ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಪಿಕ್ ಪಾಕೆಟ್ ಗ್ಯಾಂಗ್ ಒಂದು ಮೊಬೈಲ್ ಕದ್ದು ಪೊಲೀಸರಿಗೆ ಅತಿಥಿಯಾದ ಘಟನೆ ಬೆಂಗಳೂರಿನ ಯಶವಂತಪುರದ ಆರ್ಎಂಸಿ ಯಾರ್ಡ್ ನಲ್ಲಿ ನಡೆದಿದೆ.
ಯಶವಂತಪುರ ಹೂವಿನ ಮಾರ್ಕೆಟ್ ನಲ್ಲಿ ಸಿತಾರ ಎಂಬ ಮಹಿಳೆಯ ಐ ಫೋನ್ 16 Pro ಮೊಬೈಲ್ ಕದ್ದು ಕಳ್ಳರು ಪರಾರಿಯಾಗಿದ್ದರು. ಈ ಬಗ್ಗೆ ಮಹಿಳೆ ಆರ್ ಎಂ ಸಿ ಯಾರ್ಡ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು.
ದೂರು ದಾಖಲಿಸಿಕೊಂಡ ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದರು. ಐ ಫೋನ್ 16 Pro ಮೊಬೈಲ್ ನಲ್ಲಿ ಮೊಬೈಲ್ ಸ್ವಿಚ್ ಆಫ್ ಮಾಡಿದರೂ ಲೊಕೇಷನ್ ಸಿಗುತ್ತೆ. ಇದರಿಂದ ಐ ಫೋನ್ ನ ಫೈಂಡ್ ಮೈ ಡಿವೈಸ್ ಬಳಸಿ ಪೊಲೀಸರು ಖದೀಮರ ಲೊಕೇಶನ್ ಪತ್ತೆ ಹಚ್ಚಿದ್ದಾರೆ.
ಮೊಬೈಲ್ ಫೋನ್ ಜೊತೆಗೆ ಆರೋಪಿಗಳಾದ ಶುಬಿನ್, ಅಹ್ಮದ್, ಥೋಪಿಕ್ ಹಾಗೂ ಫೈಜಲ್ ನನ್ನು ಬಂಧಿಸಿ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.
- Advertisement -
