ಇತ್ತೀಚಿನ ದಿನಗಳಲ್ಲಿ ಎಲ್ಲ ವಯಸ್ಸಿನವರು ಚೈತನ್ಯಕ್ಕಾಗಿ ಮತ್ತು ತ್ವರಿತ ಶಕ್ತಿಗಾಗಿ ಎನರ್ಜಿ ಡ್ರಿಂಕ್‌ಗಳನ್ನು ಕುಡಿಯುತ್ತಿದ್ದಾರೆ. ಈ ಡ್ರಿಂಕ್‌ಗಳು ತಾತ್ಕಾಲಿಕ ಶಕ್ತಿ ನೀಡಿದರೂ, ಅವು ಹೃದಯದ ಆರೋಗ್ಯಕ್ಕೆ ಎಷ್ಟು ಗಂಭೀರ ಹಾನಿ ಮಾಡಬಹುದು ಎಂಬುದು ನಿಮಗೆ ಗೊತ್ತಿದೆಯಾ?
ವ್ಯಾಯಾಮದ ನಂತರ ಎನರ್ಜಿ ಡ್ರಿಂಕ್ ಕುಡಿಯುವುದು ವ್ಯಾಯಾಮದ ಪ್ರಯೋಜನವನ್ನು ಕಡಿಮೆ ಮಾಡುತ್ತದೆ. ಇದು ಹೃದಯದ ಮೇಲೆ ಒತ್ತಡ ಹೇರಿ, ಆರೋಗ್ಯಕ್ಕೆ ಅಪಾಯ ತರುತ್ತದೆ.
ಎನರ್ಜಿ ಡ್ರಿಂಕ್‌ನಲ್ಲಿ ಕೆಫೀನ್, ಸಕ್ಕರೆ, ಟೌರಿನ್, ಗೌರಾನಾ ಮತ್ತು ಇತರ ಉತ್ತೇಜಕಗಳಿವೆ. ಇವು ತ್ವರಿತ ಶಕ್ತಿ ನೀಡುತ್ತವೆ, ಆದರೆ ಹೆಚ್ಚು ಸೇವಿಸಿದರೆ ಹಾನಿಕಾರಕ.
ಅತಿಯಾದ ಕೆಫೀನ್: ಹೆಚ್ಚು ಕೆಫೀನ್ ಹೃದಯ ಬಡಿತ ಮತ್ತು ರಕ್ತದೊತ್ತಡವನ್ನು ಹೆಚ್ಚಿಸಿ, ಹೃದಯಕ್ಕೆ ಒತ್ತಡ ಹಾಕುತ್ತದೆ.
ರಕ್ತದೊತ್ತಡ ಹೆಚ್ಚಳ: ಇದು ತಕ್ಷಣ ರಕ್ತದೊತ್ತಡ ಹೆಚ್ಚಿಸುತ್ತದೆ, ವಿಶೇಷವಾಗಿ ಅಧಿಕ ರಕ್ತದೊತ್ತಡ ಇರುವವರಿಗೆ ಅಪಾಯಕಾರಿ.
ಹೆಚ್ಚು ಸಕ್ಕರೆ ಅಂಶ: ಇದು ಮಧುಮೇಹ ಮತ್ತು ಬೊಜ್ಜುತನಕ್ಕೆ ಕಾರಣವಾಗಿ, ಹೃದಯ ಕಾಯಿಲೆಯ ಅಪಾಯವನ್ನು ಹೆಚ್ಚಿಸುತ್ತದೆ.
ಅನಿಯಮಿತ ಹೃದಯ ಬಡಿತ: ಕೆಫೀನ್ ಮತ್ತು ಉತ್ತೇಜಕಗಳು ಹೃದಯ ಬಡಿತವನ್ನು ಅಸಹಜಗೊಳಿಸಿ, ಗಂಭೀರ ಸಮಸ್ಯೆಗೆ ದಾರಿ ಮಾಡಬಹುದು.
