ವಿಮಾನ ಹತ್ತಬೇಕು ಎಂದು ಫುಲ್ ಖುಷಿಯಿಂದ ಏರ್ಪೋರ್ಟ್ಗೆ ಹೋಗ್ತೀವಿ. ಎಲ್ಲವೂ ಸ್ಮೂತ್ ಆಗಿ ನಡೀತಿರುತ್ತೆ. ಬೋರ್ಡಿಂಗ್ ಪಾಸ್ ತಗೊಂಡು, ಲಗೇಜ್ ಕೊಟ್ಟು, ಇನ್ನೇನು ಸೆಕ್ಯೂರಿಟಿ ಚೆಕಿಂಗ್ ದಾಟಿದ್ರೆ ಮುಗಿಯಿತು, ಆರಾಮಾಗಿ ಫ್ಲೈಟ್ ಹತ್ತಬಹುದು ಅಂದ್ಕೊಳ್ತೀವಿ. ಆದರೆ, ಆ ಮೆಟಲ್ ಡಿಟೆಕ್ಟರ್ ಗೇಟ್ ದಾಟುತ್ತಿದ್ದಂತೆ ‘ಬೀಪ್… ಬೀಪ್… ಬೀಪ್!’ ಎಂದು ದೊಡ್ಡದಾಗಿ ಸೌಂಡ್ ಬರೋಕೆ ಶುರುವಾಗುತ್ತೆ.
ಅಲ್ಲಿ ನಿಂತಿರೋ ಸೆಕ್ಯೂರಿಟಿ ಆಫೀಸರ್ ನಿಮ್ಮನ್ನ ಪಕ್ಕಕ್ಕೆ ಕರೆದು, “ಸರ್, ಮೇಡಂ… ಜೇಬಿನಲ್ಲಿ ಏನಿದೆ? ಎಲ್ಲಾ ಆಚೆ ತೆಗೆಯಿರಿ, ಇನ್ನೊಮ್ಮೆ ಚೆಕ್ ಮಾಡಬೇಕು” ಅಂತಾರೆ. ಸುತ್ತಮುತ್ತ ಇರೋ ಜನರೆಲ್ಲಾ ನಮ್ಮನ್ನೇ ಏನೋ ಕ್ರಿಮಿನಲ್ ತರ ನೋಡೋಕೆ ಶುರು ಮಾಡ್ತಾರೆ. “ಅಯ್ಯೋ ದೇವರೇ! ನನ್ನ ಬ್ಯಾಗಲ್ಲಿ, ಜೇಬಿನಲ್ಲಿ ಏನೂ ಇಲ್ವಲ್ಲಾ, ಯಾಕೆ ಹೀಗೆ ಮಾಡ್ತಿದ್ದಾರೆ?” ಅಂತ ಟೆನ್ಶನ್ ಶುರುವಾಗುತ್ತೆ.ಆದರೆ, ಅವರು ನಿಮ್ಮನ್ನ ಡೀಟೇಲ್ ಆಗಿ ಚೆಕ್ ಮಾಡಿ, ಕೊನೆಗೆ ನಿಮ್ಮ ಜೇಬಿನಿಂದ ಆಚೆ ತೆಗೆಯೋದು ಏನು ಗೊತ್ತಾ?
ಆ ಸಣ್ಣ ಐಟಂ ಯಾವುದು?
ಪ್ಯಾಂಟ್ ಜೇಬಲ್ಲಿ ಒಂದೆರಡು ರೂಪಾಯಿ ನಾಣ್ಯ ಮರೆತು ಇಟ್ಟಿದ್ರೆ, ಆ ಹೈ-ಟೆಕ್ ಸ್ಕಾನರ್ಗಳಿಗೆ ಅದು ದೊಡ್ಡ ಮೆಟಲ್ ಥರ ಕಾಣಿಸುತ್ತೆ.
ನಾವೇನೋ ಚಾಕೊಲೇಟ್ ತಿಂದು ಆ ಕವರ್ ಅನ್ನ ಜೇಬಲ್ಲಿ ಇಟ್ಟಿರ್ತೀವಿ. ಅದರ ಮೇಲಿರೋ ಆಲ್ಯೂಮಿನಿಯಂ ಫಾಯಿಲ್ ಕೋಟಿಂಗ್ ಸೆಕ್ಯೂರಿಟಿ ಮೆಷಿನ್ನಲ್ಲಿ ‘ಅಲರ್ಟ್’ ಮೆಸೇಜ್ ಕೊಟ್ಟಿಬಿಡುತ್ತೆ.
ಬೈಕ್ ಅಥವಾ ಮನೆ ಕೀಲಿ ಕೈ. ಸೊಂಟದ ಬೆಲ್ಟ್ನ ಮೆಟಲ್ ಬಕಲ್ ಅಥವಾ ಇಯರ್ಫೋನ್ಸ್ ಕೂಡ ಈ ಬೀಪ್ ಸೌಂಡ್ಗೆ ಕಾರಣ.
ಸೆಕ್ಯೂರಿಟಿ ಯಾಕೆ ಅಷ್ಟೊಂದು ಸೀರಿಯಸ್ ಆಗ್ತಾರೆ?
ಏರ್ಪೋರ್ಟ್ನಲ್ಲಿ ಪ್ರತಿಯೊಬ್ಬರ ಸುರಕ್ಷತೆ ಬಹಳ ಮುಖ್ಯ. ಸ್ಕ್ಯಾನರ್ನಲ್ಲಿ ಏನಾದರೂ ಅನುಮಾನಾಸ್ಪದವಾಗಿ ಕಂಡರೆ ಸೆಕ್ಯೂರಿಟಿ ಸಿಬ್ಬಂದಿ ಅದನ್ನು ಹಗುರವಾಗಿ ತಗೆದುಕೊಳ್ಳುವುದಿಲ್ಲ.
ಆಟೋಮ್ಯಾಟಿಕ್ ಸ್ಕಾನರ್ಗೆ ಅದು ನಾಣ್ಯನಾ ಅಥವಾ ಬೇರೆ ಏನಾದರೂ ಅಪಾಯಕಾರಿ ವಸ್ತುವಾ ಅಂತ ಲೈವ್ ಆಗಿ ಗೊತ್ತಾಗಲ್ಲ. ಮೆಟಲ್ ಕಾಣಿಸಿದ ತಕ್ಷಣ ಅದು ಸೌಂಡ್ ಮಾಡುತ್ತೆ. ಅದಕ್ಕೇ ಆಫೀಸರ್ಸ್ ನಿಮ್ಮನ್ನು ಇನ್ನೊಮ್ಮೆ ಮ್ಯಾನುಯಲ್ ಆಗಿ ಫುಲ್ ಚೆಕ್ ಮಾಡಲೇಬೇಕಾಗುತ್ತೆ.
ಇದರಿಂದ ನಿಮ್ಮ ಸಮಯ ದಂಡ, ಜೊತೆಗೆ ಕ್ಯೂನಲ್ಲಿ ನಿಂತಿರೋ ಬೇರೆಯವರಿಗೂ ತಡವಾಗುತ್ತೆ. ಕೆಲವೊಮ್ಮೆ ಕ್ಯೂ ದೊಡ್ಡದಿದ್ದು, ಈ ಹೆಚ್ಚುವರಿ ಚೆಕಿಂಗ್ನಿಂದಾಗಿ ಟೆನ್ಷನ್ ಹೆಚ್ಚಾಗಿ ಫ್ಲೈಟ್ ಮಿಸ್ಸಾಗುವ ಚಾನ್ಸ್ ಕೂಡ ಇರುತ್ತೆ.
ಏರ್ಪೋರ್ಟ್ಗೆ ಹೋಗೋ ಮುಂಚೆ ಏನು ಮಾಡ್ಬೇಕು?
ಬೋರ್ಡಿಂಗ್ ಗೇಟ್ ತಲುಪುವ ಮುನ್ನವೇ ಜೇಬು ಖಾಲಿ ಮಾಡಿ. ಜೇಬಿನಲ್ಲಿರೋ ಕಾಯಿನ್, ಟಿಶ್ಯೂ, ಕೀ, ಚಾಕೊಲೇಟ್ ರ್ಯಾಪರ್ ಎಲ್ಲವನ್ನೂ ತೆಗೆದು ನಿಮ್ಮ ಹ್ಯಾಂಡ್ ಬ್ಯಾಗ್ ಅಥವಾ ಟ್ರೇನಲ್ಲಿ ಇಟ್ಟುಬಿಡಿ.
ಕೈಯಲ್ಲಿರೋ ಮೆಟಲ್ ವಾಚ್, ಉಂಗುರ, ಚೈನ್ಗಳನ್ನು ಮುಂಚಿತವಾಗಿಯೇ ತೆಗೆದು ಟ್ರೇನಲ್ಲಿ ಇಡಿ. ಪ್ಯಾಂಟ್ ಅಥವಾ ಜಾಕೆಟ್ ಜೇಬಿನಲ್ಲಿ ಬೆರಳಾಡಿಸಿ ಏನೂ ಇಲ್ಲವೆಂದು ಖಚಿತಪಡಿಸಿಕೊಳ್ಳಿ.
ಆದಷ್ಟು ಸಿಂಪಲ್ ಆಗಿರೋ ಬಟ್ಟೆ, ಟ್ರ್ಯಾಕ್ ಪ್ಯಾಂಟ್ ಧರಿಸಿದರೆ ಸೆಕ್ಯೂರಿಟಿ ಚೆಕಿಂಗ್ ಫಾಸ್ಟ್ ಆಗಿ ಮುಗಿದುಹೋಗುತ್ತೆ.
ನೆಕ್ಸ್ಟ್ ಟೈಮ್ ನೀವು ಏರ್ಪೋರ್ಟ್ಗೆ ಹೋದಾಗ, ಮೆಟಲ್ ಡಿಟೆಕ್ಟರ್ ಮುಂದೆ ನಿಲ್ಲುವ ಮುನ್ನ ಜೇಬಿಗೆ ಒಮ್ಮೆ ಕೈ ಹಾಕಿ ನೋಡಿ. ನಿಮ್ಮ ಜೇಬಿನಲ್ಲಿರೋ ಆ ‘ಪುಟ್ಟ ವಸ್ತು’ವನ್ನ ಲೈಟ್ ಆಗಿ ತಗೋಬೇಡಿ. ಮುಂದಿನ ಸಲ ಫ್ಲೈಟ್ ಹತ್ತುವಾಗ ಜೇಬ್ ಖಾಲಿ ಮಾಡಿ, ನೆಮ್ಮದಿಯಾಗಿ ಜರ್ನಿ ಎಂಜಾಯ್ ಮಾಡಿ!
