ಒಂದು ಕ್ಷಣ ನಿಲ್ಲಿ… ನಿಜವಾಗಿ ಹೇಳಿ… ನೀವು ದಣಿದಿದ್ದೀರಾ? ದೇಹದಿಂದ ಅಲ್ಲ… ಮನಸ್ಸಿನಿಂದ.
ಎಲ್ಲವನ್ನೂ ಸರಿಯಾಗಿ ಮಾಡ್ತಾ ಇದ್ದರೂ ಏನೋ ಒಳಗೆ ಖಾಲಿ ಖಾಲಿ ಅನಿಸೋ ಕ್ಷಣಗಳು ಇರುತ್ತವೆ. ಕೆಲಸ, ಮನೆ, ಜವಾಬ್ದಾರಿ, ಸಾಮಾಜಿಕ ಜಾಲತಾಣ… ಎಲ್ಲದರ ಮಧ್ಯೆ ‘ನಾನು’ ಎಲ್ಲೋ ಕಳೆದುಹೋಗಿದ್ದೇನೆ ಅನ್ನಿಸಬಹುದು.
ಮೊದಲು ಒಂದು ವಿಷಯ ನೆನಪಿಡಿ ನೀವು ದುರ್ಬಲರಲ್ಲ. ನೀವು ಮನುಷ್ಯರು.
ಒಮ್ಮೆ ಫೋನ್ ಅನ್ನು ಸೈಲೆಂಟ್ ಮಾಡಿ. ಹತ್ತು ನಿಮಿಷವಾದರೂ ನಿಮ್ಮ ಜೊತೆ ಕಳೆಯಿರಿ. ಬಾಲ್ಕನಿಯಲ್ಲಿ ಕುಳಿತು ಚಹಾ ಕುಡಿಯಿರಿ. ಆಕಾಶ ನೋಡಿ. ನಿಮ್ಮ ದೇಹಕ್ಕೆ ಗಾಳಿ ತಾಕಲು ಬಿಡಿ. ಆ ಸಣ್ಣ ಶಾಂತಿಯಲ್ಲಿ ದೊಡ್ಡ ಉತ್ತರಗಳು ಸಿಗುತ್ತವೆ.
ಇದನ್ನೂ ಓದಿ:
ಎಲ್ಲರಿಗೂ ಇಷ್ಟವಾಗಬೇಕೆಂಬ ಒತ್ತಡ ಬಿಡಿ. ನೀವು ಎಲ್ಲವನ್ನೂ ಪರ್ಫೆಕ್ಟ್ ಆಗಿ ಮಾಡಬೇಕೆಂಬ ನಿಯಮ ಯಾರೂ ಬರೆದಿಲ್ಲ. ತಪ್ಪು ಮಾಡಿದರೂ ಪರವಾಗಿಲ್ಲ. ಅಳಬೇಕಾದರೆ ಅಳಿ. ಆದರೆ ನಿಮ್ಮನ್ನೇ ನೀವು ದೂಷಿಸಿಕೊಳ್ಳಬೇಡಿ. ಹಳೆಯ ನೆನಪುಗಳನ್ನು ತೆರೆದು ನೋಡಿ. ನೀವು ಎಷ್ಟು ಕಷ್ಟಗಳನ್ನು ದಾಟಿ ಇಲ್ಲಿವರೆಗೂ ಬಂದಿದ್ದೀರಿ ಗೊತ್ತಾ? ಅದೇ ನಿಮ್ಮ ಶಕ್ತಿ.
ಸ್ವಲ್ಪ ವಿಶ್ರಾಂತಿ ತೆಗೆದುಕೊಳ್ಳಿ. ಒಳ್ಳೆಯ ಹಾಡು ಕೇಳಿ. ಹತ್ತಿರದ ಸ್ನೇಹಿತನಿಗೆ ಕರೆ ಮಾಡಿ. ಮನಸ್ಸು ಹಗುರವಾಗಲಿ.
ಜೀವನ ಓಟವಲ್ಲ… ಪ್ರಯಾಣ. ಕೆಲವೊಮ್ಮೆ ನಿಲ್ಲೋದು ಕೂಡ ಮುಂದೆ ಸಾಗೋ ಭಾಗವೇ. ಮತ್ತೆ ಶುರುಮಾಡಿ. ನಿಧಾನವಾಗಿ. ನಿಮ್ಮ ಗತಿಯಲ್ಲೇ. ಯಾಕಂದ್ರೆ ನೀವು ಸೋತಿಲ್ಲ… ನೀವು ಸ್ವಲ್ಪ ದಣಿದಿದ್ದೀರಿ ಅಷ್ಟೇ.
