ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಗೂಡ್ಸ್ ರೈಲು ಲೋಕೋ ಪೈಲಟ್ ಇಲ್ಲದೆ 70 ಕಿ.ಮೀ. ದೂರು ಪ್ರಯಾಣಿಸಿದ ಘಟನೆ ಪಂಜಾಬ್ ನಲ್ಲಿ ನಡೆದಿದೆ. ಈ ಆಘಾತಕಾರಿ ಘಟನೆಯಲ್ಲಿ ಯಾವುದೇ ಅವಘಡ ಸಂಭವಿಸಿಲ್ಲದ ಕಾರಣ ರೈಲ್ವೆ ಆಡಳಿತವು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದೆ.
ಪಠಾಣ್ ಕೋಟ್ ರೈಲು ನಿಲ್ದಾಣದಲ್ಲಿ ಇಳಿಯುವ ಮುನ್ನ ಚಾಲಕ ಹ್ಯಾಂಡ್‌ಬ್ರೇಕ್ ಹಾಕಲು ಮರೆತಿದ್ದಾನೆ ಎಂದು ಮೂಲಗಳು ತಿಳಿಸಿವೆ. ಇದರಿಂದ ರೈಲು ನಿಧಾನವಾಗಿ ಚಲಿಸತೊಡಗಿದೆ.
ಚಾಲಕರಿಲ್ಲದೆ ಹಳಿಗಳ ಮೇಲೆ ಚಲಿಸಲು ಆರಂಭಿಸಿದ ರೈಲು ಐದು ನಿಲ್ದಾಣಗಳನ್ನು ದಾಟಿದೆ. ಬಳಿಕ ಉಚ್ಚಿ ಬಸ್ಸಿಯಲ್ಲಿ ರೈಲನ್ನು ನಿಲ್ಲಿಸಲಾಗಿದೆ. ಮರದ ತುಂಡನ್ನು ಇಟ್ಟು ರೈಲನ್ನು ನಿಲ್ಲಿಸಲಾಗಿದೆ ಎಂದು ಹೇಳಲಾಗಿದೆ.
ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಲೋಕೋ ಪೈಲಟ್ ಇಲ್ಲದೆ ರೈಲು ಚಾಲನೆ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
A goods train laden with a crusher, coming from Pathankot to Jalandhar, started running without a driver at a speed of 70-80 km/h. The driver stepped out to check the lane & forgot to apply the handbrake, causing the train to move and gain speed on its own. Railway staff at… pic.twitter.com/0u4S0PZ0m7
— Gagandeep Singh (@Gagan4344) February 25, 2024
