ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಗುಜರಾತ್‌ನ ಬನಸ್ಕಾಂತ ಜಿಲ್ಲೆಯ ನಡಬೆಟ್‌ನಲ್ಲಿ ಭಾರತ-ಪಾಕ್ ಗಡಿ ವೀಕ್ಷಣಾ ಕೇಂದ್ರವನ್ನು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಭಾನುವಾರ ಉದ್ಘಾಟಿಸಿದರು.
ಭಾರತ-ಪಾಕ್ ಗಡಿ ಪ್ರದೇಶವಾದ ನಡಬೆಟ್ ಗುಜರಾತ್ ಪ್ರವಾಸೋದ್ಯಮದ ಆಶ್ರಯದಲ್ಲಿ ಪ್ರವಾಸಿ ತಾಣವಾಗಿ ಅಭಿವೃದ್ಧಿಗೊಂಡಿದೆ.
Fearless and dauntless, they stand on the frontiers as we rest in deep slumber. Nadabet gives us a peek into the thrill of a jawan's life. Come and witness this journey on 10th April pic.twitter.com/nFWqjh5yeB
— Gujarat Tourism (@GujaratTourism) April 9, 2022
ಭಾರತೀಯ ಗಡಿಯಲ್ಲಿರುವ ಆರ್ಮಿ ಪೋಸ್ಟ್‌ನ ಕಾರ್ಯಕ್ಷಮತೆಯನ್ನು ವೀಕ್ಷಿಸಲು ಪ್ರವಾಸಿಗರಿಗೆ ಅವಕಾಶ ಕಲ್ಪಿಸಲಾಗುವುದು. ಸೂರ್ಯಾಸ್ತದ ಸಮಯದಲ್ಲಿ ಇಲ್ಲಿ ನಡೆಯುವ ಬೀಟಿಂಗ್‌ ರೀಟ್ರೀಟ್ ಸಮಾರಂಭದ ಜೊತೆಗೆ, ಗಡಿ ಕಾಯುವ ಬಿಎಸ್ಎಫ್ ಯೋಧರು ಆಯೋಜಿಸುವ ಪರೇಡ್ ಪ್ರವಾಸಿಗರನ್ನು ಆಕರ್ಷಿಸುತ್ತದೆ.
ಶಸ್ತ್ರಾಸ್ತ್ರಗಳ ಪ್ರದರ್ಶನ ಮತ್ತು ಸೇನೆಯ ವಿವಿಧ ಗನ್‌ಗಳು, ಟ್ಯಾಂಕ್‌ಗಳು ಮತ್ತು ಇತರ ಸುಧಾರಿತ ಉಪಕರಣಗಳನ್ನು ನಡಬೆಟ್‌ನಲ್ಲಿ ಪ್ರದರ್ಶಿಸಲಾಗಿದೆ.
