ಸಾಮಾಜಿಕ ಜಾಲತಾಣದಲ್ಲಿ ಹೊಸ ಟ್ರೆಂಡ್‌ ಒಂದು ಬಂದಿದೆ. ಈ ತಿಂಗಳಿನಲ್ಲಿ ಆದಷ್ಟು ಕಡಿಮೆ ಫೋನ್ ಬಳಸುವುದು ಅಥವಾ ಬಳಸದೇ ಇರುವ ಚಾಲೆಂಜ್‌ನ್ನು ಜನ ತೆಗೆದುಕೊಳ್ಳುತ್ತಿದ್ದಾರೆ. ಈಗೆಲ್ಲಾ ಫೋನ್ ಇಲ್ಲದೆ ಬಾತ್‌ರೂಮ್‌ಗೆ ಹೋಗೋದಕ್ಕೂ ಜನ ಹಿಂದೆ ಮುಂದೆ ನೋಡ್ತಾರೆ. ಇಂಥ ಸಮಯದಲ್ಲಿ ಹೊಸ ಚಾಲೆಂಜ್‌ ಎದುರಾಗಿದ್ದು, ಜನ ಅಕ್ಸೆಪ್ಟ್‌ ಮಾಡಲು ಮುಂದಾಗಿದ್ದಾರೆ. ನೋ ಫೋನ್ ಫೆಬ್ರವರಿ ಚಾಲೆಂಜ್‌ ಮಾಡೋದಕ್ಕೆ ಟಿಪ್ಸ್‌ ಇಲ್ಲಿದೆ..
ಫೋನ್ ಸ್ಕ್ರೀನ್ ಮೇಲೆ ನೋಟಿಫಿಕೇಷನ್ ಪಾಪ್ ಅಪ್ ಆದಾಗ ನಮ್ಮಲ್ಲಿ ಅನೇಕರು ತಮ್ಮ ಫೋನ್‌ಗಳನ್ನು ತೆಗೆದುಕೊಳ್ಳುತ್ತಾರೆ. ಅನಗತ್ಯ ಅಪ್ಲಿಕೇಶನ್‌ಗಳ ಅಧಿಸೂಚನೆಗಳನ್ನು ನಿಷ್ಕ್ರಿಯಗೊಳಿಸುವುದು ಒಳ್ಳೆಯದು.
ಮೊಬೈಲ್ ಫೋನ್ ಅನ್ನು 10 ನಿಮಿಷದವರೆಗೆ ಮುಟ್ಟುವುದಿಲ್ಲ ಮತ್ತು ನೋಡುವುದಿಲ್ಲ ಅಂತ ಮನಸ್ಸು ಮಾಡಿ ಸಣ್ಣ ಸಣ್ಣ ವಿರಾಮಗಳನ್ನು ತೆಗೆದುಕೊಳ್ಳಿ. ನಂತರ ಕ್ರಮೇಣ ವಿರಾಮದ ಸಮಯವನ್ನು 30 ನಿಮಿಷಗಳವರೆಗೆ ಜಾಸ್ತಿ ಮಾಡಿ.
ನಿಮ್ಮ ಫೋನ್ ಅನ್ನು ಆಗಾಗ್ಗೆ ಆಫ್‌ಲೈನ್ ಮೋಡಿಗೆ ಹಾಕುವುದು ನಿಮ್ಮ ಸ್ಕ್ರೀನ್ ಟೈಂ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಓದುವಾಗ, ವಾಕ್ ಮಾಡುವಾಗ, ಅಡುಗೆ ಮಾಡುವಾಗ, ವ್ಯಾಯಾಮ ಮಾಡುವಾಗ, ನಿದ್ರೆ ಮಾಡುವಾಗ ಫೋನ್ ಅನ್ನು ಆಫ್‌ಲೈನ್ ಮೋಡಿಗೆ ಹಾಕುವುದು ಒಳ್ಳೆಯದು.
ನಿಮ್ಮ ಫೋನ್ ಅನ್ನು ವಾಶ್‌ರೂಮ್‌ಗೆ ಮತ್ತು ಮಲಗುವ ಕೋಣೆಗೆ ಒಯ್ಯಬೇಡಿ. ಇದು ನಿಮ್ಮನ್ನು ವಿವಿಧ ರೋಗಾಣುಗಳಿಗೆ ಒಡ್ಡುತ್ತದೆ, ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ. ಅಂತೆಯೇ, ಮಲಗುವ ಮುನ್ನ ನಿಮ್ಮ ಫೋನ್ ಅನ್ನು ಬಳಸುವುದರಿಂದ ನಿಮ್ಮ ನಿದ್ರೆಯ ಗುಣಮಟ್ಟವನ್ನು ಋಣಾತ್ಮಕವಾಗಿ ಪರಿಣಾಮ ಬೀರಬಹುದು, ಇದು ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.
