ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಹರಿಯಾಣ ವಿಧಾನಸಭಾ ಚುನಾವಣೆಗೆ ಕಾಂಗ್ರೆಸ್ ತನ್ನ ಒಂಬತ್ತು ಅಭ್ಯರ್ಥಿಗಳ ಎರಡನೇ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
ಪಕ್ಷದ ಪ್ರಧಾನ ಕಾರ್ಯದರ್ಶಿ ಕೆಸಿ ವೇಣುಗೋಪಾಲ್ ನೀಡಿರುವ ಹೇಳಿಕೆ ಪ್ರಕಾರ, ಥಾನೇಸರ್‌ನಿಂದ ಅಶೋಕ್ ಅರೋರಾ, ಗನೌರ್‌ನಿಂದ ಕುಲದೀಪ್ ಶರ್ಮಾ, ಉಚ್ಚನ ಕಲಾನ್‌ನಿಂದ ಬ್ರಿಜೇಂದ್ರ ಸಿಂಗ್ ಮತ್ತು ತೋಹಾನಾದಿಂದ ಪರಮವೀರ್ ಸಿಂಗ್ ಅವರನ್ನು ಕಣಕ್ಕಿಳಿಸಲು ಪಕ್ಷ ನಿರ್ಧರಿಸಿದೆ.
ಅನಿರುದ್ಧ್ ಚೌಧರಿ ತೋಷಮ್‌ನಿಂದ, ಬಲರಾಮ್ ಡಾಂಗಿ ಮೆಹಮ್‌ನಿಂದ, ಮಂಜು ಚೌಧರಿ ನಂಗಲ್ ಚೌಧರಿಯಿಂದ, ವರ್ಧನ್ ಯಾದವ್ ಬಾದ್‌ಶಹಪುರದಿಂದ ಮತ್ತು ಮೋಹಿತ್ ಗ್ರೋವರ್ ಗುರುಗ್ರಾಮ್‌ನಿಂದ ಸ್ಪರ್ಧಿಸಲಿದ್ದಾರೆ.
ಕುಸ್ತಿಪಟು ಮತ್ತು ಕಾಂಗ್ರೆಸ್ ನಾಯಕ ವಿನೇಶ್ ಫೋಗಟ್ ಅವರು ಮುಂಬರುವ ಹರಿಯಾಣ ವಿಧಾನಸಭಾ ಚುನಾವಣೆಯಲ್ಲಿ ಜೂಲಾನಾ ಸ್ಥಾನವನ್ನು ಗೆಲ್ಲುವ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ ಮತ್ತು ಜನರ ದೃಷ್ಟಿಯಲ್ಲಿ ವಿಜೇತರಾಗುವುದಕ್ಕಿಂತ ದೊಡ್ಡದು ಯಾವುದೂ ಇಲ್ಲ ಎಂದು ಹೇಳಿದರು.
- Advertisement -
