ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌ :
ಜಮ್ಮು ಮತ್ತು ಕಾಶ್ಮೀರದ ರಾಂಬನ್ ಜಿಲ್ಲೆಯ ಗುಡ್ಡಗಾಡು ಗ್ರಾಮದಲ್ಲಿ ಭೂಕುಸಿತ ಸಂಭವಿಸಿದ್ದು, ಕನಿಷ್ಠ ಐದು ಮನೆಗಳಿಗೆ ಹಾನಿಯಾಗಿದೆ ಎಂದು ಅಧಿಕಾರಿಗಳು ಭಾನುವಾರ ತಿಳಿಸಿದ್ದಾರೆ.
ರಾಂಬನ್ ಜಿಲ್ಲಾ ಕೇಂದ್ರದಿಂದ 45 ಕಿಮೀ ದೂರದಲ್ಲಿರುವ ಗೂಲ್ ಉಪವಿಭಾಗದ ಸಂಗಲ್ದನ್ನ ದುಕ್ಸರ್ ದಲ್ ಗ್ರಾಮದಲ್ಲಿ ಘಟನೆ ನಡೆದಿದೆ. ಸಂತ್ರಸ್ತ ಕುಟುಂಬಗಳನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ .
ಹದಿನೈದು ದಿನಗಳ ಹಿಂದೆ ದೋಡಾ ಜಿಲ್ಲೆಯ ನಾಯ್ ಬಸ್ತಿ ಗ್ರಾಮದಲ್ಲಿ ಭೂಕುಸಿತದಿಂದಾಗಿ 19 ಮನೆಗಳು, ಮಸೀದಿ ಮತ್ತು ಬಾಲಕಿಯರ ಧಾರ್ಮಿಕ ಶಾಲೆ ಬಿರುಕು ಬಿಟ್ಟಿತ್ತು.
ಸಂತ್ರಸ್ತ ಕುಟುಂಬಗಳನ್ನು ಸ್ಥಳಾಂತರಿಸಲಾಗಿದೆ ಮತ್ತು ತಕ್ಷಣದ ಪರಿಹಾರವಾಗಿ ಟೆಂಟ್ಗಳು, ಪಡಿತರ, ಪಾತ್ರೆಗಳು ಮತ್ತು ಹೊದಿಕೆಗಳನ್ನು ಒದಗಿಸಲಾಗಿದೆಎಂದು ಗೂಲ್ ಉಪವಿಭಾಗೀಯ ಮ್ಯಾಜಿಸ್ಟ್ರೇಟ್ ತನ್ವೀರ್-ಉಲ್-ಮಜೀದ್ ವಾನಿ ಅವರು ತಿಳಿಸಿದ್ದಾರೆ.
