ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಅಜರಬೈಜಾನ್‌ನ ಬಾಕುನಲ್ಲಿ ಐಎಸ್‌ಎಸ್‌ಎಫ್ ಶೂಟಿಂಗ್ ವಿಶ್ವಕಪ್ ನಡೆಯುತ್ತಿದ್ದು, ಭಾರತಕ್ಕೆ ಮೊದಲ ಚಿನ್ನದ ಪದಕ ದೊರಕಿದೆ. 10 ಮೀಟರ್ ಏರ್ ಪಿಸ್ತೂಲ್ ಮಿಶ್ರ ತಂಡ ವಿಭಾಗದ ಫೈನಲ್ಸ್‌ನಲ್ಲಿ ಕನ್ನಡತಿ ದಿವ್ಯಾ ಹಾಗೂ ಸರಬ್‌ಜೋತ್ ಸಿಂಗ್ ಜೋಡಿ ಮೊದಲ ಸ್ಥಾನ ಪಡೆದಿದೆ.
ಸರ್ಬಿಯಾದ ದಮಿರ್ ಹಾಗೂ ಜೊರಾನಾ ವಿರುದ್ಧದ ಫೈನಲ್ ಪಂದ್ಯದಲ್ಲಿ 16-14 ಅಂತರದ ರೋಚಕ ಗೆಲುವು ಸಾಧಿಸಿದ್ದಾರೆ. ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ತಾಲೂಕಿನ ತಾಡಿಗೋಳ್ ನಿವಾಸಿ ದಿವ್ಯಾ ಚಿನ್ನಕ್ಕೆ ಮುಟ್ಟಿದ್ದು, ದೇಶವೇ ಹೆಮ್ಮೆಪಡುತ್ತಿದೆ.
