ದೇಹದ ಶಕ್ತಿ, ಸ್ನಾಯುಗಳ ಬೆಳವಣಿಗೆ ಮತ್ತು ತೂಕ ನಿಯಂತ್ರಣಕ್ಕೆ ಪ್ರೊಟೀನ್ ತುಂಬಾ ಮುಖ್ಯ. ಮಾಂಸಾಹಾರ ತಿನ್ನದವರು ಪ್ರೋಟೀನ್ ಸಿಗೋದಿಲ್ಲ ಅನ್ನೋದು ತಪ್ಪು ಕಲ್ಪನೆ. ನಮ್ಮ ಸುತ್ತಲೂ ದೊರೆಯುವ ಅನೇಕ ಸಸ್ಯಾಹಾರಿ ಆಹಾರಗಳಲ್ಲಿ ಸಾಕಷ್ಟು ಪ್ರೋಟೀನ್ ಇದೆ. ಸರಿಯಾದ ಆಯ್ಕೆ ಮಾಡಿದ್ರೆ ದೇಹಕ್ಕೆ ಬೇಕಾದಷ್ಟು ಪೋಷಕಾಂಶಗಳನ್ನು ಸುಲಭವಾಗಿ ಪಡೆಯಬಹುದು.
ಬೇಳೆ ಮತ್ತು ಕಾಳುಗಳು ಪ್ರೊಟೀನ್ ನ ದೊಡ್ಡ ಮೂಲವಾಗಿವೆ. ತೊಗರಿ ಬೇಳೆ, ಕಡಲೆಕಾಳು, ಹುರಳಿಕಾಳು, ಹೆಸರುಕಾಳು ಇವುಗಳನ್ನು ನಿಯಮಿತವಾಗಿ ಆಹಾರದಲ್ಲಿ ಸೇರಿಸಿದರೆ ದೇಹಕ್ಕೆ ಉತ್ತಮ ಪೋಷಣೆಯೂ ಸಿಗುತ್ತದೆ, ಹೊಟ್ಟೆ ಕೂಡ ಹೆಚ್ಚು ಹೊತ್ತು ತುಂಬಿರುತ್ತದೆ.
ಹಾಲಿನ ಉತ್ಪನ್ನಗಳಲ್ಲೂ ಉತ್ತಮ ಪ್ರಮಾಣದ ಪ್ರೊಟೀನ್ ದೊರೆಯುತ್ತದೆ. ಹಾಲು, ಮೊಸರು, ಪನ್ನೀರ್ ಇವು ದೇಹದ ಸ್ನಾಯುಗಳಿಗೆ ಬಲ ನೀಡುವುದಲ್ಲದೆ, ಎಲುಬುಗಳಿಗೂ ಸಹಾಯ ಮಾಡುತ್ತವೆ. ವಿಶೇಷವಾಗಿ ವ್ಯಾಯಾಮ ಮಾಡುವವರಿಗೆ ಇದು ಒಳ್ಳೆಯ ಆಯ್ಕೆ.
ಇದನ್ನೂ ಓದಿ:
ಸೋಯಾ ಉತ್ಪನ್ನಗಳು ಪ್ರೊಟೀನ್ಗಾಗಿ ಅತ್ಯುತ್ತಮ. ಸೋಯಾಬೀನ್, ಸೋಯಾ ತುಂಡುಗಳು ಮತ್ತು ಸೋಯಾ ಹಾಲು ಇವುಗಳಲ್ಲಿ ಪ್ರೊಟೀನ್ ಪ್ರಮಾಣ ಹೆಚ್ಚು ಇರುತ್ತದೆ. ತೂಕ ಇಳಿಸಿಕೊಳ್ಳುವವರಿಗೂ ಇದು ಉತ್ತಮ ಆಹಾರ.
ಬೀಜಗಳು ಮತ್ತು ಕಾಯಿ ತರಕಾರಿಗಳೂ ಸಹ ದೇಹಕ್ಕೆ ಶಕ್ತಿ ನೀಡುತ್ತವೆ. ಬಾದಾಮಿ, ಕಡಲೆಕಾಯಿ, ಕುಂಬಳಕಾಯಿ ಬೀಜ ಇವುಗಳಲ್ಲಿ ಪ್ರೊಟೀನ್ ಜೊತೆಗೆ ಉತ್ತಮ ಕೊಬ್ಬು ಕೂಡ ಇದೆ. ದಿನಕ್ಕೆ ಸ್ವಲ್ಪ ಪ್ರಮಾಣದಲ್ಲಿ ತಿನ್ನುವುದು ಆರೋಗ್ಯಕ್ಕೆ ಲಾಭಕರ.
ಹೀಗೆ ಸಸ್ಯಾಹಾರದಲ್ಲೇ ಹಲವು ರೀತಿಯ ಪ್ರೊಟೀನ್ ಮೂಲಗಳು ಇರುವುದರಿಂದ ಸರಿಯಾದ ಆಹಾರ ಪದ್ಧತಿ ಪಾಲಿಸಿದರೆ ದೇಹಕ್ಕೆ ಬೇಕಾದ ಶಕ್ತಿ, ಬಲ ಮತ್ತು ಆರೋಗ್ಯವನ್ನು ಸುಲಭವಾಗಿ ಕಾಪಾಡಿಕೊಳ್ಳಬಹುದು.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
