ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ಕತಾರ್‌ ನಲ್ಲಿ ನಡೆಯುತ್ತಿರುವ ವಿಶ್ವಕಪ್‌ನಲ್ಲಿ ಭಾಗವಹಿಸುವ ತಂಡಗಳಿಗೆ ಬೆಂಬಲ ಸೂಚಿಸಿ ಸ್ಟಾರ್ ಆಟಗಾರರ ಕಟೌಟ್‌ಗಳನ್ನು ಹಾಕಿರುವ ಕೇರಳದ ಮುಸ್ಲಿಂ ಅಭಿಮಾನಿಗಳ ಫುಟ್ಬಾಲ್ ಪ್ರೇಮದ ವಿರುದ್ಧ ಕೇರಳದ ಸುನ್ನಿ ಮುಸ್ಲಿಂ ಸಂಘಟನೆ ಕಿಡಿಕಾರಿದೆ.
ಅರ್ಜೆಂಟೀನಾದ ಲಿಯೋನೆಲ್ ಮೆಸ್ಸಿ, ಪೋರ್ಚುಗಲ್‌ನ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತು ಬ್ರೆಜಿಲ್‌ನ ನೇಮರ್ ಜೂನಿಯರ್ ಅವರ ಕಟೌಟ್‌ಗಳನ್ನು ನಿರ್ಮಿಸುತ್ತಿರುವ ಫುಟ್ಬಾಲ್ ಅಭಿಮಾನಿಗಳ ಬಗ್ಗೆ ಸಮಸ್ತ ಕೇರಳ ಜಂ-ಇಯ್ಯತುಲ್ ಉಲಮಾದ ಕುತ್ಬಾ ಸಮಿತಿಯ ಪ್ರಧಾನ ಕಾರ್ಯದರ್ಶಿ ನಾಸರ್ ಫೈಝಿ ಕೂಡತಾಯಿ ಕಳವಳ ವ್ಯಕ್ತಪಡಿಸಿದರು.
ಫುಟ್ಬಾಲ್ ಸೆಲೆಬ್ರಿಟಿಗಳನ್ನು ಪೂಜಿಸುವುದು ಇಸ್ಲಾಂಗೆ ವಿರುದ್ಧವಾಗಿದೆ. ಅನೇಕ ದೇಶಗಳನ್ನು ವಸಾಹತುವನ್ನಾಗಿ ಮಾಡಿದ ಪೋರ್ಚುಗಲ್‌ನ ಧ್ವಜಗಳನ್ನು ಬೀಸಬಾರದು. ಕತಾರ್‌ನಲ್ಲಿ ನಡೆಯುತ್ತಿರುವ ಆಟಗಳಿಂದ ವಿದ್ಯಾರ್ಥಿಗಳು ಅಧ್ಯಯನದಲ್ಲಿ ಆಸಕ್ತಿ ಕಳೆದುಕೊಳ್ಳುತ್ತಿದ್ದಾರೆ ಎಂದು ಅವರು ವಿಷಾದಿಸಿದರು.
ಆದರೆ ನಾವು ಫುಟ್ಬಾಲ್ ವಿರುದ್ಧ ಇಲ್ಲ ಎಂದು ಅವರು ಸ್ಪಷ್ಟಪಡಿಸಿದರು.
“ಆಟವನ್ನು ಆಟದಂತೆ ನೋಡಬೇಕು. ಫುಟ್ಬಾಲ್ ಜ್ವರವಾಗುತ್ತಿದೆ, ಜನರು ಅದರ ವ್ಯಸನಿಯಾಗುತ್ತಿದ್ದಾರೆ. ಇದು ಒಳ್ಳೆಯದಲ್ಲ” ಎಂದು ನಾಸರ್ ಹೇಳಿದರು. ಅವರ ಪ್ರಕಾರ, ಕ್ರೀಡೆಯನ್ನು ದೈಹಿಕ ಚಟುವಟಿಕೆಯನ್ನು ಪ್ರೋತ್ಸಾಹಿಸುವ ಆಟವಾಗಿ ಮಾತ್ರ ಉತ್ತೇಜಿಸಬೇಕು. ಇಸ್ಲಾಂ ಧರ್ಮಕ್ಕೆ ಬಂದಾಗ ಜನರನ್ನು ಪೂಜಿಸಲು ಒಂದು ಮಿತಿ ಇದೆ. ವ್ಯಕ್ತಿಗಳ ಆರಾಧನೆಗೆ ಅವಕಾಶವಿಲ್ಲ ಅವರು ಹೇಳಿದರು.
ಏತನ್ಮಧ್ಯೆ, ರಾಜ್ಯ ಶಿಕ್ಷಣ ಸಚಿವ ವಿ ಶಿವನ್‌ಕುಟ್ಟಿ ಮತ್ತು ಇಂಡಿಯನ್ ಯೂನಿಯನ್ ಮುಸ್ಲಿಂ ಲೀಗ್ ನಾಯಕ ಎಂ ಕೆ ಮುನೀರ್ ಅವರು ನಾಸೆರ್ ಹೇಳಿಕೆಗೆ ವಿರುದ್ಧವಾಗಿ ಪ್ರತಿಕ್ರಿಯಿಸಿದ್ದಾರೆ ಮತ್ತು ಫುಟ್ಬಾಲ್ ನೋಡುವುದು ಮತ್ತು ಫುಟ್ಬಾಲ್ ದಂತಕಥೆಗಳ ಅಭಿಮಾನಿಗಳಾಗುವುದು ಒಬ್ಬರ ವೈಯಕ್ತಿಕ ಸ್ವಾತಂತ್ರ್ಯದ ಭಾಗವಾಗಿದೆ ಎಂದು ಅವರು ಹೇಳಿದ್ದಾರೆ.
ಸೆಲೆಬ್ರಿಟಿಗಳ ಆರಾಧನೆ ಇಸ್ಲಾಮಿಕ್‌ ನಂಬಿಕೆಗೆ ವಿರುದ್ಧ: ಕೇರಳ ಯುವಕರ ಫುಟ್ಬಾಲ್ ʼಕ್ರೇಜ್‌ʼ ಬಗ್ಗೆ ಮುಸ್ಲಿಂ ಸಂಘಟನೆ ಅಸಮಾಧಾನ
ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ
