಬಿನ್ ಬ್ಯಾಗ್ ಗಾತ್ರದ ಮಿತಿಗಳು: ಕ್ಯಾಬಿನ್ ಬ್ಯಾಗ್ ಗಾತ್ರವು 55 ಸೆಂ.ಮೀ ಎತ್ತರ, 40 ಸೆಂ.ಮೀ ಉದ್ದ ಮತ್ತು 20 ಸೆಂ.ಮೀ ಅಗಲವಾಗಿರಬಾರದು. ಇದು ಎಲ್ಲಾ ಏರ್‌ಲೈನ್‌ಗಳಲ್ಲಿ ಏಕರೂಪತೆಯನ್ನು ಖಚಿತಪಡಿಸಿಕೊಳ್ಳಲು ಮತ್ತು ಭದ್ರತಾ ತಪಾಸಣೆಯನ್ನು ಸುಲಭಗೊಳಿಸಲು ಸಹಾಯಕಾರಿಯಾಗಿದೆ.
ಹೆಚ್ಚುವರಿ ಬ್ಯಾಗೇಜ್‌ಗೆ ಸರ್‌ಚಾರ್ಜ್ : ಕ್ಯಾಬಿನ್ ಬ್ಯಾಗ್‌ನ ತೂಕ ಅಥವಾ ಗಾತ್ರದ ಮಿತಿಗಳನ್ನು ಪ್ರಯಾಣಿಕರು ಮೀರಿದರೆ, ಹೆಚ್ಚುವರಿ ಬ್ಯಾಗೇಜ್ ಶುಲ್ಕವಿರುತ್ತದೆ.
ಈಗಾಗಲೇ ಇಂಡಿಗೋ ಮತ್ತು ಏರ್ ಇಂಡಿಯಾದಂತಹ ವಿಮಾನಯಾನ ಸಂಸ್ಥೆಗಳು ಹೊಸ ನಿಯಮಗಳಿಗೆ ಅನುಸಾರವಾಗಿ ತಮ್ಮ ಲಗೇಜ್ ನೀತಿಯನ್ನು ಪರಿಷ್ಕರಿಸಿವೆ.
ಎಕಾನಮಿ ಮತ್ತು ಪ್ರೀಮಿಯಂ ಎಕಾನಮಿ ತರಗತಿಗಳಲ್ಲಿ ಪ್ರಯಾಣಿಕರು ಏಳು ಕಿಲೋಗ್ರಾಂಗಳಷ್ಟು ತೂಕದ ಒಂದು ಕೈಚೀಲವನ್ನು ತರಲು ಅನುಮತಿಸಲಾಗಿದೆ. ಮೊದಲ ಮತ್ತು ವ್ಯಾಪಾರ-ವರ್ಗದ ಪ್ರಯಾಣಿಕರು ಈಗ 10 ಕಿಲೋಗ್ರಾಂಗಳಷ್ಟು ಹ್ಯಾಂಡ್‌ ಬ್ಯಾಗ್ ತರಬಹುದು. ಅದೇನೇ ಇದ್ದರೂ, ಚೀಲದ ಆಯಾಮಗಳು ಉದ್ದಕ್ಕೆ 40 ಸೆಂ.ಮೀ, ಅಗಲಕ್ಕೆ 20 ಸೆಂ.ಮೀ ಮತ್ತು ಎತ್ತರಕ್ಕೆ 55 ಸೆಂ.ಮೀ ಮೀರಬಾರದು.
ಇಂಡಿಗೋ ಏರ್‌ಲೈನ್ಸ್‌ನಲ್ಲಿ ಪ್ರಯಾಣಿಸುವ ಪ್ರಯಾಣಿಕರು ಒಂದು ಕ್ಯಾಬಿನ್ ಬ್ಯಾಗ್ ಅನ್ನು ತರಬಹುದು, ಅದು 115 ಸೆಂ.ಮೀ ಉದ್ದವನ್ನು ಮೀರಬಾರದು ಮತ್ತು 7 ಕೆಜಿಗಿಂತ ಹೆಚ್ಚು ತೂಕವನ್ನು ಹೊಂದಿರಬಾರದು. ಹೆಚ್ಚುವರಿಯಾಗಿ, ಪ್ರಯಾಣಿಕರು ಪರ್ಸ್, ಕಾಂಪ್ಯಾಕ್ಟ್ ಲ್ಯಾಪ್‌ಟಾಪ್ ಬ್ಯಾಗ್ ಅಥವಾ ಇದೇ ರೀತಿಯ ಒಂದು ವೈಯಕ್ತಿಕ ಐಟಂ ಅನ್ನು 3 ಕೆಜಿ ತೂಕದವರೆಗೆ ತರಬಹುದು.
