ಹೊಸದಿಗಂತ ವರದಿ ಹುಬ್ಬಳ್ಳಿ:
ನಗರದ ಶ್ರೀ ಪತಂಜಲಿ ಯೋಗ ಶಿಕ್ಷಣ ಸಮಿತಿ ಹಾಗೂ ಯೋಗ ಸ್ಪರ್ಶ ಪ್ರತಿಷ್ಠಾನ ಅವರ ಸಹಯೋಗದಲ್ಲಿ ಇಲ್ಲಿಯ ಇಂದಿರಾ ಗಾಜಿನ ಮನೆಯಲ್ಲಿ ಜೂ. ೨೧ರಂದು ಅಂತರಾಷ್ಟ್ರೀಯ ಯೋಗದಿನಾಚರಣೆಯನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಕಾರ್ಯಕ್ರಮದ ಸಂಚಾಲಕ ಸುರೇಶ ಸಾವಳಗಿ ಹೇಳಿದರು.
ಅಂದು ಬೆಳಗ್ಗೆ ೬.೧೫ ರಿಂದ ೭ ಗಂಟೆಯವರೆಗೆ ಯೋಗಾಭ್ಯಾಸ, ೭ ರಿಂದ ೮ ಗಂಟೆಯವರೆ ಸಭಾ ಕಾರ್ಯಕ್ರಮ ನಡೆಯಲಿದೆ. ಯೋಗಾಭ್ಯಾಸದಲ್ಲಿ ೧೦೦೦ ಕ್ಕೂ ಹೆಚ್ಚು ಜನರು ಭಾಗವಹಿಸುತ್ತಿದ್ದಾರೆ ಎಂದು ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಸ್ಮಾರ್ಟ್ ಸಿಟಿ ವ್ಯವಸ್ಥಾಪಕ ನಿರ್ದೇಶಕ ಶಕೀಲ ಅಹ್ಮದ್, ಮುಖ್ಯ ವಕ್ತಾರರಾಗಿ ಎಸ್ ಪಿವೈಎಸ್ಎಸ್ ಪ್ರಾಂತ ಸಂಚಾಲಕ ಪ್ರಸನ್ನ ದೀಕ್ಷಿತ್, ಅಧ್ಯಕ್ಷತೆ ಪದ್ಮಜಾ ಗರಗಟ್ಟಿ ಭಾಗವಹಿಸುವರು. ಯೋಗಾಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಬೇಕು ಎಂದು ಮನವಿ ಮಾಡಿದರು.
ಪ್ರತಿಷ್ಠಾನದ ಕಾರ್ಯದರ್ಶಿ ನಾಗರಾಜ ನಾಗರಹಳ್ಳಿ, ಅಮರಾವತಿ ಗಾಣಿಗಿ, ದ್ರಾಕ್ಷಿಯಿಣಿ ತೋರಗಲ್ಮಠ, ಶಿವಶಂಕರ ಗಾಣಿಗೇರ ಇದ್ದರು.
