ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಭಾರತ ಇಂದು ಯಾವುದೇ ಹೊಸ ಕೋವಿಡ್ ತಳಿಗೆ ಲಸಿಕೆಯನ್ನು ಅಭಿವೃದ್ಧಿಪಡಿಸಲು ಸಮರ್ಥವಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಮಹಾನಿರ್ದೇಶಕ ರಾಜೀವ್ ಬಹ್ಲ್ ಹೇಳಿದ್ದಾರೆ.
ಪ್ರಸ್ತುತ ಹಿಂದಿನ ಒಮಿಕ್ರಾನ್‌ಗಿಂತ ಹೆಚ್ಚು ತೀವ್ರವಾದ ಯಾವುದೇ ತಳಿ ಕಾಣಿಸಿಕೊಂಡಿಲ್ಲ. ಆದರೆ ವೈರಸ್ ಇನ್ನೂ ಸಂಪೂರ್ಣ ನಾಶವಾಗಿಲ್ಲ ಎಚ್ಚರಿಕೆಯನ್ನು ನೀಡಿದರು.
ಹೊಸ ತಳಿಯ ಹರಡುವಿಕೆ ಸಾಮರ್ಥ್ಯ, ತೀವ್ರತೆ ಮತ್ತು ಅದು ರೋಗನಿರೋಧಕ ಶಕ್ತಿಯಿಂದ ಹೇಗೆ ಪಾರಾಗುತ್ತದೆ ಎಂಬುದನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡುತ್ತಿದ್ದೇವೆ. ಹೀಗಾಗಿ ಒಂದು ವೇಳೆ ಅಗತ್ಯವಿದ್ದರೆ ಹೊಸ ತಳಿಗೆ ಅನುಗುಣವಾಗಿ ಲಸಿಕೆ ತಯಾರಿಸುವ ಸಾಮರ್ಥ್ಯವನ್ನು ನಾವು ಹೊಂದಿದ್ದೇವೆ ಎಂದರು.
ಇಂದು ಭಾರತದಲ್ಲಿ ಕೇವಲ 29 ಪ್ರತಿಶತದಷ್ಟು ಜನ ಕೋವಿಡ್ ಬೂಸ್ಟರ್ ಲಸಿಕೆ ತೆಗೆದುಕೊಂಡಿದ್ದಾರೆ. ಅಪಾಯಗಳನ್ನು ಪರಿಗಣಿಸಿ ಇನ್ನೂ ಹೆಚ್ಚಿನ ಜನ ಬೂಸ್ಟರ್ ಡೋಸ್ ಪಡೆಯಬಹುದು. ಯಾವುದೇ ರೀತಿಯ ಸಾಂಕ್ರಾಮಿಕ ರೋಗವನ್ನು ಉಂಟುಮಾಡುವ ರೋಗಗಳಿಗೆ 100 ದಿನಗಳಲ್ಲಿ ಲಸಿಕೆಯನ್ನು ಅಭಿವೃದ್ಧಿಪಡಿಸುವ ಗುರಿಯನ್ನು ಭಾರತ ಹೊಂದಿದೆ ಎಂದು ಹೇಳಿದರು.
ನಿಫಾ ವೈರಸ್ ಗೆ ಆಸ್ಟ್ರೇಲಿಯಾದಿಂದ ಡೋಸ್
ಇದೇ ನಿಫಾ ವೈರಸ್ ಕುರಿತು ಮಾತನಾಡಿದ ಅವರು,ಭಾರತವು ಆಸ್ಟ್ರೇಲಿಯಾದಿಂದ ಮತ್ತೆ ನಿಫಾ ವೈರಸ್ನ 20 ಡೋಸ್ ಲಸಿಕೆಗಳನ್ನು ಖರೀದಿಸುತ್ತಿದೆ ಎಂದು ಬಹ್ಲ್ ಹೇಳಿದರು. ಆಸ್ಟ್ರೇಲಿಯಾದ ಕ್ವೀನ್ಸ್ಲ್ಯಾಂಡ್ ವಿಶ್ವವಿದ್ಯಾಲಯವು ಜಾಗತಿಕವಾಗಿ 14 ಜನರ ಮೇಲೆ ಪರೀಕ್ಷಿಸಿದ ಮತ್ತು ಸುರಕ್ಷಿತವೆಂದು ಕಂಡುಕೊಂಡ ಎಂ 102.4 ಆಯಂಟಿಬಾಡಿಯ ಕಾರಣದಿಂದ ಯಾರೂ ಸಾವನ್ನಪ್ಪಿಲ್ಲ ಎಂದು ಬಹ್ಲ್ ಮಾಹಿತಿ ನೀಡಿದರು.
ಇದರ ಅಡ್ಡಪರಿಣಾಮಗಳ ಬಗ್ಗೆ ಯಾವುದೇ ಜ್ಞಾನವಿಲ್ಲದ ಕಾರಣ ಅಗತ್ಯತೆಯ ಆಧಾರದ ಮೇಲೆ ನೀಡಲಾಗುವುದು. ಕೇರಳ ಸರ್ಕಾರ ಮತ್ತು ಅಲ್ಲಿನ ವೈದ್ಯರು ನಿರ್ಧರಿಸಲಿದ್ದಾರೆ. ಪ್ರಸ್ತುತ ಭಾರತವು 10 ಡೋಸ್ಗಳನ್ನು ಹೊಂದಿದೆ, ನಾವು ಇನ್ನೂ 10 ಡೋಸ್ ನೀಡುವಂತೆ ವಿನಂತಿಸಿದ್ದೇವೆ. ಪ್ರತಿ ವ್ಯಕ್ತಿಗೆ ಎರಡು ಡೋಸ್ಗಳ ಅಗತ್ಯವಿದೆ ಮತ್ತು ಇಲ್ಲಿಯವರೆಗೆ ಭಾರತದಲ್ಲಿ ಯಾರಿಗೂ ನೀಡಲಾಗಿಲ್ಲ ಎಂದು ಅವರು ಹೇಳಿದರು.
ಈ ಲಸಿಕೆಯನ್ನು ಕ್ವೀನ್ಸ್ಲ್ಯಾಂಡ್ ಸಂಶೋಧಕರು ಮೂರು ಬ್ಯಾಚ್ಗಳಲ್ಲಿ ಅಭಿವೃದ್ಧಿಪಡಿಸಿದ್ದಾರೆ ಮತ್ತು ಮೈನಸ್ 80 ತಾಪಮಾನದಲ್ಲಿ ಸಂಗ್ರಹಿಸಿ ಇಡಲಾಗಿದೆ. ಹಾಗೆ ಐದು ವರ್ಷಗಳವರೆಗೆ ಸಂಗ್ರಹಿಸಿ ಇಡಬಹುದು.
