ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಈ ಹಿಂದೆ ಗೋರಖ್ಪುರ ಪ್ರಾಣಿಸಂಗ್ರಾಹಲಯಕ್ಕೆ ಭೇಟಿ ಕೊಟ್ಟಿದ್ದಾಗ ಮುದ್ದಾದ ಎರಡು ಚಿರತೆ ಮರಿಗಳನ್ನು ತೋಳಲ್ಲಿ ಎತ್ತಿಕೊಂಡು, ಬಾಟಲಿ ಹಾಲು ಕುಡಿಸಿದ್ದರು.
ಅಲ್ಲಿಗೆ ಭೇಟಿಕೊಟ್ಟಾಗಲೆಲ್ಲ ಗೋಶಾಲೆಗೂ ಹೋಗಿ ಬರುತ್ತಾರೆ. ಅಲ್ಲಿರುವ ಗೋವುಗಳಿಗೆ ಮೇವು-ಬೆಲ್ಲ ತಿನ್ನಿಸಿ, ಮೈದವಡಿ ಮುದ್ದಾಡಿ ಬರುತ್ತಾರೆ.
ಇದೀಗ ಯೋಗಿ ಅವರು ಬೆಕ್ಕಿನೊಂದಿಗೆ ಇರುವ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಗೋರಖ್ಪುರ ದೇವಸ್ಥಾನದಲ್ಲಿರುವ ತಮ್ಮ ಕಚೇರಿಯಲ್ಲಿ ಕುಳಿತ ಯೋಗಿ ಆದಿತ್ಯನಾಥ್ ಮಡಿಲಲ್ಲಿ ಬೆಕ್ಕೊಂದು ಬೆಚ್ಚಗೆ ಮಲಗಿರುವ ಫೋಟೋ. ಇಲ್ಲಿ ಯೋಗಿ ಆದಿತ್ಯನಾಥ್ ಅವರ ಮಡಿಲೇ ತನ್ನ ಸುಪ್ಪತ್ತಿಗೆ ಎಂಬಂತೆ ಬೆಕ್ಕೊಂದು ಮಲಗಿದೆ. ಬೆಕ್ಕನ್ನು ಅವರು ತಂದು ಮಲಗಿಸಿಕೊಂಡಿದ್ದಲ್ಲ, ಯೋಗಿ ಆದಿತ್ಯನಾಥ್ ಸೀಟ್ ಮೇಲೆ ಕುಳಿತುಕೊಳ್ಳುತ್ತಿದ್ದಂತೆ, ಅದಾಗೇ ಬಂದು ಮಲಗಿದೆ ಎನ್ನಲಾಗಿದೆ.
ಈ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿರುವ ಅವರು, ‘ತಮ್ಮ ಮಿತ್ರರು ಯಾರು, ಶತ್ರುಗಳು ಯಾರು ಎಂಬುದನ್ನು ಪ್ರಾಣಿ-ಪಕ್ಷಿಗಳೂ ಗುರುತಿಸಿಕೊಳ್ಳುತ್ತವೆ’ ಎಂದು ಬರೆದಿದ್ದಾರೆ.