ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌ :
ಇಸ್ಲಾಮಿಕ್ ಸ್ಟೇಟ್ ಇನ್ ಖೊರಾಸನ್ ಪ್ರಾಂತ್ಯ (ಐಎಸ್‌ಕೆಪಿ) ತನ್ನ ಭಯೋತ್ಪಾದಕರು ದಕ್ಷಿಣ ಭಾರತದಲ್ಲಿದ್ದಾರೆ ಎಂದು ಒಪ್ಪಿಕೊಂಡಿದೆ. ಕಳೆದ ವರ್ಷದ ಕೊಯಮತ್ತೂರು ಮತ್ತು ಮಂಗಳೂರು ಸ್ಫೋಟಗಳಲ್ಲಿ ತನ್ನ ಭಯೋತ್ಪಾದಕರು ಭಾಗಿಯಾಗಿದ್ದಾರೆ ಎಂದು ಕೂಡ ಅದು ಹೇಳಿದೆ.
ನಾಲ್ಕು ತಿಂಗಳ ಹಿಂದೆ ಕೊಯಮತ್ತೂರಿನಲ್ಲಿ ಮತ್ತು ಮೂರು ತಿಂಗಳ ಹಿಂದೆ ಮಂಗಳೂರಿನಲ್ಲಿ ಸ್ಫೋಟ ಸಂಭವಿಸಿತ್ತು. ಖೊರಾಸನ್ ಪ್ರಾಂತ್ಯದ ಇಸ್ಲಾಮಿಕ್ ಸ್ಟೇಟ್ (ಐಎಸ್‌ಕೆಪಿ) ತನ್ನ ಮುಖವಾಣಿ “ವಾಯ್ಸ್ ಆಫ್ ಖುರಾಸನ್” ನಿಯತಕಾಲಿಕದ ಮೂಲಕ ತನ್ನ ಭಯೋತ್ಪಾದಕರು ದಕ್ಷಿಣ ಭಾರತದಲ್ಲಿದ್ದಾರೆ ಮತ್ತು ಅದರಲ್ಲಿ ಭಾಗಿಯಾಗಿದ್ದಾರೆ ಎಂದು ತಿಳಿಸಿದೆ.
ʼವಾಯ್ಸ್ ಆಫ್ ‘ಖುರಾಸಾನ್‌ʼ ಹೇಳ್ತಿರೋದೇನು ?
ಇದು ಮಧ್ಯ ಮತ್ತು ದಕ್ಷಿಣ ಏಷ್ಯಾದಲ್ಲಿ ISIS ಚಟುವಟಿಕೆಯನ್ನು ಉತ್ತೇಜಿಸುವ ಪ್ರಕಟಣೆ ಅಥವಾ ಮುಖವಾಣಿಯಾಗಿದೆ. ಇದು ಗುಂಪಿನ ಪರವಾಗಿ ದಾಳಿಗಳನ್ನು ಮಾಡಲು ಪ್ರಪಂಚದಾದ್ಯಂತದ ಬೆಂಬಲಿಗರನ್ನು ಪ್ರಚೋದಿಸುತ್ತದೆ. ಈ ಪ್ರಕಟಣೆಯು ಕಿರಿಯ ಉಗ್ರಗಾಮಿಗಳಿಗೆ ಐಸಿಸ್ ಮತ್ತು ಅಲ್-ಖೈದಾ ಎರಡರ ಭಯೋತ್ಪಾದಕ ಕಾರ್ಯಾಚರಣೆಗಳಿಗೆ ಸೇರಲು ಮನವಿ ಮಾಡುತ್ತದೆ.
ISKP ಯ ಅಲ್-ಅಜೈಮ್ ಮೀಡಿಯಾ ಫೌಂಡೇಶನ್ 68 ಪುಟಗಳ ದೀರ್ಘ ಸಂಚಿಕೆ-ಸಂಖ್ಯೆ 23 ಅನ್ನು ಇಂಗ್ಲಿಷ್‌ನಲ್ಲಿ ವಾಯ್ಸ್ ಆಫ್ ಖುರಾಸನ್ ಪ್ರಚಾರ ನಿಯತಕಾಲಿಕವನ್ನು ಬಿಡುಗಡೆ ಮಾಡಿದೆ.
ಆದಾಗ್ಯೂ ಮ್ಯಾಗಜೀನ್‌ನ ಲೇಖನವು ದಕ್ಷಿಣದ ಯಾವ ರಾಜ್ಯದಲ್ಲಿ ಅದರ ‘ಮುಜಾಹಿದ್ದೀನ್‌ಗಳು’ ಸಕ್ರಿಯವಾಗಿವೆ ಎಂಬುದನ್ನು ನಿರ್ದಿಷ್ಟಪಡಿಸದಿದ್ದರೂ, ತಜ್ಞರು ಪ್ರಕಾರ ಕೇರಳದಲ್ಲಿ ಹೆಚ್ಚಾಗಿದ್ದಾರೆ ಮತ್ತು ತಮಿಳುನಾಡು ಹಾಗೂ ಕರ್ನಾಟಕದ ಕೆಲವು ಭಾಗಗಳಿಗೂ ಹರಡಬಹುದು ಎಂದು ಹೇಳುತ್ತಾರೆ.
ಕಳೆದ ವರ್ಷ ಅಕ್ಟೋಬರ್ 23 ರಂದು ಕೊಯಮತ್ತೂರಿನಲ್ಲಿ ನಡೆದ ಕಾರ್ ಸ್ಫೋಟ ಮತ್ತು ನವೆಂಬರ್ 19 ರಂದು ಮಂಗಳೂರಿನಲ್ಲಿ ಆಟೋರಿಕ್ಷಾದಲ್ಲಿ ಪ್ರೆಶರ್ ಕುಕ್ಕರ್ ಸ್ಫೋಟವನ್ನು ಐಎಸ್ ಅಂಗಸಂಸ್ಥೆ ಉಗ್ರರು ನಡೆಸಿದ್ದರು ಎಂದು ಐಎಸ್‌ಕೆಪಿ ಹೇಳಿದೆ.
