ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಸಮಂತಾ ಅಭಿನಯದ ಶಾಕುಂತಲಂ ಚಿತ್ರವು ಏಪ್ರಿಲ್ 14 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಗುಣಶೇಖರ್ ನಿರ್ದೇಶನದ ಶಾಕುಂತಲಂ ಚಿತ್ರವು ದುಷ್ಯಂತು ಮತ್ತು ಶಕುಂತಲೆಯ ಪೌರಾಣಿಕ ಕಥೆಯನ್ನು ಆಧರಿಸಿದೆ. ಸಮಂತಾ, ದೇವ್ ಮೋಹನ್, ಮೋಹನ್ ಬಾಬು, ಅಲ್ಲು ಅರ್ಹ, ಅನನ್ಯ ನಾಗಲ್ಲ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಸಾಕುಂತಲಂ ಚಿತ್ರವು ಭಾರೀ ಪ್ರಚಾರದೊಂದಿಗೆ ಪ್ಯಾನ್ ಇಂಡಿಯಾದಲ್ಲಿ ಬಿಡುಗಡೆಯಾಯಿತು.
ಆದರೆ ಈ ಚಿತ್ರ ಪ್ರೇಕ್ಷಕರನ್ನು ಮೆಚ್ಚಿಸುವಲ್ಲಿ ವಿಫಲವಾಗಿ ಅಟ್ಟರ್‌ ಫ್ಲಾಪ್ ಆಯಿತು. ಚಿತ್ರ ಸೋತು ದೊಡ್ಡ ಶಾಕ್ ನೀಡಿದೆ ಎಂದು ಸ್ವತಃ ನಿರ್ಮಾಪಕರಲ್ಲಿ ಒಬ್ಬರಾದ ದಿಲ್ ರಾಜು ಹೇಳಿದ್ದಾರೆ. ಚಿತ್ರವು 30 ಕೋಟಿಗೂ ಹೆಚ್ಚು ನಷ್ಟವನ್ನುಂಟು ಮಾಡಿದೆ ಎಂದು ವರದಿಯಾಗಿದೆ.
- ಶಾಕುಂತಲಂ ಚಿತ್ರ ಒಟಿಟಿಯಲ್ಲಿ ರಿಲೀಸ್ ಆಗಿದ್ದು, ಈ ಚಿತ್ರಕ್ಕೆ ಹಲವು ಪ್ರಶಸ್ತಿಗಳು ಬಂದಿವೆ ಎಂದು ಚಿತ್ರತಂಡ ಪೋಸ್ಟರ್ ಬಿಡುಗಡೆ ಮಾಡಿದೆ. ಈ ಪೋಸ್ಟರ್ ನಲ್ಲಿ ಶಾಕುಂತಲಂ ಸಿನಿಮಾ..
- #ನ್ಯೂಯಾರ್ಕ್ ಫಿಲ್ಮ್ ಇಂಟರ್ನ್ಯಾಷನಲ್ ಅವಾರ್ಡ್ಸ್ 2023.. ಅತ್ಯುತ್ತಮ ಫ್ಯಾಂಟಸಿ ಫಿಲ್ಮ್, ಅತ್ಯುತ್ತಮ ಸಂಗೀತ ಚಲನಚಿತ್ರ ಪ್ರಶಸ್ತಿ
- #AmericanGoldenPicture ಇಂಟರ್ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ 2023 ಏಪ್ರಿಲ್‌ನಲ್ಲಿ – ಮಹಿಳಾ ಫೀಚರ್ ಫಿಲ್ಮ್‌ನಲ್ಲಿ ಅತ್ಯುತ್ತಮ ಚಲನಚಿತ್ರ
- ಅತ್ಯುತ್ತಮ ಸಿನಿಮಾಟೋಗ್ರಫಿ ಫೀಚರ್ ಫಿಲ್ಮ್, ಅತ್ಯುತ್ತಮ ಫೀಚರ್ ನಿರೂಪಣಾ ಪ್ರಶಸ್ತಿಗಳು
- #ಇಂಡೋ ಫ್ರೆಂಚ್ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವ 2023 ಏಪ್ರಿಲ್‌ನಲ್ಲಿ – ಅತ್ಯುತ್ತಮ ನಿರ್ದೇಶಕ ಚಲನಚಿತ್ರ (ವಿಶೇಷ ತೀರ್ಪುಗಾರರು), ಅತ್ಯುತ್ತಮ ಅಂತರರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು
- #ಕೇನ್ಸ್ ವಿಶ್ವ ಚಲನಚಿತ್ರೋತ್ಸವ 2023 ಏಪ್ರಿಲ್ – ಅಧಿಕೃತ ಆಯ್ಕೆ. ಈ ಪೋಸ್ಟರ್ ವೈರಲ್ ಆಗಿದೆ.
ಫ್ಲಾಪ್ ಚಿತ್ರವೊಂದು ವಿದೇಶದಲ್ಲಿ ಯಾರಿಗೂ ತಿಳಿಯದಂತೆ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ಯಾ ಎಂದು ನೆಟಿಜನ್‌ಗಳು ಅತಿರೇಕದ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ. ಇಷ್ಟೆಲ್ಲಾ ಪ್ರಶಸ್ತಿಗಳನ್ನು ನೀಡಲು ಆ ಸಿನಿಮಾದಲ್ಲಿ ಏನಿದೆ? ಎಂದು ಕಮೆಂಟ್‌ ಮಾಡುತ್ತಿದ್ದಾರೆ.
