ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಸಾಮಾಜಿಕ ಜಾಲತಾಣಗಳಲ್ಲಿ ಯಾವೆಲ್ಲಾ ಜಾಗಗಳು ವೈರಲ್ ಆಗಿವೆಯೋ ಆ ಜಾಗದಲ್ಲಿ ವೀಕೆಂಡ್ ಕ್ರೌಡ್ ಇಲ್ಲದೇ ಇರೋಕೆ ಚಾನ್ಸೇ ಇಲ್ಲ!
ಕಾಫಿನಾಡು ಚಿಕ್ಕಮಗಳೂರಿನ ಅಂದದ ತಾಣಗಳಾದ ಮುಳ್ಳಯನಗಿರಿ, ದತ್ತಪೀಠ, ಗಾಳಿಕೆರೆ ಸುತ್ತಮುತ್ತ ಇಂದು ಭಾರೀ ಟ್ರಾಫಿಕ್ ಜಾಮ್ ಆಗಿದೆ. ಸೀತಾಳಯ್ಯನಗಿರಿಯ ಬಳಿ ಟ್ರಾಫಿಕ್ನಿಂದಾಗಿ ನೂರಾರು ಕಾರುಗಳು ಸಿಕ್ಕಿಹಾಕಿಕೊಂಡಿವೆ. ಪಂಡರವಳ್ಳಿ – ಸೀತಾಳಯ್ಯನಗಿರಿ ಬಳಿ ಗಿರಿಯ ಕಿರಿದಾದ ರಸ್ತೆಯಲ್ಲಿ ಸಿಲುಕಿ ಗಂಟೆಗಟ್ಟಲೇ ಪ್ರವಾಸಿಗರು ಹೈರಾಣಾಗಿದ್ದಾರೆ. ಪ್ರವಾಸಿಗರು ಯಾಕಾದರೂ ಬಂದೆವೋ ಎನ್ನುವಷ್ಟು ಬೇಸ್ತುಬಿದ್ದಿದ್ದಾರೆ.
ಪ್ರವಾಸೋದ್ಯಮ ಇಲಾಖೆಯ ಆನ್ಲೈನ್ ಟಿಕೆಟ್ ನಿಯಮ ಗಾಳಿಗೆ ತೂರಲಾಗಿದೆ. ಒಂದು ಕಾರಿಗೆ 1000-1500 ರೂ. ಹಣ ಪಡೆದು ಪ್ರವಾಸಿಗರ ಕಾರನ್ನು ಗಿರಿಭಾಗಕ್ಕೆ ಬಿಡಲಾಗುತ್ತಿದೆ. ಇದರಿಂದಾಗಿ ಟ್ರಾಫಿಕ್ ಉಂಟಾಗಿದೆ ಎಂಬ ಆರೋಪಗಳು ಕೇಳಿಬಂದಿವೆ. ಟ್ರಾಫಿಕ್ ಕ್ಲಿಯರ್ ಮಾಡಲು ಪೊಲೀಸರು, ಚೆಕ್ಪೋಸ್ಟ್ ಸಿಬ್ಬಂದಿ ಪರದಾಡಿದ್ದಾರೆ.
