ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಅತ್ತ ತವರಿನಲ್ಲಿ ಸೋಲಿಟ್ಟಿದ್ದು, ಇದ್ರ ನಡುವೆ ಆರ್ಸಿಬಿ ಫ್ರಾಂಚೈಸಿಯೂ ದೆಹಲಿ ಹೈಕೋರ್ಟ್ ಮೆಟ್ಟಿಲೇರಿದೆ.
ಇತ್ತೀಚೆಗೆ ಸನ್ರೈಸರ್ಸ್ ಹೈದ್ರಾಬಾದ್ ತಂಡದ ಸ್ಫೋಟಕ ಬ್ಯಾಟ್ಸ್ಮನ್ ಓಪನರ್ ಟ್ರಾವಿಸ್ ಹೆಡ್ ಅವರು ಜಾಹೀರಾತು ಒಂದರಲ್ಲಿ ನಟಿಸಿದ್ದರು. ಟ್ಯಾಕ್ಸಿ ಕಂಪನಿಯಾದ ಊಬರ್ ಸಂಸ್ಥೆ ಜಾಹೀರಾತಿನಲ್ಲಿ ಆರ್ಸಿಬಿಯ ಕುರಿತು ಅವಹೇಳನ ಮಾಡಲಾಗಿದೆ ಎಂದು ಹೇಳಲಾಗಿದೆ.
ಊಬರ್ ಕಂಪನಿ ಯೂಟ್ಯೂಬ್ ಜಾಹೀರಾತು ಒಂದರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಅವಹೇಳನ ಮಾಡಲಾಗಿದೆ ಎಂದು ಫ್ರಾಂಚೈಸಿ ಆರೋಪ ಮಾಡಿದೆ. ಈ ಹಿನ್ನೆಲೆಯಲ್ಲಿ ದೆಹಲಿಯ ಹೈಕೋರ್ಟ್ಗೆ ಆರ್ಸಿಬಿ ಫ್ರಾಂಚೈಸಿ ಅರ್ಜಿ ಸಲ್ಲಿಕೆ ಮಾಡಿತ್ತು. ಇದನ್ನು ಏಪ್ರಿಲ್ 17 ರಂದು ದೆಹಲಿ ಹೈಕೋರ್ಟ್ ವಿಚಾರಣೆ ಮಾಡಿದೆ. ನ್ಯಾಯಾಧೀಶ ಸೌರಭ್ ಬ್ಯಾನರ್ಜಿ ಅವರು ಆದೇಶವನ್ನು ಕಾಯ್ದಿರಿಸಿದ್ದಾರೆ.
ಹೈದ್ರಾಬಾದ್ ತಂಡದ ಸ್ಫೋಟಕ ಬ್ಯಾಟರ್ ಆಗಿರುವ ಟ್ರಾವಿಸ್ ಹೆಡ್ ಅವರು ಬಡ್ಡೀಸ್ ಇನ್ ಬೆಂಗಳೂರು ಎನ್ನುವ ಯೂಟ್ಯೂಬ್ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದರು. ಇದನ್ನು ಊಬರ್ ತಮ್ಮ ಯೂಟ್ಯೂಬ್ನಲ್ಲಿ ಹಂಚಿಕೊಂಡಿತ್ತು. ವಿಡಿಯೋದಲ್ಲಿ ಸ್ಟೇಡಿಯಂನ ಬೋರ್ಡ್ನಲ್ಲಿ ಸ್ಟ್ರೇ ಪೈಂಟ್ ಉಪಯೋಗಿಸಿ ಹೆಡ್, ರಾಯಲ್ಲಿ ಚಾಲೆಂಜ್ಡ್ ಬೆಂಗಳೂರು ಎಂದು ಚೇಂಜ್ ಮಾಡುತ್ತಾರೆ. ಹೀಗಾಗಿ ತನ್ನ ಟ್ರೇಡ್ ಮಾರ್ಕ್ ಘೋಷಣೆಯನ್ನು ಅನಧಿಕೃತವಾಗಿ ಉಪಯೋಗಿಸಲಾಗಿದೆ ಹಾಗೂ ಅದನ್ನು ಸ್ಟ್ರೇ ಪೈಂಟ್ ಬಳಸಿ ವಿರೂಪ ಮಾಡಲಾಗಿದೆ ಎಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ದೆಹಲಿ ಹೈಕೋರ್ಟ್ನಲ್ಲಿ ಅರ್ಜಿ ಸಲ್ಲಿಕೆ ಮಾಡಿದೆ. ಸದ್ಯ ಈ ಅರ್ಜಿಯ ಆದೇಶವನ್ನು ನ್ಯಾಯಾಲಯ ಕಾಯ್ದಿರಿಸಿದೆ.
