ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಶ್ಮಿಕಾ ಮಂದಣ್ಣ ಒಂದಿಲ್ಲೊಂದು ಕಾರಣಕ್ಕೆ ಸದಾ ಸುದ್ದಿಯಲ್ಲಿರ್ತಾರೆ. ಇದೀಗ ಕನ್ನಡ ಸಿನಿಮಾ ಇಂಡಸ್ಟ್ರಿಯಲ್ಲಿ ರಶ್ಮಿಕಾರನ್ನು ಬ್ಯಾನ್ ಮಾಡಲಾಗಿದೆ ಎನ್ನುವ ಮಾತಿಗೆ ರಶ್ಮಿಕಾ ಉತ್ತರ ನೀಡಿದ್ದಾರೆ.
ನನ್ನ ಮೇಲೆ ಯಾವುದೇ ನಿಷೇಧ ಹೇರಿಲ್ಲ. ಕಾಂತಾರ ನೋಡಿಲ್ಲ ಎಂದ ಕಾರಣಕ್ಕೆ ನನ್ನ ಮೇಲೆ ವಿರೋಧ ವ್ಯಕ್ತವಾಗಿದೆ. ಸಿನಿಮಾ ಅದ್ಭುತವಾಗಿದೆ. ನಾನು ಕಾಂತಾರ ನೋಡಿ ಇಡೀ ತಂಡಕ್ಕೆ ಸಂದೇಶ ಕಳಿಸಿದ್ದೇನೆ.
ಹೊರಗಿನಿಂದ ಕಾಣುವುದು ಮಾತ್ರ ಮಾಧ್ಯಮಕ್ಕೆ ತಿಳಿಯುತ್ತದೆ. ಆದರೆ ಕೆಲವು ವೈಯಕ್ತಿಕ ವಿಚಾರಗಳ ಬಗ್ಗೆ ನಿಮಗೆ ತಿಳಿದಿರುವುದಿಲ್ಲ. ಖಾಸಗಿ ವಿಷಯಗಳನ್ನು ಜಗತ್ತಿಗೆ ತೋರಿಸಲು ಆಗುವುದಿಲ್ಲ.
ಸಂದೇಶ ಕಳಿಸಿದ್ದನ್ನು ಬಿಡುಗಡೆ ಮಾಡೋಕೂ ಆಗೋದಿಲ್ಲ. ಅದು ನನ್ನ ವೈಯಕ್ತಿಕ ವಿಷಯ. ಸಿನಿಮಾಗಳ ಬಗ್ಗೆ ಏನಿದ್ದರೂ ಮಾತನಾಡೋಣ ಆದರೆ ಖಾಸಗಿ ವಿಷಯಗಳನ್ನು ಬಿಟ್ಟುಬಿಡಿ ಎಂದು ರಶ್ಮಿಕಾ ಹೇಳಿದ್ದಾರೆ.