Thursday, September 4, 2025

ಭಾರತ-ಇಂಗ್ಲೆಂಡ್ ಮ್ಯಾಚ್: ಕ್ರಿಸ್‌ ವೋಕ್ಸ್‌ ವೇಗದ ಎಸೆತಕ್ಕೆ ಯಶಸ್ವಿ ಜೈಸ್ವಾಲ್ ಬ್ಯಾಟ್ ಮುರಿತ!

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ನಾಲ್ಕನೇ ಪಂದ್ಯ ಮ್ಯಾಂಚೆಸ್ಟರ್‌ನ ಓಲ್ಡ್ ಟ್ರಾಫರ್ಡ್ ಕ್ರೀಡಾಂಗಣದಲ್ಲಿ ನಡೆಯುತ್ತಿದೆ. ಈ ಪಂದ್ಯದಲ್ಲಿ, ಕ್ರಿಸ್ ವೋಕ್ಸ್ ಅವರ ಬಿರುಗಾಳಿಯ ಚೆಂಡು ಬ್ಯಾಟ್‌ ಮಾಡುತ್ತಿದ್ದ ಯಶಸ್ವಿ ಜೈಸ್ವಾಲ್‌ ಅವರ ಬ್ಯಾಟ್ ಅನ್ನು ಮುರಿಯಿತು.

ಭಾರತದ ಇನ್ನಿಂಗ್ಸ್‌ನ 9 ನೇ ಓವರ್‌ನಲ್ಲಿ, ಸ್ಟ್ರೈಕ್‌ನಲ್ಲಿದ್ದ ಯಶಸ್ವಿ ಜೈಸ್ವಾಲ್, ವೋಕ್ಸ್ ಅವರ ಎಸೆತವನ್ನು ಡಿಫೆಂಡ್ ಮಾಡುವ ವೇಳೆ ಅವರ ಬ್ಯಾಟ್ ಮುರಿದು ಹೋಗಿದ್ದು, ಇದರಿಂದಾಗಿ ಜೈಸ್ವಾಲ್ ಬೇರೆ ಬ್ಯಾಟನ್ನು ತರಿಸಿಬೇಕಾಯಿತು. ಇದೀಗ ಅದರ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ.

https://x.com/StarSportsIndia/status/1947977626326589452?ref_src=twsrc%5Etfw%7Ctwcamp%5Etweetembed%7Ctwterm%5E1947977626326589452%7Ctwgr%5E1a338660dfec5198d2bfe346668e8551509b88f8%7Ctwcon%5Es1_&ref_url=https%3A%2F%2Ftv9kannada.com%2Fsports%2Fcricket-news%2Fyashasvi-jaiswals-bat-shattered-viral-video-from-india-vs-england-4th-test-1056981.html

9 ನೇ ಓವರ್‌ನಲ್ಲಿ ಇಂಗ್ಲೆಂಡ್ ವೇಗಿ ಕ್ರಿಸ್ ವೋಕ್ಸ್ ಬೌಲಿಂಗ್ ಮಾಡುತ್ತಿದ್ದರು ಮತ್ತು ಯಶಸ್ವಿ ಜೈಸ್ವಾಲ್ ಸ್ಟ್ರೈಕ್‌ನಲ್ಲಿದ್ದರು. ಈ ಓವರ್‌ನ ಐದನೇ ಎಸೆತದಲ್ಲಿ, ಜೈಸ್ವಾಲ್ ರಕ್ಷಣಾತ್ಮಕ ಹೊಡೆತವನ್ನು ಆಡಲು ಪ್ರಯತ್ನಿಸಿದರು. ಚೆಂಡು ಅವರು ನಿರೀಕ್ಷಿಸಿದ್ದಕ್ಕಿಂತ ಸ್ವಲ್ಪ ಹೆಚ್ಚು ಬೌನ್ಸ್ ಆಗಿ ನೇರವಾಗಿ ಅವರ ಬ್ಯಾಟ್‌ನ ಹ್ಯಾಂಡಲ್‌ಗೆ ಬಡಿಯಿತು. ಚೆಂಡಿನ ಹೊಡೆತ ಎಷ್ಟು ಬಲವಾಗಿತ್ತೆಂದರೆ ಜೈಸ್ವಾಲ್ ಅವರ ಬ್ಯಾಟ್‌ನ ಹ್ಯಾಂಡಲ್ ಮುರಿಯಿತು. ಇದನ್ನು ನೋಡಿದ ಆಟಗಾರರು, ಅಂಪೈರ್‌ಗಳು ಮತ್ತು ಮೈದಾನದಲ್ಲಿದ್ದ ಅಭಿಮಾನಿಗಳು ಆಘಾತಕ್ಕೊಳಗಾದರು. ಕ್ರಿಸ್ ವೋಕ್ಸ್ ಉತ್ತಮ ಲೆನ್ತ್‌ ಎಸೆದಿದ್ದರು. ಚೆಂಡು ಪುಟಿದ ನಂತರ ಯಶಸ್ವಿ ಜೈಸ್ವಾಲ್‌ ರಕ್ಷಣಾತ್ಮಕ ಹೊಡೆತವನ್ನು ಆಡಲು ಪ್ರಯತ್ನಿಸಿದರು ಮತ್ತು ಅವರ ಬ್ಯಾಟ್ ಮುರಿದುಹೋಯಿತು. ಪಂದ್ಯವನ್ನು ಸ್ವಲ್ಪ ಸಮಯದವರೆಗೆ ನಿಲ್ಲಿಸಬೇಕಾಯಿತು. ಬಳಿಕ ಕರುಣ್ ನಾಯರ್ ಬ್ಯಾಟ್ ಹಿಡಿದು ಮೈದಾನಕ್ಕೆ ತಲುಪಿದ ನಂತರ ಪಂದ್ಯವನ್ನು ಪುನರಾರಂಭಿಸಲು ಸಾಧ್ಯವಾಯಿತು.

ಇದನ್ನೂ ಓದಿ