ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಮಲಯಾಳಂ ಸೂಪರ್ ಸ್ಟಾರ್ ಮೋಹನ್ಲಾಲ್ ಅವರ ತಾಯಿ ಶಾಂತಕುಮಾರಿ ಅವರು ಮಂಗಳವಾರ ಕೊಚ್ಚಿಯ ಎಲಮಕ್ಕರದಲ್ಲಿರುವ ಕುಟುಂಬದ ನಿವಾಸದಲ್ಲಿ ನಿಧನರಾದರು.ಅವರಿಗೆ 90 ವರ್ಷ ವಯಸ್ಸಾಗಿತ್ತು.
ಮೂಲತಃ ಪತ್ತನಂತಿಟ್ಟದ ಎಳಂತೂರಿನವರಾದ ಅವರು ತಮ್ಮ ಪತಿ ವಿಶ್ವನಾಥನ್ ನಾಯರ್ ಅವರ ನೌಕರಿಯಿಂದಾಗಿ ಹಲವು ವರ್ಷಗಳ ಹಿಂದೆ ತಿರುವನಂತಪುರಕ್ಕೆ ತೆರಳಿದ್ದರು. ಅವರು ಸಾಯುವ ಮೊದಲು ಕೇರಳ ಸರ್ಕಾರದ ಕಾನೂನು ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದ್ದರು.
ಶಾಂತಕುಮಾರಿ ಅವರು ತನ್ನ ಜೀವಿತದ ಬಹುಕಾಲವನ್ನು ತಿರುವನಂತಪುರಂನಲ್ಲಿರುವ ಕುಟುಂಬದ ಮನೆಯಲ್ಲಿ ಕಳೆದಿದ್ದಾರೆ. ಅವರು ಪಾರ್ಶ್ವವಾಯುವಿಗೆ ತುತ್ತಾದ ನಂತರ ಅವರನ್ನು ಕೊಚ್ಚಿಗೆ ಮೋಹನ್ ಲಾಲ್ ಕರೆತಂದಿದ್ದರು. ಹೀಗಾಗಿ ಅವರು ಕೊನೆಯವರೆಗೂ ಮೋಹನ್ ಲಾಲ್ ಜೊತೆಯಲ್ಲಿದ್ದರು.
ಶಾಂತಕುಮಾರಿ ಅವರು ಆಗಸ್ಟ್ 10, 2025 ರಂದು ಕೊಚ್ಚಿಯಲ್ಲಿ ತಮ್ಮ 90 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದರು. ಮೋಹನ್ ಲಾಲ್ ಅವರು ಆಗಾಗ್ಗೆ ತಮ್ಮ ತಾಯಿ ಜೊತೆಗಿನ ಸಂಬಂಧವನ್ನು ಹೇಳಿಕೊಳ್ಳುತ್ತಿದ್ದರು.
ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿ ಪಡೆದು ಕೊಚ್ಚಿಗೆ ಹಿಂದಿರುಗಿದಾಗ ನಂತರ ಮೊದಲು ಭೇಟಿಯಾದದ್ದು ತಾಯಿಯನ್ನು ಎಂದು ಹೇಳುತ್ತಿದ್ದ ಮೋಹನ್ ಲಾಲ್, ಈ ವರ್ಷದ ಆರಂಭದಲ್ಲಿ, ಇಬ್ಬರೂ ಒಟ್ಟಿಗೆ ಇರುವ ಫೋಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವ ಮೂಲಕ ತಾಯಂದಿರ ದಿನಕ್ಕೆ ಶುಭಾಶಯ ಕೋರಿದ್ದರು.
