ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮಹಿಳಾ ಕ್ರಿಕೆಟಿಗರ ವೈಯಕ್ತಿಕ ಜೀವನದ ಬಗ್ಗೆ ಭಾರತದ ಮಹಿಳಾ ಕ್ರಿಕೆಟರ್ ಜೆಮಿಮಾ ರಾಡ್ರಿಗಸ್ ಮಾತನಾಡಿದ್ದಾರೆ. ಪಿರಿಯಡ್ಸ್ ಸಮಯದಲ್ಲಿ ಫೀಲ್ಡ್‌ಗೆ ಇಳಿಯುವ ಮಹಿಳಾ ಆಟಗಾರರ ಮನಸ್ಥಿತಿ ಹೇಗಿರುತ್ತದೆ ಎನ್ನುವುದನ್ನು ಜೆಮಿಮಾ ಹೇಳಿದ್ದಾರೆ.
ಎಷ್ಟೋ ಆಟಗಾರರು ಪಿರಿಯಡ್ಸ್ ಸಮಯದಲ್ಲಿ ಕಷ್ಟ ಅನುಭವಿಸುತ್ತಾರೆ. ಹೊಟ್ಟೆ ನೋವಿನ ಜೊತೆಗೆ ಯುನಿಫಾರ್ಮ್ ಮೇಲೆ ಕಲೆಯಾಗಿ ಕಾಣಿಸಿಬಿಟ್ಟರೆ ಎನ್ನುವ ಭಯ ಕೂಡ ಅವರಿಗೆ ಇರುತ್ತದೆ. ಕೆಲವರಿಗೆ ನಡೆಯುವುದು ಕಷ್ಟವಾಗಿರುತ್ತದೆ. ಅಂಥ ಸನ್ನಿವೇಶದಲ್ಲೂ ನೋವುನಿವಾರಕ ತೆಗೆದುಕೊಂಡು ಫೀಲ್ಡಿಂಗ್ ಮಾಡುತ್ತಾರೆ. ಬಟ್ಟೆಗೆ ಕಲೆಯಾಗಬಾರದು ಎಂದು ಮನಸ್ಸಿನಲ್ಲಿ ಭಯ ಪಡುತ್ತಾರೆ. ಪದೆ ಪದೆ ವಾಶ್‌ರೂಂಗೆ ಹೋಗುತ್ತಾರೆ. ಈ ಸಮಸ್ಯೆಗಳು ಯಾರಿಗೂ ಅರ್ಥಆಗೋದಿಲ್ಲ ಎಂದು ಹೇಳಿದ್ದಾರೆ.
