ಮೇಷ
ಹಣದ ವಿಷಯ ಅಥವಾ ಭಾವನಾತ್ಮಕ ವಿಷಯ, ಯಾವುದಕ್ಕೂ ಆತುರದ ತೀರ್ಮಾನ ತಾಳದಿರಿ. ಯೋಚಿಸಿ ನಿರ್ಧರಿಸಿ. ನಿಮ್ಮ ಆತ್ಮಸಾಕ್ಷಿಯ ಮಾತಿಗೆ ಕಿವಿಗೊಡಿ.
ವೃಷಭ
ಇಂದು ನಿಮಗೆ ಒತ್ತಡದ ಮತ್ತು ಆಯಾಸದ ದಿನ. ಏಕೆಂದರೆ ನಿರಂತರ ಕಾರ್ಯನಿರತರು ನೀವು. ಸಂಬಂಧದ ವಿಚಾರದಲ್ಲಿ ನೆಗೆಟಿವ್ ಚಿಂತನೆಗೆ ದಾರಿ ಮಾಡದಿರಿ.
ಮಿಥುನ
ಹಣದ ವಿಚಾರ ಪಕ್ಕಕ್ಕಿಡಿ, ನಿಮ್ಮ ಬದುಕಿಗೆ ಸಂಬಂಧಿಸಿದ ಇತರ ಮಹತ್ವದ ವಿಚಾರಗಳತ್ತ ಗಮನ ಹರಿಸಿ. ನಿಮ್ಮ ಕೆಲವು ಸಾಮರ್ಥ್ಯ ವ್ಯರ್ಥ ಮಾಡಬೇಡಿ.
ಕಟಕ
ಇತರರು ನಿಮ್ಮನ್ನು ಹೊಗಳುವಂಥ ಕಾರ್ಯ ಮಾಡುವಿರಿ. ಇತರರ ಸಂತೋಷದಲ್ಲಿ ನೀವೂ ಕುಶಿ ಕಾಣುವಿರಿ. ಕುಟುಂಬ ಸದಸ್ಯರ ಜತೆ ಹರ್ಷ ಆಚರಿಸುವಿರಿ.
ಸಿಂಹ
ನಿಮ್ಮ ಕ್ರಿಯಾಶೀಲತೆಗೆ ಗಮನ ಕೊಡಿ. ಜಡವಾಗಿ ಕೂರದಿರಿ. ಉತ್ತಮ ಕಾರ್ಯ ಮಾಡುವತ್ತ ನಿಮ್ಮ ಶ್ರಮ ವ್ಯಯಿಸಿ. ಜನಮೆಚ್ಚುಗೆ ಪಡೆಯುವಿರಿ.
ಕನ್ಯಾ
ನಿಮಗೆ ಅರಿವೇ ಇಲ್ಲದಂತೆ ನಿಮ್ಮ ಜನಪ್ರಿಯತೆ ಹೆಚ್ಚುವುದು. ಇತರರು ನಿಮ್ಮ ಮಾತಿಗೆ ಮನ್ನಣೆ ಕೊಡುವರು. ಕೌಟುಂಬಿಕ ಸಂತೋಷ.
ತುಲಾ
ಎಂದಿಗಿಂತ ಭಿನ್ನವಾದ ಕಾರ್ಯಗಳಿಗೆ ಕೈಹಚ್ಚಿ. ನೀವು ಅದರಲ್ಲಿ ಸಫಲತೆ ಕಾಣುವಿರಿ. ನಿಮ್ಮ ಸೀಮಿತ ಚೌಕಟ್ಟನ್ನು ಮೀರಿ ಚಿಂತಿಸಿರಿ ಮತ್ತು ಕಾರ್ಯಾಚರಿಸಿ.
ವೃಶ್ಚಿಕ
ಸಂಬಂಧದಲ್ಲಿ ವಿವೇಕ ಮತ್ತು ಭಾವನೆ ಎರಡನ್ನೂ ಸಮತೋಲನದಲ್ಲಿ ಇಟ್ಟುಕೊಳ್ಳಿ. ಸಣ್ಣ ವಿಷಯಕ್ಕೂ ಉದ್ವೇಗಗೊಳ್ಳದಿರಿ. ಆರ್ಥಿಕ ಒತ್ತಡ ನಿವಾರಣೆ.
ಧನು
ಕೌಟುಂಬಿಕ ಸಮ್ಮಿಲನ. ಹರ್ಷದ ಪರಿಸರ. ನಿಮ್ಮಿಂದ ದೂರ ಸರಿದವರೂ ಇಂದು ಸಮೀಪ ಬರುವರು. ಆರ್ಥಿಕವಾಗಿ ಖುಷಿಯ ಬೆಳವಣಿಗೆ.
ಮಕರ
ಏಕಾಂಗಿ ಮನೋಭಾವ ತ್ಯಜಿಸಿ, ಎಲ್ಲರ ಜತೆ ಬೆರೆಯಲು ಕಲಿಯಿರಿ. ಜೀವನದ ಸಂತೋಷ ಕಾಣುವಿರಿ. ಹಣಕ್ಕೆ ಸಂಬಂಧಿಸಿ ಪ್ರಮುಖ ನಿರ್ಧಾರ ತಾಳದಿರಿ.
ಕುಂಭ
ಇತರರ ಜತೆಗಿನ ವ್ಯವಹಾರ ಇಂದು ನೀವು ಬಯಸಿದಂತೆ ಸಾಗದಿರಬಹುದು. ಆದರೆ ನಿರಾಶೆ ಬೇಡ. ನಿಮಗೆ ಸಿಗುವ ಫಲ ಸಿಕ್ಕೇ ಸಿಗುವುದು.
ಮೀನ
ನಿಮ್ಮ ಚಿಂತೆ ಇತರರ ಜತೆ ಹಂಚಿಕೊಳ್ಳಲು ಹಿಂಜರಿಕೆ ಬೇಡ. ಮನಸ್ಸಿನ ಒತ್ತಡ ಕಡಿಮೆಯಾದೀತು. ಭಾವುಕ ಸನ್ನಿವೇಶಕ್ಕೆ ಸಾಕ್ಷಿಯಾಗುವಿರಿ.
