ಹೊಸದಿಗಂತ ಡಿಜಿಟಲ್ ಡೆಸ್ಕ್:
ನಂದಮೂರಿ ನಟಸಿಂಹ ಬಾಲಕೃಷ್ಣ ಅಭಿನಯದ ಇತ್ತೀಚಿನ ಸಿನಿಮಾದ ಶೂಟಿಂಗ್ ವೇಗವಾಗಿ ನಡೆಯುತ್ತಿದೆ. “NBK107” ಎಂಬ ವರ್ಕಿಂಗ್ ಟೈಟಲ್‌ನೊಂದಿಗೆ ಚಿತ್ರೀಕರಣಗೊಳ್ಳುತ್ತಿರುವ ಈ ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ನಿರೀಕ್ಷೆಗಳಿವೆ. ಈ ಚಿತ್ರಕ್ಕೆ ಸಂಬಂಧಿಸಿದ ವಿಡಿಯೋವೊಂದು ವೈರಲ್ ಆಗಿದೆ.
ಇತ್ತೀಚೆಗಷ್ಟೇ ಈ ಸಿನಿಮಾದ ಟರ್ಕಿಶ್ ಶೆಡ್ಯೂಲ್ ಅನ್ನು ಚಿತ್ರತಂಡ ಮುಗಿಸಿರುವುದು ಗೊತ್ತೇ ಇದೆ. ಆ ಶೆಡ್ಯೂಲ್‌ನಲ್ಲಿ ಬಾಲಯ್ಯ ಸ್ಟೆಪ್‌ ಹಾಕುತ್ತಿರುವ ಚಿತ್ರೀಕರಣದ ವಿಡಿಯೋವನ್ನು ನೆಟ್ಟಿಗರೊಬ್ಬರು ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ “ಸುಗುಣ ಸುಂದರಿ.. ಸುಗುಣ ಸುಂದರಿ.. ಸುರ ಸುರ ಸೋಪ್ಲಾ ರಂಗೇಲಿ” ಹಾಡಿಗೆ ಬಾಲಯ್ಯ ಮಾಸ್ ಸ್ಟೆಪ್ಸ್ ಹಾಕುತ್ತಿದ್ದಾರೆ.
ಬಾಲಯ್ಯ ಅವರ ಅಭಿಮಾನಿಗಳು ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡುತ್ತಿದ್ದಾರೆ. ಇಂತಹ ಮಾಸ್ ಬೀಟ್ ಕೊಟ್ಟಿದ್ದಕ್ಕೆ ನಿರ್ದೇಶಕ ಥಮನ್ ಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಚಿತ್ರವನ್ನು ಗೋಪಿಚಂದ್ ಮಲಿನೇನಿ ನಿರ್ದೇಶಿಸಿದ್ದಾರೆ ಮತ್ತು ಮೈತ್ರಿ ಮೂವೀ ಮೇಕರ್ಸ್ ನಿರ್ಮಿಸಿದ್ದಾರೆ. ಶ್ರುತಿ ಹಾಸನ್ ನಾಯಕಿಯಾಗಿ ತಯಾರಾಗುತ್ತಿರುವ ಈ ಸಿನಿಮಾ ಸಂಕ್ರಾಂತಿಗೆ ತೆರೆ ಕಾಣಲಿದೆ.
#NBK107 In sets Song making… Balayyababu Rocking Steps💥💥#BalayyaBabu #NandamuriBalakrishna #UnstoppableWithNBKS2 #Unstoppable2WithNBK #GodofMassesNBK pic.twitter.com/lEPE0i2aRD
— Sabrish Mutyala (@Sabrish110) October 11, 2022
