ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ರಷ್ಯಾ-ಉಕ್ರೇನ್ ಯುದ್ಧದ ವೇಳೆ ರಷ್ಯಾದ ಕ್ರೈಮಿಯಾದಲ್ಲಿನ ಸೇತುವೆಯ ಮೇಲೆ ಬಾಂಬ್ ಸ್ಫೋಟಗೊಂಡು ಸೇತುವೆ ಸಂಪೂರ್ಣ ಶಿಥಿಲಗೊಂಡಿತ್ತು. ಅದರ ಮೇಲೆ ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಇಂದು ಈ ಸೇತುವೆಯ ಮೇಲೆ ತಮ್ಮದೇ ಆದ ಮರ್ಸಿಡಿಸ್ ಕಾರನ್ನು ಓಡಿಸಿರುವ ವಿಡಿಯೋ ವೈರಲ್ ಆಗಿದೆ.
19 ಕಿಮೀ ಉದ್ದದ ಸೇತುವೆಯು ರಸ್ತೆ ಮತ್ತು ರೈಲು ಸಂಪರ್ಕವನ್ನು ಹೊಂದಿದೆ. ಉಕ್ರೇನ್ ದಾಳಿಯಲ್ಲಿ ಹಾನಿಗೊಳಗಾದ ಈ ಸೇತುವೆಯನ್ನು ಅಧಿಕಾರಿಗಳು ಪ್ರಸ್ತುತ ಪುನಃಸ್ಥಾಪಿಸುತ್ತಿದ್ದಾರೆ. ಉಪ ಪ್ರಧಾನಿ ಮರಾತ್ ಖುನ್ಸುಲಿನ್ ಈ ಜವಾಬ್ದಾರಿಗಳನ್ನು ನೋಡಿಕೊಳ್ಳುತ್ತಿದ್ದಾರೆ. ಪುಟಿನ್ ಭೇಟಿಯ ಸಂದರ್ಭದಲ್ಲಿ ಅವರು ಸ್ಥಳದಲ್ಲಿದ್ದು, ಸೇತುವೆ ಕಾಮಗಾರಿಯನ್ನು ಪುಟಿನ್ ಅವರಿಗೆ ವಿವರಿಸಿದರು. ಸೇತುವೆಯ ಮೇಲೆ ಸ್ವಲ್ಪ ದೂರ ಕಾರಿನಲ್ಲಿ ಹೋದ ಪುಟಿನ್ ನಂತರ ಕಾರಿನಿಂದ ಇಳಿದು ನಡೆದರು. ಈ ಸಂದರ್ಭದಲ್ಲಿ ಅಲ್ಲಿನ ಬಿಲ್ಡರ್ ಗಳೊಂದಿಗೆ ಮಾತನಾಡಿದರು. ಸೇತುವೆಯ ಎಡಭಾಗ ಅಲ್ಪಸ್ವಲ್ಪ ಹಾಳಾಗಿದ್ದು, ದುರಸ್ತಿಗೊಳಿಸುವುದರ ಜೊತೆಗೆ ಸೇತುವೆಯನ್ನು ಯಥಾಸ್ಥಿತಿಗೆ ತರುವಂತೆ ಸೂಚಿಸಲಾಯಿತು. ಈ ಘಟನೆಯನ್ನು ಸ್ಥಳೀಯ ಮಾಧ್ಯಮಗಳು ಬಿತ್ತರಿಸಿದವು.
ಇನ್ನೊಂದೆಡೆ ಪುಟಿನ್ ಅನಾರೋಗ್ಯದ ಬಗ್ಗೆ ಕೆಲ ದಿನಗಳಿಂದ ಅಪಪ್ರಚಾರ ನಡೆಯುತ್ತಿರುವುದು ಗೊತ್ತಾಗಿದೆ. ಇತ್ತೀಚೆಗಷ್ಟೇ ಅವರು ತಮ್ಮ ಅಧಿಕೃತ ನಿವಾಸದಲ್ಲಿ ಮೆಟ್ಟಿಲು ಇಳಿಯುವಾಗ ಕಾಲು ಜಾರಿ ಬಿದ್ದು ಗಾಯಗೊಂಡಿದ್ದರು ಎಂದು ವರದಿಯಾಗಿದೆ. ಈ ಹಿನ್ನೆಲೆಯಲ್ಲಿ ಹೊಸದಾಗಿ ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ಪುಟಿನ್ ಆರೋಗ್ಯ ಹಾಗೂ ಉತ್ಸಾಹದಿಂದ ಕಾಣಿಸಿಕೊಂಡಿದ್ದಾರೆ. ಈ ಮೂಲಕ ಪುಟಿನ್ ಅನಾರೋಗ್ಯದ ಬಗ್ಗೆ ನಡೆಯುತ್ತಿರುವ ಅಪಪ್ರಚಾರಕ್ಕೆ ಕಡಿವಾಣ ಹಾಕಿದಂತಾಗಿದೆ.
…🇷🇺…Vladimir Putin drove along the roadway of the Crimean Bridge, which had been repaired after the October explosion, and talked to the builders
Deputy Prime Minister Marat Khusnullin reported to the head of state on the progress of restoration work. pic.twitter.com/jRCAcz46k8
— Vũ thế Hưng (@vuthehung_1995) December 6, 2022
