ಒಂಟಿತನ ಅನ್ನೋದು ಮಾನಸಿಕ ಮತ್ತು ಭಾವನಾತ್ಮಕ ಹಿಂಜರಿಕೆಯ ಕಾರಣ. ಆದರೆ, ಸರಿಯಾದ ಕ್ರಮಗಳನ್ನು ತೆಗೆದುಕೊಂಡರೆ ಅದನ್ನು ಕಡಿಮೆ ಮಾಡಿ ಸಂತೋಷದ ಜೀವನ ನಡೆಸಬಹುದು.
ಹೊಸ ಸ್ನೇಹಿತರನ್ನು ಮಾಡಿಕೊಳ್ಳಿ
ಜನರೊಂದಿಗೆ ಮಾತುಕತೆ ನಡೆಸಿ, ಹೊಸ ಸ್ನೇಹಿತರನ್ನು ಮಾಡಿಕೊಳ್ಳಲು ಪ್ರಯತ್ನಿಸಿ. ಸಮಾನ ಮನಸ್ಕರ ಜೊತೆಗೆ ಸಮಯ ಕಳೆಯುವುದರಿಂದ ಒಂಟಿತನ ಕಡಿಮೆಯಾಗುತ್ತದೆ.
ಹವ್ಯಾಸಗಳನ್ನು ಬೆಳೆಸಿಕೊಳ್ಳಿ
ನೃತ್ಯ, ಸಂಗೀತ, ಓದು, ಟ್ರಾವೆಲಿಂಗ್, ಬರವಣಿಗೆ ಮುಂತಾದ ಹವ್ಯಾಸಗಳಲ್ಲಿ ತೊಡಗಿಸಿಕೊಂಡರೆ ಒಂಟಿತನಕ್ಕೆ ಸಮಯವೇ ಸಿಗುವುದಿಲ್ಲ.
ಕುಟುಂಬ ಮತ್ತು ಹಳೆಯ ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿರಿ
ಒಂಟಿತನ ಭಾಸವಾದಾಗ, ಕುಟುಂಬದವರು ಅಥವಾ ಹಳೆಯ ಸ್ನೇಹಿತರಿಗೆ ಕರೆ ಮಾಡಿ. ಅವರೊಂದಿಗೆ ಮಾತನಾಡುವುದು, ನಿಮ್ಮ ಭಾವನೆಗಳನ್ನು ಹಂಚಿಕೊಳ್ಳುವುದು, ಮನಸ್ಸಿಗೆ ಹಿತಕರ.
ಸ್ವಯಂ-ಅಭಿವೃದ್ಧಿಗೆ ಗಮನ ಕೊಡಿ
ವ್ಯಾಯಾಮ, ಯೋಗ, ಧ್ಯಾನ ಮತ್ತು ಪ್ರೇರಣಾ ಪುಸ್ತಕಗಳನ್ನು ಓದುವ ಮೂಲಕ ನಿಮ್ಮ ವ್ಯಕ್ತಿತ್ವವನ್ನು ಬೆಳಸಿಕೊಳ್ಳಿ. ಇದು ಆತ್ಮವಿಶ್ವಾಸ ಹೆಚ್ಚಿಸುತ್ತದೆ.
ಸಮಾಜಸೇವೆಯಲ್ಲಿ ತೊಡಗಿಕೊಳ್ಳಿ
ಅನಾಥಾಶ್ರಮ, ವೃದ್ಧಾಶ್ರಮ, ಬಡವರಿಗೆ ಸಹಾಯ ಮಾಡುವುದು, ಹಾಗೂ ಪ್ರಾಣಿಗಳಿಗೆ ಆಹಾರ ನೀಡುವುದರ ಮೂಲಕ ಸಂತೋಷವನ್ನು ಅನುಭವಿಸಬಹುದು. ಇದು ಜೀವನಕ್ಕೆ ಹೊಸ ಅರ್ಥ ನೀಡುತ್ತದೆ.
ಒಂಟಿತನವನ್ನು ನಿರ್ವಹಿಸಲು ಇವು ಸಹಾಯಕವಾಗಬಹುದು. ನೀವು ಈ ಮಾರ್ಗಗಳನ್ನು ಅನುಸರಿಸಿದರೆ ಜೀವನ ಹೆಚ್ಚು ಸಂತೋಷಕರವಾಗುತ್ತದೆ!
