Sunday, December 4, 2022

Latest Posts

ಅಮೆಜಾನ್ ಥರದ ದಿಗ್ಗಜರಿಗೆ ಸವಾಲೊಡ್ಡಲಿರೋ ಭಾರತ ಸರ್ಕಾರದ ವಾಣಿಜ್ಯ ನೆಟ್ವರ್ಕ್- ಬೆಂಗಳೂರಿನಿಂದ ಪರೀಕ್ಷಾರ್ಥ ಪ್ರಯೋಗ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌

ಡಿಜಿಟಲ್‌ ವಾಣಿಜ್ಯ ವ್ಯವಹಾರವನ್ನು ಉತ್ತೇಜಿಸುವ ದೃಷ್ಟಿಯಿಂದ ಜಾರಿಗೆ ತರಲಾಗುತ್ತಿರುವ ಸರ್ಕಾರದ ಓಪನ್ ನೆಟ್‌ವರ್ಕ್ ಫಾರ್ ಡಿಜಿಟಲ್ ಕಾಮರ್ಸ್(ONDC) ಉಪಕ್ರಮವನ್ನು ಆರಂಭಿಕವಾಗಿ ಬೀಟಾ ರೂಪದಲ್ಲಿ ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಪ್ರಾರಂಭಿಸಲಾಗುತ್ತಿದೆ. ಇದರಿಂದಾಗಿ ನಿಮ್ಮ ಖರೀದಿ ಅನುಭವವವು ಇನ್ನಷ್ಷು ಆರಾಮದಾಯಕ ಎನಿಸಲಿದೆ.

ಈ ಅಪ್ಲಿಕೇಷನ್‌ ಜಿಲ್ಲೆಯಲ್ಲಿ 16 ಪಿನ್‌ಕೋಡ್‌ಗಳಲ್ಲಿ ಲಭ್ಯವಿರುತ್ತದೆ ಮತ್ತು ಕಿರಾಣಾ ಸ್ಟೋರ್‌ಗಳು ಮತ್ತು ಸೂಪರ್‌ಮಾರ್ಕೆಟ್‌ಗಳು ಮತ್ತು ಆಹಾರ ಮತ್ತು ಪಾನೀಯ ಸೇವಾ ಪೂರೈಕೆದಾರರ ವಿವಧ ಆಯ್ಕೆಗಳನ್ನು ಇದು ನೀಡಲಿದೆ. ಬೀಟಾ ಹಂತದಲ್ಲಿ, ಒಎನ್‌ಡಿಸಿ ತನ್ನ ಸೇವೆಗಳನ್ನು ದೊಮ್ಮಲೂರು, ಇಂದಿರಾನಗರ, ಮುರುಗೇಶಪಾಳ್ಯ, ಬಿಟಿಎಂ ಲೇಔಟ್, ಜೆಪಿ ನಗರ, ಕಮ್ಮನಹಳ್ಳಿ, ಮೈಸೂರು ರಸ್ತೆ, ಬನ್ನೇರುಘಟ್ಟ ರಸ್ತೆ, ಹೆಬ್ಬಾಳ, ಕೋರಮಂಗಲ ಮತ್ತು ಆರ್‌ಆರ್ ನಗರ ಸೇರಿದಂತೆ ಇತರೆಡೆ ನೀಡಲಿದೆ.

ಡಿಜಿಟಲ್ ವಾಣಿಜ್ಯಕ್ಕಾಗಿ ಓಪನ್ ನೆಟ್‌ವರ್ಕ್ (ONDC) ಡಿಜಿಟಲ್ ಅಥವಾ ಎಲೆಕ್ಟ್ರಾನಿಕ್ ನೆಟ್‌ವರ್ಕ್‌ಗಳ ಮೂಲಕ ಸರಕು ಮತ್ತು ಸೇವೆಗಳ ವಿನಿಮಯದ ಎಲ್ಲಾ ಅಂಶಗಳಿಗೆ ಮುಕ್ತ ನೆಟ್‌ವರ್ಕ್‌ಗಳನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ. ವೆಚ್ಚ-ಪರಿಣಾಮಕಾರಿಯಾಗಿದ್ದು ಖರೀದಿದಾರರು ಮತ್ತು ಸಣ್ಣ ವ್ಯವಹಾರಗಳಿಗೆ ಹೆಚ್ಚಿನ ಲಾಭ ತಂದು ಕೊಡಲಿದೆ.

ಏನಿದು ಒಎನ್‌ಡಿಸಿ ?
ಇದು ಮುಕ್ತ ಇ-ಕಾಮರ್ಸ್ ಅನ್ನು ಅಭಿವೃದ್ಧಿಪಡಿಸಲು ಭಾರತ ಸರ್ಕಾರದ ಉದ್ಯಮ ಮತ್ತು ಆಂತರಿಕ ವ್ಯಾಪಾರದ (DPIIT) ಇಲಾಖೆ ಸ್ಥಾಪಿಸಿದ ಖಾಸಗಿ ಲಾಭರಹಿತ ಕಂಪನಿಯಾಗಿದೆ. ಕ್ವಾಲಿಟಿ ಕೌನ್ಸಿಲ್ ಆಫ್ ಇಂಡಿಯಾ ಮತ್ತು ಪ್ರೊಟೀನ್ ಇಗೋವ್ ಟೆಕ್ನಾಲಜೀಸ್ ಲಿಮಿಟೆಡ್ ನಿಂದ ಆರಂಭಿಕ ಹೂಡಿಕೆಯೊಂದಿಗೆ ಇದನ್ನು 31 ಡಿಸೆಂಬರ್ 2021 ರಂದು ಸಂಯೋಜಿಸಲಾಯಿತು.

ONDC ಎನ್ನುವುದು ಒಂದು ಅಪ್ಲಿಕೇಶನ್, ಮಧ್ಯವರ್ತಿ ಅಥವಾ ಸಾಫ್ಟ್‌ವೇರ್ ಅಲ್ಲ, ಆದರೆ ಶಾಪರ್‌ಗಳು, ತಂತ್ರಜ್ಞಾನ ವೇದಿಕೆಗಳು ಮತ್ತು ಚಿಲ್ಲರೆ ವ್ಯಾಪಾರಿಗಳ ನಡುವಿನ ಮುಕ್ತ ವಿನಿಮಯ ಮತ್ತು ಸಂಪರ್ಕಗಳನ್ನು ಉತ್ತೇಜಿಸಲು ವಿನ್ಯಾಸಗೊಳಿಸಲಾದ ವಿಶೇಷಣಗಳ ಗುಂಪಾಗಿದೆ

ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ :
Paytm, MyStore ಮತ್ತು Spice Money ನಂತಹ ಅಪ್ಲಿಕೇಶನ್‌ನಲ್ಲಿ ಖರೀದಿದಾರರು ತಮ್ಮ ಆಯ್ಕೆಯ ಯಾವುದೇ ಖರೀದಿದಾರ ಅಪ್ಲಿಕೇಶನ್‌ನಿಂದ ಬಹು (ಪ್ರಸ್ತುತ ಎರಡು) ಉತ್ಪನ್ನಗಳು ಮತ್ತು ಸೇವೆಗಳ ವರ್ಗಗಳಿಂದ ಶಾಪಿಂಗ್ ಮಾಡಬಹುದಾಗಿದೆ.

ವಿತರಣೆಯನ್ನು ಲೋಡ್‌ಶೇರ್ ಮತ್ತು ಡಂಜೊ ಮೂಲಕ ನಿರ್ವಹಿಸಲಾಗುತ್ತದೆ ಎನ್ನಲಾಗಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!