ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಪ್ಯಾಲೆಸ್ತೀನ್‌ನ ಹಮಾಸ್ ಉಗ್ರರ ರಾಕೆಟ್‌ ದಾಳಿಗೆ ಇಸ್ರೇಲ್ ಕಂಗಾಲಾಗಿದ್ದು, ಇಸ್ರೇಲ್‌ನಲ್ಲಿ ‘ಯುದ್ಧದ ಸ್ಥಿತಿ’ಯನ್ನು ಘೋಷಿಸಿದೆ.
ಇಸ್ರೇಲ್ ಗಾಜಾ ಪಟ್ಟಿಯ ಮೇಲೆ ವೈಮಾನಿಕ ದಾಳಿಯನ್ನು ಪ್ರಾರಂಭಿಸಿದ್ದು, ತಮ್ಮಮೊದಲ ದಾಳಿ ಮಾತ್ರ ಎಂದೂ ಹೇಳಿಕೊಂಡಿದೆ.
ಈ ದಾಳಿಗೆ ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ವಿಡಿಯೋ ಹೇಳಿಕೆಯಲ್ಲಿ ಮೊದಲ ಪ್ರತಿಕ್ರಿಯೆ ನೀಡಿದ್ದು, ದೇಶವು ಯುದ್ಧದಲ್ಲಿದೆ ಎಂದು ಹೇಳಿದ್ದಾರೆ. ಅಲ್ಲದೆ, ಹಮಾಸ್‌ಗೆ ತಕ್ಕ ಶಾಸ್ತಿ ಮಾಡೋದಾಗಿ ಎಚ್ಚರಿಕೆಯನ್ನೂ ನೀಡಿದ್ದಾರೆ.
ನಾವು ಯುದ್ಧದಲ್ಲಿದ್ದೇವೆ ಮತ್ತು ನಾವು ಗೆಲ್ಲುತ್ತೇವೆ . ಕಾರ್ಯಾಚರಣೆ ಅಲ್ಲ, ‘ರೌಂಡ್‌’ ಅಲ್ಲ, ಆದರೆ ಯುದ್ಧವೇ ನಡೀತಿದೆ ಎಂದೂ ಬೆಂಜಮಿನ್ ನೆತನ್ಯಾಹು ಹೇಳಿದ್ದಾರೆ.
ಹಮಾಸ್ ಇಸ್ರೇಲ್ ಮೇಲೆ ಏಕಾಏಕಿ ಸಾವಿರಾರು ರಾಕೆಟ್‌ ದಾಳಿ ಮಾಡಿದ್ದು, ನಂತರ ಇಸ್ರೇಲ್‌ಗೆ ನುಗ್ಗಿದೆ. ಈ ದಾಳಿಯನ್ನು ಪ್ರಾರಂಭಿಸಿದ ನಂತರ ದೂರದರ್ಶನದ ಭಾಷಣದಲ್ಲಿನ ಕಾಮೆಂಟ್‌ಗಳು ಬೆಂಜಮಿನ್ ನೆತನ್ಯಾಹು ಅವರ ಮೊದಲ ಪ್ರತಿಕ್ರಿಯೆಗಳನ್ನು ಗುರುತಿಸುತ್ತವೆ. ಮೀಸಲು ಯೋಧರನ್ನು ಕರೆಸುವಂತೆ ಆದೇಶಿಸಿದ ಇಸ್ರೇಲ್ ಪ್ರಧಾನಿ, ಹಮಾಸ್ ಇದುವರೆಗೂ ಗೊತ್ತಿಲ್ಲದ ಬೆಲೆಯನ್ನು ಪಾವತಿಸುತ್ತದೆ ಎಂದೂ ಎಚ್ಚರಿಕೆ ನೀಡಿದರು.
ಇಸ್ರೇಲಿ ಸೈನಿಕರೊಂದಿಗಿನ ಗುಂಡಿನ ಚಕಮಕಿಯಲ್ಲಿ ಸಿಲುಕಿರುವ ಹಮಾಸ್ ಉಗ್ರಗಾಮಿಗಳ ಒಳನುಸುಳಿರುವ ಪಟ್ಟಣಗಳನ್ನು ತೆರವುಗೊಳಿಸುವಂತೆಯೂ ಪ್ರಧಾನ ಮಂತ್ರಿ ಇಸ್ರೇಲ್ ಮಿಲಿಟರಿಗೆ ಆದೇಶಿಸಿದ್ದಾರೆ.
ಡಜನ್‌ಗಟ್ಟಲೆ IDF ಫೈಟರ್ ಜೆಟ್‌ಗಳು ಪ್ರಸ್ತುತ ಗಾಜಾ ಪಟ್ಟಿಯಲ್ಲಿರುವ ಹಮಾಸ್ ಭಯೋತ್ಪಾದಕ ಸಂಘಟನೆಗೆ ಸೇರಿದ ಹಲವಾರು ಸ್ಥಳಗಳ ಮೇಲೆ ಟಾರ್ಗೆಟ್‌ ಮಾಡುತ್ತಿವೆ ಎಂದೂ ಮಿಲಿಟರಿ ಹೇಳಿದೆ.
