Thursday, March 23, 2023

Latest Posts

ಮೂರನೇ ತ್ರೈಮಾಸಿಕದಲ್ಲಿ ಭಾರತ GDP 4.4% ಬೆಳವಣಿಗೆ!

ಹೊಸ ದಿಗಂತ ಡಿಜಿಟಲ್ ಡೆಸ್ಕ್:

ಅಕ್ಟೋಬರ್-ಡಿಸೆಂಬರ್ ಮೂರನೇ ತ್ರೈಮಾಸಿಕದಲ್ಲಿ ಭಾರತದ ಒಟ್ಟು ದೇಶೀಯ ಉತ್ಪನ್ನ(GDP) 4.4% ಬೆಳವಣಿಗೆಯನ್ನು ದಾಖಲಿಸಿದೆ.

2022-23ರ ಮೂರನೇ ತ್ರೈಮಾಸಿಕದಲ್ಲಿ ಜಿಡಿಪಿಯು 40.19 ಲಕ್ಷ ಕೋಟಿ ರೂ. ಎಂದು ಅಂದಾಜಿಸಲಾಗಿದೆ. 2021-22 ರ ಮೂರನೇ ತ್ರೈಮಾಸಿಕದಲ್ಲಿ 38.51 ಲಕ್ಷ ಕೋಟಿ ರೂ.ಗೆ ಹೋಲಿಸಿದರೆ, ಶೇಕಡ 4.4 ರಷ್ಟು ಬೆಳವಣಿಗೆಯನ್ನು ತೋರಿಸುತ್ತದೆ ಎಂದು ಕೇಂದ್ರ ಅಂಕಿಅಂಶಗಳ ಸಚಿವಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ.

2022-23ರ ಹಣಕಾಸು ವರ್ಷದಲ್ಲಿ,ನೈಜ ಜಿಡಿಪಿಯು 2021-22ರಲ್ಲಿ 9.1 ಪ್ರತಿಶತಕ್ಕೆ ಹೋಲಿಸಿದರೆ 7 ಪ್ರತಿಶತದಷ್ಟು ಬೆಳೆಯುತ್ತದೆ. ವರ್ಷದ ನಾಮಮಾತ್ರ GDP 15.9 ಪ್ರತಿಶತದಷ್ಟು ಬೆಳೆಯುತ್ತದೆ ಎಂದು ಅಂದಾಜಿಸಲಾಗಿದೆ.

ಭಾರತದ ಜಿಡಿಪಿ ಬೆಳವಣಿಗೆ ದರವು ಅಕ್ಟೋಬರ್-ಡಿಸೆಂಬರ್(Q3FY23) ನಲ್ಲಿ ಸತತ ಎರಡನೇ ತ್ರೈಮಾಸಿಕದಲ್ಲಿ ಶೇ. 4.4 ಕ್ಕೆ ಇಳಿದಿದೆ. 2022-23 ರ ಎರಡನೇ ತ್ರೈಮಾಸಿಕದಲ್ಲಿ ಕಂಡುಬಂದ ಶೇ. 6.3 ಬೆಳವಣಿಗೆಗಿಂತ ಇತ್ತೀಚಿನ ತ್ರೈಮಾಸಿಕ ಬೆಳವಣಿಗೆಯ ಸಂಖ್ಯೆ ಶೇ. 4.4 ಕಡಿಮೆಯಾಗಿದೆ.

FY22 ರ ಅಂದಾಜುಗಳನ್ನು ಹಿಂದಿನ ಅಂದಾಜಿನ 8.7 ಪ್ರತಿಶತದ ವಿರುದ್ಧ ಶೇಕಡಾ 9 ಕ್ಕೆ ಪರಿಷ್ಕರಿಸಲಾಗಿದೆ. FY23 ರಲ್ಲಿ ಪ್ರಸ್ತುತ ಬೆಲೆಯಲ್ಲಿ ನಾಮಮಾತ್ರ GDP ಬೆಳವಣಿಗೆಯು FY22 ರಲ್ಲಿ 18.4 ಶೇಕಡಾಕ್ಕೆ ಹೋಲಿಸಿದರೆ 15.9 ಶೇಕಡಾ ಎಂದು ಅಂದಾಜಿಸಲಾಗಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!